تجارب نيويورك

التجربة الأولي

 

سافرت علي التركية من القاهرة (turkish Airlines) في اخر الاسبوع ٣٤ مع زوجي و ابني طيران نظيف جدا و مريح نزلنا في مطار اتاتورك و الاوفيسر  طلب تقرير الدكتور اديتهولو و عدينا الحمد الله

بعد كدا وصلنا مطار jfk ا سألت جايين ليه  معاكو كام قولنالها هتعودوا اد ايه قولتلها شهر 

اوبر وصلنا من المطار للشقة اللي كنت مأجراها ب ١٨٠٠ دولار في الشهر شقة غرفة و صالة في كوينز.

تم الحجز مع الدكتور Georges Sylvestre عند الوصول و تمت المتابعة حتي الولادة في مستشفي المهرست الولادة كانت طبيعي و اتكلفت بالتخدير ١٢٠٠٠ دولار التأمين دفعلي ٩٠٠٠ و انا دفعت الباقي كل انتقالنا كانت بالمترو (محطة woodside)بيوديك في اي حتة في نيويورك و كمان لو عايز تروح Jersey بتنزل في محطة Times Square وتاخ اتوبيس من Port Authority station في منتهي السهولة

الشوبينج:

Burlington

Mills of jersey gardens

Walmart

Queens center

Tj maxx

Marshals

Century 21

بعد الولادة بيومين طلعنا شهادة الميلاد short form ا انزل محطة city hall park في المترو و امشي لحد 125 worth street دا المكان اللي بتطلع منو شهادة الميلاد تاني يوم رحنا passport office ف hudson street  الساعة ١١ و استلمنا الباسبور الساعة ٣ في نفس اليوم لان ممكن تطلعو في نفس اليوم لو هتسافر في خلال ١٤ يوم (مش لازم السفر يكون تاني يوم زي ما الناس فاكرة) و علي فكرة انا دفعت كاش (هما بيقبلوا فيزا و شيكات و كاش) و علي فكرة بردو مليت الابليكشن هناك بالقلم

يوم السفر الصبح كنت متفقة مع حمادة يوصلني بس مجاش كان معايا ٦ شنط و ٢ كارسيت و stroller كبيرة يعني كان لازم عربية SUV طبعا معرفناش نعمل ايه اوبر مكنتش هتنفع فالاستاذ محمد زوج مدام فاتن (المالك) عرض يوصلنا لحد المطار

للاسف في المطار كل الbassinets كانت محجوزة و تقريبا كان في ٨ اطفال لسه مولودة مسافرة علي الطيارة!!!! بس الحمد لله كان في كرسي فاضي ف حطيت البيبي جنبي ووقت الاقلاع و الهبوط كنت بربطوا علي حجري

 

التجربة الثانية

 

مساء الخير علي احسن جروب مساعد وعلي اعضاءه المحترمين واصحاب الجروب وبصراحه ربنا يجازيهم خير علي تعبهم معنا وعلي فكره الجروب الحلوه

انا حابه انقل تجربتي

الحمدلله ولدت طبيعي بس كان قبل الميعاد باسبوع لان المايه نزلت عليا

انا كنت متابعه مع ايمان سلطان ٣٠٠٠ دولار والمستشفي richmond university medical center ب staten island هي الولاده الطبيعي ب ٧٢٠٠ دولار لكن انا اتكلفت اكتر لان البنت دخلت عنايه مركزه لا قعدت في الولاده وقت كتير فنزلت عندها مشكله في التنفس وقعدت يومين بس الحمدلله بقه تمام والتخدير ٨٠٠ دولار ودكتور الاطفال اخد كشف للبنت بعد ماخرجت ٥٠ دولار شهاده الميلاد short form اخدت ٣ ايام والباسبور في نفس اليوم و SSN خلال ١٤ يوم وlong form شهاده الميلاد ١٦ يوم اتمني اكون وضحت كل حاجه وربنا يسهل للجميع يارررب

ممكن من اصحاب الجروب ينقلوني علي جروب التوثيق وشكرا علي اهتمامكم

 

التجربة الثالثه

 

السلام عليكم

دي تجربه السفر و الولادة من مصر نيويورك الولاده في زمن الكورونا 😂😂

اولا احب اشكر  الباشمهندس **** جدا لانه ساعدني كتير جدا في السفريه ده بجد جزاه الله كل خير ربنا يباركله يا رب

الفيزا :

انا كنت مختلفه شويه لان انا كنت وخداها من قبل متجوز اصلا عشان كنا طالعين سياحه و كنت داخله انا وأهلي كلهم 

 

السفر كان يوم ١٥/٣/٢٠٢٠ و اليوم اللي بعده ع طول قررو انهم يقفلو المطارات في مصر 

الرحله كانت من مطار القاهره ل نيويورك

كان السفر علي خطوط مصر للطيران بس انا قبلها كنت حاجزه علي لوفتهانزا بس اتلغت عشان كان ترامب منع اوروبا تسافر لعندهم، سافرت في الأسبوع  ٣٥ من الحمل و كنت باخد مثبتات قبلها بفترة لأن عندي طلق مبكر ، 

الدخول لمطار جون كينيدي بتاريخ ١٦/٣/٢٠٢٠:

نزلنا من الطيارة روحنا علي الجهاز بتاع التسجيل و طلعلنا اكس كلنا 

روحنا وقفنا ف اللين و دخلنا ع الظابط متكلمش معانا تقريبا و ودانا اوضه التحقيقات و كشفو علي باسبورتنا و بعدين ودونا اوضه الكشف و بعدين مشينا 

انا لحد دلوقتي معرفش هم ودونا اوضه التحقيقات ليه انا كنت مسافره معايا ماما و بابا و خالتي و ابني الكبير (امريكي بردو)  

المتابعة و الولادة :

الولادة كنت بتابعه مع مع دكتورة اسمها ليفي كانت ناس قرايبنا جبوهالي هناك عشان الدكتوره اللي كنت ولدت معاها اول مره مكنتش موجوده ف البلد 

ولدت قيصري علي الاسبوع ٣٩ في مستشفى بروكلين مستشفي كبيرة جدا و نضيفة الإهتمام عالي جداً كان بيا أو بالبيبي قعدت ٤ أيام و خرجت الحمدلله أنا و البيبي بخير مكنش بيدخلو حد المستشفى غير مرافق واحد معايا وممنوع الزيارات عشان الكورونا 

شهادة الميلاد و السوشيال نمبر :

جم علي البيت بعد الولاده ب اسبوعين 

استخراج جواز السفر :

انا للاسف معرفتش اطلعه عشان جوزي مكنش معايا حتى عملي تفويض كده علي الكمبيوتر مرضيوش بيه (عشان السفاره في مصر كانت قافله) 

ف عملت وثيقه سفر من القنصليه المصريه و كتر خيره والله الباشمهندس **** ساعدني كتير في الموضوع ده مش عارفه اشكره ازاي والله علي جمايله الكتير ربنا يجزيه كل خير 

دي كانت تجربتي الصعبه مع الولاده في زمن الكورونا 😂😂😂واللهم لك الف حمد و شكر علي كل حاجة و علي روجعنا مصر اخيرا بالسلامه