California Experiences 2023

التجربة 1- 

 

تجربة الولاده في كالفورنيا 20 نوفمبر 2022 -1 يناير 2023 

 دكتور هشام المقدم -مستشفي بارك فيو 

 

الشكر لله اولا و اخيرا  واكيد   مفيش كلمات شكر تكفي المهندس ***** علي مجهوده و وقته و على اي معلومه قدمها لنا  فعلا كان معانا في كل خطوه… وحقيقي بفضل توجيهاته وفرت علينا كثير من الجهد والتعب والمال.ربنا يجازيه كل خير ويجعله في ميزان حسناته

كمان من الضروري جدا قراءة الموقع والتجارب الاخري هتسهل كثير جدا في كل الإجراءات والخطوات

وطبعا لازم اشكر  كل الشخصيات الجميله والصحبه الحلوه واللي كسبت معرفتهم في الرحله…

دي كانت الولاده الثالثه ولكن التجربه الاولي للولاده في امريكا و الحمد لله كانت عن طريق الموقع و الجروب..

 

كان الاتجاه في البدايه الي ميامي وتقريبا بجهز كل حاجه للحجز وتواصلت مع الدكتور هناك

ولكن بعد استشارة مع المهندس ***** و توضيح بعض الامور اللي تخص سرعة الاجراءات و التكلفة استخرنا ربنا و قررنا نغير الوجهة  لكالفيورنيا و الحمد لله كان اختيار موفق جداا ( ومره تانيه لازم اشكر م. زيدان اللي لحقني في اللحظات الاخيره)

 

 السفر  

علي الخطوط السعوديه القاهره جده لوس انجلوس 

وده كان ارخص كثير من لو حجزنا  من اي مطار ف السعوديه الي لوس انجلوس

الاولاد نزلوا مصر قبل السفر ب 3 اسابيع وانا وصلت قبل الرحله ب 3 ايام وسافرنا كلنا من القاهرة

السفر في الأسبوع ال 35 تقريبا كنا مجهزين كل التقارير لكن مفيش حد  سأل عنها.

عرفت المضيفه أن المدام حامل عشان تهتم بيها زياده شويه وفعلا كانت كل شويه تعدي علينا 

 

الوصول

 الجوازات كان قبلنا 6-7 أشخاص  فقط

الاوفيسر كان لطيف جدا ما سالش عن حاجه.

سأل فقط معاكم كم وهتقعدوا قد ايه وهل معكم مأكولات؟  

اقل من 10 دقائق وخلصنا طلعنا أخذنا shuttle bus لموقف التاكسي ومنه  عربيه ب lyft الي الفندق

 

السكن 

كان في فندق أيرس وكنا حاجزين من الموقع لمده 10 ايام ودفعنا عند الوصول  وبعد كده باقي الفتره زي عرض السعر كان معانا طفلين 9 و 13 سنه و كان اختيار موفق صراحه الفندق نضيف و مريح و موقعه ممتاز جدا انصح بي اي حد رايح للولاده بس الفطار فيه ماكنش مناسب بشكل جيد لنا باستثناء الفواكه

 

التنقلات 

 اجرنا سيارة المده كلها تقريبا كل  اسبوعين   بنجدد وكان بمساعده من *****

 

خط التليفون 

‏Simple Mobile

اخدنا خطين. مكالمات و انترنت مفتوح و مكالمات دوليه ب 80 دولار للخطين مع بعض شامل الضرايب 

 

 الدكتور 

د هشام المقدم تم مراسلته مسبقا  و حدد لنا موعد بعد الوصول بيومين دفعنا رسوم الدكتور كاش في اول موعد 

الدكتور لطيف جدا و متعاون و شاطر الحمدلله 

ماكانش عندنا مشاكل صحيه والحاله كانت بسيطه بفضل الله وكان معروف اننا هنولد قيصري في الميعاد المحدد 

 

 المستشفي 

عملنا تسجيل مسبق قبل الولاده باسبوع وكان متحدد موعد الولاده ولكن المستشفي اتصلوا في اليوم المقرر للعمليه وطلبوا تأجيل الولاده لليوم التالي

الحمد لله الولاده تمت والبيبي طلع بسرعه والدكتور كان مخلص بسرعه 

الممرضات لطيفات جدا و متعاونات و لكن طبعا البيبي موجود مع الأم طول الوقت وهم بيساعدوا 

 دكتور كو جاء تاني يوم الصبح يشوف البيبي وكذلك اليوم اللي بعده.و دكتور هشام بيمر كل يوم بعد الولاده 

 

الاجراءات

 

 شهادة الميلاد      

اخدت الورق الخاص بشهادة الميلاد من الممرضات ومليتها زي ما موجود ف الموقع وذهبت لموظفة شهادة الميلاد اسلمها الورق بس ماكانتش عاوزه تاخد الورق و قالت هتستلمه ف الغرفه.. و لكن في الاخر استلمته 

فالافضل تنتظروا لحد ما تجيلكم هي تستلمه او تحدد لكم موعد لاستلام الورق

 

جاءت تاني يوم عشان في تعديلات في الشهاده في الأسماء كانت طويله شويه وعدلتها و رجعت تاني آخر اليوم جابت الورق جاهز نراجعه  و قالت مبروك الشهاده هتطلع ف خلال ١٠ ايام ( طبعا روحت استلمتها بعد 3 ايام وكانت جاهزه قبلها بيوم)  

 

التقارير الطبيه قدمت عليها يوم الخروج من المستشفى 

 

 الفواتير والتقارير 

استلمنا الفواتير والتقارير  بعد الخروج من المستشفي ب اسبوع  عشان كان في 3 ايام اجازه الكريسماس 

 

 الباسبور 

بعد الولاده   اتصلت و اخدت موعد في جوازات  سان دييجو  قبل معاد السفر اللي بلغتهم بيه بيوم

اجراءات الجواز اخدت  تقريبا ساعه و الاستلام كان  الساعه 3:00 الظهر نفس اليوم 

الحمد لله استلام الباسبور ف اليوم الثامن من الولاده

( الباسبور استلمناه قبل أوراق المستشفي الزيرو بيل والتقارير)

 

 التسوق

تقريبا معظم الاماكن اللي تم ذكرها في الجروب والموقع

 المولات

• ‏Desert Hills Premium outlet
• ‏Ontario Mills 

 

محلات للتسوق

 

• ‏Walmart
• ‏Costco
• ‏Tjmaxx
• ‏Marshalls
• ‏Ross‎

 

 السياحة 

 

• ‏Disneyland 
• ‏universal studios
• ‏SeaWorld Sandiego
• ‏Palm spring zoo, & Tramway
• ‏Walk of Fame
• ‏Hollywood sign
• ‏Ice skating Irvine & Ballon ride 
• ‏Sesame palace – San Deigo

 العوده 

 كنا حاجزين الذهاب و العوده بس قدمنا موعد العودة بعد الانتهاء من كل الاجراءات  و تواصلنا مع الخطوط السعوديه بالتيلفون لاضافه  البيبي ب 108 دولار ( مع ان اتصلت بيهم كذا مره 83-128 وآخره مره دفعنا 108 وقالوا البيسنت مش

 مجاني وحتي في البوردنج رفضوا وقالوا محجوز

رحلة العوده كانت متعبه شويه ولكن عدت علي خير والحمد لله

 

التجربة 2- 

 

تجربه الولاده في كاليفورينا من 21 ديسمبر  2022 – 20 يناير 2023

دكتور هشام المقدم- مستشفي بارك فيو

 

في البدايه احب اشكر الباشمهندس ***** على كل حاجه و نصايحه لينا و اشكر الجروب و كل حد افادنا بمعلومه .. شكرا جدا ربنا يعوضكم خير 

 

السفر

على air france من القاهره للوس انجلوس ترانزيت في باريس 

في مطار القاهره سألوا على تطعيم كورنا قولنا متطعمين و كنت هوريه الموبايل بس قال خلاص 

و الموظف اخد باله اني حامل بس الفرنسيه مالهاش اي مشاكل مع الحمل يعني الحامل تسافر على مسؤليتها ف مفيش تقرير او اي حاجه 

الرحله كانت متعبه شويه و الطياره زحمه بس عدت الحمد لله 

 

الوصول

وصلنا مطار لوس انجلوس كان في طابور بس بيمشي سريع موقفانش عشر دقايق و كنا دخلنا للاوفيسير …. كان معانا ابني مولود في امريكا في 2020 بس الحمد لله معلقش عليه خالص و الدخول كان ميسير جدا نشكر ربنا 

الاسئله كانت هتعقعدوا اد ايه و فين و معاكوا تذكره عوده و جايين ليه 

 

الاقامه

في كورونا عن طريق airbnb و بعد الولاده عند قرايبي في cypress 

 

الدكتور

كنت مع دكتور هشام توصلت معاه قبل السفر و بعتلي الميعاد بتاع العياده 

و اول زياده تم دفع المبلغ كاش 

الدكتور محترم و شاطر و دي تاني ولاده ليا معاه  

 

المستشفى

مستشفى بارك فيو 

المستشفى ممتازه التمريض كويسين 

كانت فالاسبوع ال ٣٩ ب induction 

الدكتور خيرني بين الطلق الصناعي او اني استنى لما يجي الطلق 

بس احنا لظروف شغلنا و الاجازه قررت اولد بطلق صناعي 

نصيحه في الطلق الصناعي اول م الوجع يبدء لازم تطلبي الابيديورال لانهم بياخدوا حوال ساعه تجهيز عقبال م تخدي التخدير 

انا فالساعة دي الرحم فتح من 3 سم ل 10 سم و الطلق طبعا كان الم فظيع 

 

و مانفعش اخد الايبديورال لاني كنت خلاص بولد 🥲

دكتور هشام ملحقش يجي اصلا 😂

المساعده بتاعته كانت موجوده و هى ولدتني و هو وصل بعد م ولدت بدقايق 

بس المساعده بتاعته شاطره جدا زيه 

دخلت المستشفى الساعه 4 مساءا اخدت الطلق الساعه 6 مساءا الولاده تمت الساعه 1 صباحا 

 

شهادة الميلاد

نفس اليوم ملينا شهاده الميلاد و سلمناها الموظفه و بعتتها 

بعدها ب اسبوع استلمناها عشان. كان في 3 ايام اجازه و استلمنا الزيرو بيل من المستشفى و الدكتور في نفس اليوم و كمان ال medical records 

تاني يوم استلام الشهاده كانت ميعاد الطياره بتاعتنا الساعه 9 مساءا

و كنا حاجزين ميعاد الجوزات 7 صباحا في جوازات لوس انجلوس 

 

نصيحه 

ما حدش يعمل كده ان الجوازات في نفس يوم السفر الموضوع risky و كمان تعب 

و  بلاش جوازات لوس انجلوس لانها كانت زحمه 

الباشمهندس ***** نصحني بكده بس انا كنت في cypress و لوس انجلوس كانت اقرب لي و كمان قريبه من المطار و الوقت كان ضيق كان صعب اروح San Diego 

 

العوده

على Airfrance بس كانت الرحله الحمد لله خفيفه عن الذهاب 

اخويا اتصل بيهم من مصر ضاف البيبي ب ٥٥ دولار 

نصيحه اطلبوا wheel chair عشان المطار واسع و مشي كتير و طوابير 

نفعني جدا انه بيسرع الاجراءات و مش بقف فالطابور خصوصا اني معايا ابني ماشاءالله سنتين يعني طلع عنينا فالمطار😂

و نفع كمان لان الترانزيت كان ساعتين بس و مطار باريس واسع جدا و زحمه ف لولاله كان ممكن منلحقش الطياره 

الحمد لله كمان كان في bassinet في الطيارتين 

 

التسوق

امازون و اشتركت في prime كان trial for free لمده ٢٠ يوم بعدها لغيته

Ross Dress for Less 

Burlington 

 

التجربة 3- 

 

تجربتنا للولاده في كاليفورنيا 12 ديسمبر 2022- 19 يناير 2023

 دكتور هشام المقدم-  مستشفي بارك فيو 

 

أولا احب اشكر المهندس ***** على كل شيئ من مجهود وتعاون ونصائح كانت فعلا مفيدة وموفرة جدا جدا للواحد فجزاه الله كل خير 

 

ما قبل السفر

كان الواحد محتار يسافر امتى ويرتب اموره ازاي بالاخص انها كانت اول ولادة لينا .. بعد قراءة التجارب قررنا السفر في اخر الاسبوع ال 35 من الولادة بحيث كنا قلقانين شوية

 

تابعنا مع الدكتورة واتفقنا معاها على انها تعملنا تقرير قبل السفر .

 

السفر

سافرنا من مطار دبي على طيران الاماراتية وكنا عملنا الفورم الخاصة بسفر الحامل وطلبوها مننا قبل دخول الطيارة كاجراء روتيني

الطيارة كانت حلوة الحمد لله وكنا بنتمشى كل ساعتين شوية في الطيارة والحمد لله ماكانش في اي تعب في الطيران والطيران كان مناسب 

 

الوصول 

وصلنا مطار لوس انجلوس والحمد لله الاجراءات كانت سهلة والطابور كان طويل بس خلص بسرعة والظابط سالني انا انت جاي سياحة ولا شغل فرديت علي قد السوال سياحة  وسالني انت نازل في اي سكن وريته حجز البيت وكتبلي دخول لمدة 6 شهور والامور مشيت الحمد لله بسلاسة ولا سالني معاك فلوس كام ولا اي اسئلة تانية

 

 السكن 

كنت حاجز غرفة في بيت في منطقة إيستفال وهي منطقة جميلة جدا والبيت كان من ترشيحات الجروب والحمد لله كان من

 افضل القرارت لان البيت عبارة عن اسرة صينية ( صحاب البيت ) واسرة تانية من روسيا ( وكنا فعلا كاننا اهل وكانو لطاف جدا جدا حتى غيرولي التليفيزيون بتليفيزيون جديد عشان اعرف اشغل نتفلكس وشاهد

 

 السيارة 

أجرت عربية من تورو واتفقت ممع صاحبها على خصم وعملي ال 38 يوم ب 1600 دولار شامل تامين لو لقدر الله حصل اي شيئ بدفع 500 دولار بس والحمد لله السيارة كانت كبيرة وجميلة ووجودها نفسيا كان مطمن الواحد ان في حاجة تحت البيت يعرف يتحرك بيها بسهولة 

 

 الدكتور 

كنا تواصلنا مع الدكتورهشام المقدم ( اكتر التجارب مع دكتور هشام )  قبل الولادة ب 4 شهور وسالناه على المدة اللازمة والموعد التقريبي للولادة وكان بيرد علينا بسرعة وبيرد باستفاضة 

ورحنا اول موعد بعد الوصول بيومين ودفعنا الفلوس مرة واحدة وبقينا نتابع معاه اسبوعيا وقلناله احنا محتاجين نولد قبل ال 39 عشان ظروف سفرنا وكان قالنا سيبوها لظروفها ونقرر لما نوصل لل 39 

 

اول ما وصلنا لل 39 ابتدينا نتوتر وابتدينا نقلق اننا مش هنلحق بخصوص ان اجازتي كانت محدودة وماينفعش امددها تاني وحسيت لوهلة ان الدكتور مش هيتعاون معانا وان هخلينا نستنى لل 40 

طبعا كان احساس خاطئ لان الدكتور كان بيقول انه رايه الطبي من باب الامانة مش اكتر 

 

 المستشفى 

الحمد لله حصل بداية الطلق ورحنا المستشفى وكان في حالة توتر رهيبة لاننا حسينا انهم عايزنا نستنى يوم كمان وطبعا هيبقى بفلوس زيادة وكلمت الدكتور وقالي ان شاء الله هنتصرف 

 

طبعا طبعا الله يبارك للمهندس ***** ساعدنا و طمننا كل حاجه تمت في ميعادها.

والحمد لله تمت الولادة وخرجنا بالظبط بعد 48 ساعة الحمد لله  

تمريض ما قبل الولادة اروع ما يكون وكان ناس قمة اللطف والاهتمام والابتسامة والاحترافية

 

 تمريض ما بعد الولادة بيخلوك تعتمد علي نفسك و تقوم برعاية البيبي بنفسك و هما بيساعدوك و يوجهوك فكنت حاسس انهم بادرين شوية بالذات ان البيبي مكنتش بترضع خالص

 بعد الزن الممرضة اخدتها ترضعها برا بنفسها 

 

 الفواتير 

تواصلنا مع عيادة الدكتور والمستشفى واستلمنا الزيرو بيل بعدها في 5 ايام 

اقراوا الموقع كويس و اسألوا مهندس ***** على كل حاجة لان هيلفت نظركم لحاجات مش في بالكم اصلا 

 

وطلبنا الميديكال ريكوردز واستلمناه بعد 4 ايام عمل 

 

 شهادة الميلاد 

طبعا كنت اخدت الفورم بالليل علشان املاها وابقى جاهز اول ما الموظفة تعدي الصبح اديهالها وطبعا جاءت طلعت فيها ملاحظات وفضلنا رايحين جايين لغاية اخر مرة لقيت غلط في حرف واحد وبعدها غلط في العنوان وبعدها الحمد لله اتقدمت يوم 10 ينايرالصبح واستلمت الشهادة يوم 12 يناير اخر اليوم 

 

طبعا قالولي هتاخد من اسبوعين لتلاتة  )ده كلام روتيني بيقولوه بس مش ده الفعلي) الحمد لله ظهرت في يومين و ده المعتاد

 

 الباسبور 

 الحمد لله حجزت موعد بسهولة ورحنا واستملناه في نفس اليوم بس تابعو مع مهندس ***** كل حاجة قبل ما تعملو حاجة عشان يسرع عليكم الموضوع

 

 الشوبينج والاكل

 مش هعرف اقول اكتر من اللي قالوه باقي التجارب لان ماكانش في حاجة مميزة 

بس النصيجة اللي هقولها ( خلو الشوبينج بعد الولادة عشان متصرفوش فلوس الولادة في الشوبينج )

 

 

التجربة 4- 

تجربه الولاده في كاليفورينا 8 يناير – 20 يناير 2023

 دكتور هشام المقدم-مستشفي بارك فيو 

 

مبدأيا كل الشكر موصول للباشمهندس ***** على جهوده الجبارة معنا ومع كل أعضاء القروب

 مدة الرحله 12 يوم 

 

السفر

على الاماراتية من مطار دبي ل لوس أنجلوس مباشرة سألوا على تطعيم كورنا و تذكرة العودة و تقرير   Fit to Fly 

الرحله كانت مريحة  15:30 hrs 

 

الوصول

وصلنا مطار لوس انجلوس وكنا طالبين كرسي متحرك على باب الطائرة لانو المدام تعبت شوية من المطبات الهوائيه و كنا مع طابور الكراسي المتحركة َعدينا بسرعة 

الاسئلة 

سبب الزيارة 

Vaccation and Medical Care

مدة الزيارة 

شهر ونص تقريباً 

كم فلوس معاكو

اقل من 10,000$ 

 

الاقامه

في فندق أيرس 

اختيار مناسب و موفق و مريح

كنا حاجزين من قبل  عن طريق التليفون وقابل للتمديد

اقامة مريحة ومناسبة وقريب من العيادة ومن كل شي

 

 الدكتور 

دي تجربتنا الثالثه مع توتال كير و مع دكتور هشام و مستشفي بارك فيو

تواصلنا مع دكتور هشام  قبل السفر وتم تحديد المواعيد

اول زياده تم دفع المبلغ كاش وتشييك عالفحوصات اللي معانا 

الدكتور محترم جداً 

 
 المستشفي

المستشفى ممتاز و  التمريض كفاءة

الولادة كانت في أخر الاسبوع  38 بدون induction رحنا الطوارئ وتم استقبالنا لانه من طرف الدكتور هشام

دخلنا المستشفى الساعه 3:00 صباحا  اخدت التخدير وتمت الولاده الساعه 8:00 صباحا الجمعة طبيعي

 

 شهادة الميلاد 

ملينا فورم شهاده الميلاد وخرجنا السبت من دون ما تيجي مسؤولة الشهادات لانه اجازة 

سبت وأحد والاثنين بسبب مناسبة مارتن لوثر كنج

و راجعنا شهادة الميلاد مع الموظفه يوم الثلاثاء و بعتتها اخر النهار

 استلمناها الأربعاء  و كنا حاحزين   موعد للجوازات في سانديجو يوم الخميس و استلمنا الزيرو بيل من المستشفى و الدكتور

 و ال Medical records 

يوم الاربعاء 

واستلمنا الجواز يوم الخميس 

 

رحلة العوده

على الاماراتية يوم الجمعة مريحة و دايركت 

 

التسوق

كل الاماكن قريبه بسبب وجود سيارة إيجار المدة كاملة

 

واخيرا وليس اخرا”

تحياتي وتشكراتي للاخ الباشمهندس *****

 

 

التجربة 5- 

تجربة الولادة في كاليفورنيا نوفمبر2022 – يناير 2023

 دكتور هشام المقدم – مستشفي بارك فيو 

 

بداية بحب اشكر المهندس ***** على تعاونه معانا و كان دايما موجود و بيجاوب على اي استفسار     جزاه الله الف خير على كل المساعدة 

 

 السفر 

كان يوم 18 نوفمبر 2022

على طيران القطرية بزنس كلاس

زوجتي كانت بالاسبوع 34 بس كلمنا الدكتورة و عملتلنا

تقرير طبي بالاسبوع 30 بس ما حدا سأل عليه

للعلم اذا بالاسبوع  اكتر من 32   لازم MIDF 

الرحلة كانت مريحة و الاكل عادي

 

 الوصول 

لمطار لوس انجلوس كان فاضي مافي اي زحمة

دخلنا للضابط سألنا سؤالين و بصمنا و بعدين ودونا غرفة و سأل عن سبب القدوم حكينالو سياحة و ولادة 

اخد تفاصيل اماكن الاقامة و تفاصيل الدكتور و المستشفى و كم مبلغ الكاش كان معي 9,700 دولار . ما عدهم و دخلنا بدون ختم

 

طلعنا من المطار ركبنا shuttle bus لمواقف التاكسي و برنامج اوبر كان واقف مش راضيي يدفع فا اضطريت اخد تكسي هم بيحسبوها كل ميل 3 دولار اخد مني 55 دولار لهوليود

 

كنت حاجز فندق في منطقة هوليود اول 3 ايام 

المنطقة سياحية الاسعار عالية الصراحة ما بتستاهل تقعد فيها بس ممكن تزورها بيوم واحد تلفها كلها

اشتريت خط تيلفون T mobile التفعيل 10 دولار و الباقه 50 دولار  + الضريبه انترنت ومكالمات غير محدود لمدة شهر و تجدد اونلاين 

 

كملنا باقي المدة في فندق ايريس كورنا

الفندق ممتاز الخدمة جيدة شامل افطار و تنظيف كل ٥ ايام مكانه كان كويس قريب لكل شيئ

 

 الدكتور 

المتابعه مع دكتور هشام  كانت كل اسبوع الدكتور محترم و فاهم و بيجاوب على اي سؤال

 

 المستشفي 

الولادة كانت بالاسبوع 40 و 5 ايام

 

الولاده كانت في الويك اند

دخلنا المستشفى 4 العصر و الولادة كانت 10 الصبح الدكتور إتأخر علينا شوية حتى وصل مع انهم كلموه اكتر من مرة بس حضر الولاده و الحمدالله تمت الولادة على خير 

 

 شهادة الميلاد و الفواتير 

 سجلنا بيانات شهادة الميلاد و طلبنا الميدكال ريكوردز و دفعت مصاريف المستشفى و بعدها ب 3 ايام اخدت الزيرو بيل و شهادة الميلاد كانت طلعت

 

 جواز السفر 

حجزت موعد في سان ديغو الطريق ساعة و نصف  في مواقف ب 18 دولار ال 10 ساعات  قدمنا الساعة 10 الصبح و استلمت الجواز نفس اليوم الساعة3:00  بس لازم يكون عندك حجز تذكرة سفر تاني يوم

 

 رحلة العودة 

كانت على القطرية بزنس تم اضافة الطفل و دفعت مبلغ 800 دولار في المطار ، استعملنا الكارسيت و الاسترولر لحد ما وصلنا للطيارة اخدوهم على الباب و استلمناهم مع الشنط في الكويت

 

 المطاعم و السوبر ماركت 

 

افضل مطاعم برجر 

in n out – five guys

افضل مطعم ايطالي 

Olive Garden 

افضل مطعم تشكين برجر 

daves hot chicken 

افضل مطعم طبخ – البركة

افضل مطعم سريع شاورما و فطاير  زيت و زعتر

افضل مطعم هندي

 tandoori banjabi

 

سوبر ماركت والمارت و فارمرز ماركت

 

 التسوق 

 

الافضل انك تقارن الاسعار اونلاين دايما في عروض و قد تكون ارخص

و بنصح لما تسجل حط تاريخ ميلادك نفس الشهر اللي انت موجود فيه بيعطوك كوبونات خصم زيادة 

في محلات زي نايكي مايسيز و مايكل كورس ما بيقبلو كريدت كارد عربي فا ممكن تشتري فيزا من والمارت و تعبيها 

افضل مكان للتسوق كان اونتاريو ميلز قريب و متوفر فيه كل شئ 

 

 الاماكن السياحية 

متحف السيارات – شاطئ فينيس – سانتا مونيكا – هوليود – بيفيرلي هيلز 

و رحنا فيجاس 3 ايام الطريق سهل 3 ساعات و نص

فيجاس حلوة الشوارع و المباني و المطاعم تجربة جميلة و بنصح تحجز عرض في السرك العالمي دو سوليه كان رائع و كان في معرض تكنولوجيا سيارات عالمي كان جميل

 

و من التجارب الرائعة لو بتحب الرياضة تحضر مبارة كرة سلة لليكرز اجواء جميلة فيها وصلات غنائية و عروض فنية انصح فيها

Mountain high resort 

مكان جميل للتزلج و العب في الثلج

 

التجربة 6- 

تجربتي في الولاده  في كاليفورنيا 5 يناير- 23 يناير 2023

 دكتور هشام المقدم- مستشفي ريفرسايد 

 

حبيت أشارك معاكم تجربتي

دي التجربه   الثالثه للولاده مع توتال كير و دكتور هشام

 

المرتين اللي فاتوا كانوا في مستشفي بارك فيو و لكن المره دي كنت مضطره للولاده في مستشفي ريفرسايد

 

 السفر 

أنا سافرت في أول الأسبوع ال 36 يوم 5 يناير عالطيران السعودي. بس مقارنة بتجاربي السابقة عالتركي والاماراتي ،، ممكن أرتبهم

الإماراتية

التركي

الخطوط السعودية

 

من حيث جودة الخدمة والضيافة على الطيارة والمطار.

 

 الوصول 

وصلت مطار لوس أنجلوس يوم الخميس 5 يناير وكنتً حاجزة ساكن بريفرسايد.

لمًا اتسألت عن سبب الزيارة في المطار جاوبت ميديكال كير ، الاوفيسر سألني انتي حامل وهتولدي هنا جاوبت آه . سألني لو ولدت في امريكا قبل كده جاوبت آه 

قاللي امتي جاوبت. طلعت الفواتير عشان اوريله بس مشفهاش ومطلبهاش. سألني معايا كام كاش وبعدين قاللي good luck وعديت، 

أحيانًا بيكون فيه تفتيش عشوائي للشنط

سالوني معاكي لحوم او فواكه

قولتلهم معايا dried fruits like figs & dates with cookies & cheese 

وعديت.

 

 الدكتور 

رحت لدكتور هشام الجمعة وطمني عالحمل واخدت ميعاد للسونار التفصيلي وللمتابعة بعد اسبوع.

 

 المستشفي 

 يوم الاربعاء 11 يناير مشيت حوالي 4miles وبعدها بدأت أحس بأعراض ولادة رحت مستشفي بارك فيو كان الرحم 3 سم وقدامي شوية. بس عشان كان فيه ولادة قيصري من 8 سنين في مصر قالولي لازم اولد في ريفرسايد رغم اني ولدت مرتين في بارك فيو بس كنت خلاص بولد مش هينفع أمشي من المستشفي. استنيت ساعتين في ريسيبشن المستشفي وبعدين رحت مستشفي ريفرسايد. عملت دخول 12:15  صباحا يوم 12 يناير

قدمت التحاليل اللي معايا وبعد الفحص نقلوني غرفة كبيرة لوحدي للولادة

الرحم مكنش بيفتح أكتر من 3 سم . طلبت منهم اقوم امشي وفعلا بعد اتمشي ساعة جوه المستشفي الرحم بقي 5 سم. سألوني عالابيديورال بس انا رفضت لاني مكنتش متفقة مع تخدير المستشفي ومحبتش ادخل في قصص التخدير والفواتير وكده لانها معقدة في ريفرسايد وظنا مني ان الولادة هتكون سريعة ومتيسرة زي ولادتي الأخيرة 😃

بس مش شرط ومحصلش. طولت شوية في الولادة المرة دي وعالضهر دكتور هشام كان شايف ان احنا لازم نعمل rupture to membranes  أنا كنت مأخرة الخطوة دي لحد ما الرحم بقي من 7-8 سم

وفعلا بعد ما عملنا كده ساعة بالظبط وولدت الحمدلله.

 

تقييمي لتمريض ريفرسايد ممتازين. 

بيعملوا كل حاجة وبيساعدوا مع البيبي في الرضاعة وتغير الحفاضات من غير ما أطلب. 

 

 الفواتير 

مسئولة الحسابات جاتلي لوحدها بعد الولادة بساعتين ودفعت واخدت منها الإيصال وبعد اسبوع الفاتورة كانت جاهزة عبارة عن صفحة واحدة موضحين فيها اني زيرو بالانس ومش عليا ليهم حاجة ، دفعت الفين دولار شاملين الولادة و اختبار  السمع للبيبي غير شاملين التحاليل ولسه مجاتليش فاتورة الباثولوجي. والاقامة يعدي عليك الساعة 12:00 بالليل مرة واحدة وقبل تاني يوم تخرج حتي لو قبلها بساعة. انا قعدت 42 ساعة .

 

شهادة الميلاد

مليت بيانات شهادة الميلاد الجمعة 13 يناير

وشهادة الميلاد طلعت بعدها بيوم واحد عمل يوم 17 يناير (14,15,16) كانوا أجازة.

 

 الباسبور 

حجزت الجوازات يوم الثلاثاء وطلبت ميعاد في سان ديجو الجمعة لو متاح وقالولي متاح 

 

عملت التفويض الالكتروني electronic signature قبل ميعاد الجوازات بيومين وممكن اعمله اي وقت وبيكون فيه مواعيد كل نص ساعة متاحة

يعني ممكن تعمله في الطريق وانت رايح الجوازات عادي وتطبعه.

تكلفته حوالي 80 دولار بالضريبة.

قدمت ورقي الصبح وللأسف بعدها اتعرضت لموقف مش حلو وهو ان جواز سفري ضاع أو اتسرق. 

 

المهم فيه ظرف كان في شنطتي فيه جواز السفر وشوية أوراق والظرف كله اختفي.

 بس الحمدلله انهم وافقوا يسلموني جواز سفر بنتي من غير إثبات هوية ولا إيصال الاستلام. 

 

 وثيقة السفر 

قبل ميعاد الجوازات بيوم كنت غيرت تذكرة العودة وقدمتها ليوم 21 يناير

لكن بعد ضياع جواز السفر اتصلت تاني وغيرت الميعاد ل 23 يناير الموافق الاتنين.  

يوم الاتنين الصبح اتحركت عالقنصلية المصرية في لوس انجلوس قدمت طلب استخراج وثيقة سفر مؤقتة . وقدمت تذكرة سفري بنفس اليوم مساءا

وقالولي تعالي تستلميها الساعة 2:00 . 

الحمدلله استلمتها فعلا وطلعت علي مطار لوس أنجلوس 

 

 العودة 

حجزت تذكرة البيبي من عالكاونتر ب 90 دولار. ماكانش فيه مشكلة مع شركة الطيران بالنسبة للوثيقة والشرطة الامريكية كان فيه بس تشديد في التفتيش وسألوني عن أي IDs تانية معايا وعن ال credit cards اللي معايا. 

 

 التسوق 

ما اشتريتش المرة دي غير حاجات بسيطة أون لاين. 

 

 المواصلات 

اكتشفت ان أوبر أرخص من ليفت 

 

 السوشيال 

 وصل بعد 11 يوم للمولودة الجديدة. ورحت قدمت لابني اللي اتولد من سنة 

التقديم ماكانش محتاج ميعاد مسبق ومن غير رسوم ووصلني على العنوان بعد 5 أيام بما فيهم الاجازات

 

التجربة 7- 

 

تجربة الولاده في كاليفورنيا من 28 ديسمبر 2022 حتى 31 يناير 2023 

دكتور امين فواز-مستشفى اناهيم ريجونال ميديكال سنتر

 

الحمد لله والشكر لله اولا و اخيرا ثم للمهندس ***** المحترم الخلوق الانسان المخلص الى مابيتأخرش عن مد يد المساعده فى اى وقت وبجد شكرا علي مجهوده و وقته واي معلومه قدمها لنا ربنا يجازيه عنا كل خير يارب على تعبه معانا ربنا يكرمه ان شاء الله فى اهله وماله ويستره ستر لا ينكشف ابدا

 

دي اول تجربه لينا للولاده في امريكا عن طريق الجروب والتجربة بفضل الله وبفضل مساعدة المهندس ***** والموقع المميز والجروب المحترم ناجحة الحمد لله و الشكر لله احنا اختارنا تكون في كاليفورنيا بعد الاطلاع على التجارب السابقه من الموقع و الحمد لله على الاختيار و الحمدلله كانت تجربه موفقه و ربنا سهلها

 

 السفر 

من مصر الى لوس انجلوس علي الخطوط الالمانيه ترانزيت ميونخ الاسبوع 36 وكان معانا تقرير ومفيش حد طلبه مننا في مطار القاهرة الحمد لله وكان الامور بسيطه وسهلة و الرحله كانت كويسه الحمدلله و عدت بخير بفضل الله 

 

 الوصول 

الوصول لمطار لوس انجلوس وكان طابور الجوازات طويل جدا وكانت ميسرة مع مسئول الجوازات وسألني عن مكان الاقامة والمدة وريته حجز الاوتيل فى لوس انجلوس وبص على الباسبور شاف اني بسافر اوروبا كتير ودخلت امريكا قبل كدا اكتر من مره سالنى معاك كام قولت له 10 الاف دولار وبعدها ختم ودخلت علطول ( من غير ختم ) سالت المهندس ***** بعتلى اللينك ودخلت لقيته اعطانى 6 شهور اقامه وكذلك المدام

 

 التنقلات 

استخدمت اوبر في تنقلاتي من لوس انجلوس الى اناهيم واستخدمت المواصلات العامه حوالى 4 ايام وبعد كدا اجرت سياره ولازم يكون معاك سياره هتوفر وقت ومجهود كبير 

 

خط التليفون

‏انا للاسف كنت مرتبط بشغلى على تليفونى وجبتش رقم امريكى ودا مش صح لازم يبقى معاك خط امريكى شبكه افضل وانترنت طول الوقت احسن 

 

 الدكتور 

د امين فواز تم مراسلته مسبقا و تم الرد على الاميل بميل اخر فيه كافه التفاصيل والتكاليف و التحاليل المطلوبة وبعت له عالايميل بعد السفر كل التحاليل الى عملتها فى مصر وكانت كافيه جدا دون تحليل واحد ب 20 $ اتعمل عنده فى العياده وكنا عاملين 4D ودوبلر قبل السفر و حدد معانا موعد بعد الوصول بيوم اول زياره دفعت رسوم الدكتور كاش في اول موعد ودا شامل زيارات الدكتور والولاده 

الدكتور لطيف جدا و متعاون و شاطر جدا وبيراعى ربنا فى شغله وبيحب يساعد جدا وايزابل مديره العياده متعاونه جدا وفاهمه شغلها كويس الحمدلله 

 

 المستشفي 

ولادة طبيعية الحمد لله  .

بعد الاسبوع ال 39 رحت مستشفى اناهيم ريجونال وتمت الولادة في نفس اليوم بفضل الله بطلق صناعى و كانت ايزابيل مخلصة معظم الاجراءات قبل دخول المستشفى بكذا يوم للتسهيل وانجاز الوقت 

 

الممرضات لطيفات جداا و متعاونات و الاستاف عموما كلو كويس جدا في التعامل الحمدلله 

 

بعد الولاده نقلوني لغرفه تانيه.

 

البيبي بيكون معانا في الغرفه والممرضات بيعملو اي حاجه و بيساعدونا جدا  

والمستشفى بتوفر لك اي حاجه من مستلزمات شخصيه ليكي و للبيبي تقريبا ما احتاجتش استخدم اي حاجه جبتها معايا غير ملابسي انا والبيبي وقت الخروج من المستشفي و الكارسيت 

 

 شهادة الميلاد 

الولاده كانت الاربعاء المغرب موظفة شهادة الميلاد كانت سايبه الورق من باليل كتبت الورق الصبح ورجعت تانى بورق التاكيد ومضيت عليه وبعتته فى نفس اليوم 

 

الشهادة بتكون جاهزه في خلال 3 ايام عمل 

 

الفواتير 

بعد الولاده   روحت لموظفة الحسابات و دفعت الفواتير و اخدت الزيرو بيل وانا قاعد  استلمتها هي والميديكال ريكوردز وانصح ان يكون معاك كاش هتخلص بسرعه لان ممنوع التحويل البنكى من بره امريكا والفيزا حاولت بيها اكتر من مره سيستم المستشفى مش بيقبل 

 

 الباسبور 

بعد الولاده واستلام شهاده الميلاد اخدنا ميعاد للباسبور فى جوازات لوس انجلوس بعد يومين ولازم تذكره طيران انك مسافر تانى يوم 

اجراءات الجواز اخدت مننا تقريبا ساعه ونصيحه تبقى طابع معاك الابليكيشن الاون لاين والصور وشهاده الميلاد و الاستلام كان تانى يوم من الساعه حوالي 1 ل 3:00  ف قضينا اليوم في المدينه بعد الاستلام بس الطرق كانت زحمه جدا

 

 الشوبينج

 المولات 

‏Orange outlet

 مكان كبير وفيه كل البراندات 

‏Citadel outlet

حلو و فيه معظم البرندات واكبر من اورانج

‏Walmart 

‏Target

‏Costco

‏Tjmax

‏Marshalls 

‏Ross  

‏‎بالاضافه للمحلات المعروفه

 

 المطاعم 

‏Luxe buffet

مطعم اوبن بوفيه و اكله حلو جدا وبنصح كل الناس تروحه ورخيص جدا ( جميع انواع السى فود من ضمن البوفيه )

 

‏Bubba gump 

مأكولات بحرية 

 

 العوده 

احنا كنا حاجزين ذهاب و عوده بس اخرت موعد الرجوع لحين الانتهاء من كل اجراءات الولاده و الجواز و اتواصلنا مع طيران الالمانيه لوفتهانزا بالتيلفون لاضافه تذكره المولود وكانت غاليه بالتليفون و ب ٩٥ دولار من الكاونتر فى المطار ودفعت في المطار وحجزت باسنيت من لوس انجلوس الى فرانكفورت ومن فرانكفورت الى القاهره مكنش متوفر لكن اعطونا كرسي جنبه كرسي فاضي 

 

وبنصح اى حد اي معلومه هتحتاجها هتلاقيها مكتوبه في الجروب و في الموقع بالتفصيل انا اي حاجه كنت بحتاجها برجع للجروب و بتكون مكتوبه اقروا الموقع كويس جدا فيه كل حاجه تحتاجوها

 

و ربنا يجزى المهندس ***** كل خير على تعبه معانا ومجهوده وربنا يرزقكم جميعا الزريه الصالحة ويديمكم نعمه فى حياتنا ودمتم بكل خير

 

التجربة 8- 

تجربة الولاده في كاليفورنيا من 24 ديسمبر 2022 حتى19 يناير 2023 

 دكتور هشام المقدم -مستشفي بارك فيو 

 

الشكر لله اولا و اخيرا ثم للمهندس ***** علي مجهوداته و وقته واي معلومه قدمها لنا ربنا يجازيه كل خير يا رب على تعبه معانا ربنا يكرمه ان شاء الله 

 

دي اول تجربه لينا للولاده في امريكا عن طريق الجروب والتجربة بفضل الله وبفضل مساعدة الناس المحترمين على الجروب ناجحة الحمد و الشكر لله احنا اختارنا تكون في كاليفورنيا عشان الجو و عشان التجارب الايجابيه مع دكتور هشام و الحمدلله كانت تجربه موفقه و ربنا سهلها

 

 السفر 

من مصر الى السعودية  علي الخطوط السعوديه الاسبوع 36 وكان معانا تقرير ومفيش حد طلبه مننا في مطار القاهرة الحمد لله وكان الامور بسيطه وسهلة الحمد لله

الرحله كانت كويسه الحمدلله بس طويلة ومرهقة شوية بس عدت بخير بفضل الله 

 

 الوصول 

الوصول لمطار لوس انجلوس وكان طابور الجوازات طويل جدا وكانت ميسرة مع مسئول الجوازات وسألني عن مكان الاقامة والمدة وبعدها ختم ودخلت علطول 

 

 التنقلات 

استخدمت اوبر في معظم تنقلاتي 

 

خط التليفون

‏mint Mobile 

وكان بحوالي 75$ لثلاث شهور  غير الضريبه وكان مناسب ليا ولاحتياجاتي خارج مكان الاقامة

 

 الدكتور 

د هشام المقدم تم مراسلته مسبقا و تم ارسال كافة التحاليل المطلوبة له عالايميل قبل السفر و حدد معانا موعد بعد الوصول بيومين دفعت رسوم الدكتور كاش في اول موعد 

الدكتور لطيف جدا و متعاون و شاطر الحمدلله 

 

 المستشفي 

ولادة طبيعية الحمد لله  .

بعد الاسبوع ال 38  تعبت ورحت مستشفى بارك ڤيو وتمت الولادة في نفس اليوم بفضل الله و كنت مخلصة معظم الاجراءات قبل دخول المستشفى بكذا يوم للتسهيل وانجاز الوقت 

 

الممرضات لطيفات جداا و متعاونات و الاستاف عموما كلو كويس جدا في التعامل الحمدلله 

 

بعد الولاده نقلوني لغرفه تانيه.

 

البيبي بيكون معانا في الغرفه والممرضات بيعملو اي حاجه و بيساعدونا جدا  

والمستشفى بتوفر لك اي حاجه من مستلزمات شخصيه ليكي و للبيبي تقريبا ما احتاجتش استخدم اي حاجه جبتها معايا غير ملابسي انا والبيبي وقت الخروج من المستشفي و الكارسيت 

 

 شهادة الميلاد 

الولاده كانت الخميس المغرب موظفة شهادة الميلاد كانت ما كانتش موجوده الجمعه و السبت و الاحد اجازه اتصلنا يوم الاتنين اكتر من مرة عشان ناخد ميعاد بس ما قدرناش نوصلهم عالتليفون فروحنا  المستشفي و اخدنا ميعاد تاني يوم  

 

الشهادة بتكون جاهزه في خلال 3 ايام عمل 

 

الفواتير 

بعد الولاده   روحت لموظفة الحسابات و دفعت الفواتير و تاني يوم اتصلت عشان تبلغنا ان التقارير و الزيرو بيل جاهزه و روحت استلمتها هي والميديكال ريكوردز  استلمتها من نفس المكتب اللي فيه موظفة شهادة الميلاد في المستشفي

 

 الباسبور 

بعد الولاده عملنا علطول التفويض من نوتاري لان زوجي مقدرش يكون موجود وكان مواعيده متاحة كتير وخلصنا علطول على طول  واتصلنا و حجزنا موعد في جوازات سان دييجو و اجراءات الجواز اخدت مننا تقريبا ساعه و الاستلام كان لازم من الساعه حوالي 2:30 ل 3:00   ف قضينا اليوم في المدينه لغايه الموعد بس العوده كانت زحمه شوية

 

التسوق

 المولات 

Desert hills outlet

 مكان كبير وفيه كل البراندات 

Ontario mills 

حلو و فيه معظم المحلات 

Galleria 

أماكن التسوق 

Walmart 

Target

Costco

Tjmax

Marshalls 

Ross  

‎بالاضافه للمحلات المعروفه

 

 المطاعم 

Panini kabab grill 

مطعم مشويات و اكله حلو جدا 

 

Forn al hara

 مطعم مناقيش و بيتزا حلو

 

Bubba gump 

مأكولات بحرية 

 

 العوده 

احنا كنا حاجزين ذهاب و عوده بس قدمنا موعد الرجوع بعد الانتهاء من كل اجراءات الولاده و الجواز و اتواصلتا مع طيران السعوديه بالتيلفون لاضافه تزكره المولودة يوم السفر صباحا وكانت ب ٩٥ دولار ودفعت في المطار وكنت اتصلت قبلها بكام يوم كانت اغلى كتير وللأسف مكنش في كراسي باسنيت متاحه بس ادوني كرسي جنبه كرسي فاضي 

 

نصيحه اي معلومه مكتوبه في الجروب و في الموقع بالتفصيل انا اي حاجه بحتاجها برجع للجروب و بتكون مكتوبه اقروا الموقع كامل  كويس فيه كل حاجه تحتاجوها

و ربنا يسعدكم و يوفقكم جميعا و يجزيك كل خير على تعبك و جهدك معانا استاذ *****

 

 

التجربة 9- 

تجربة الولاده في كاليفورنيا يناير 2023

دكتور هشام المقدم -مستشفي بارك فيو 

 

اول شي شكرا كتير للبشمهندس ***** ساعدني من اول انضمامي للجروب بكل التفاصيل، متعبينك معنا بس من دونه المهمة صعبة، الحمدلله على وجوده.

 

السفر

من مطار بيروت على الخطوط التركية الى مطار اسطنبول، اسكال ساعة بس الطيارة من اسطنبول دايما بتتاخر عشان بيفتشوا كل المسافرين.

انا كنت مسافرة اسبوع 28 و ما كان باين عليا ف ما سألو عن شي.

 

الوصول

وصلت ما كان في ولا رحلة غيرنا  فكان ميسر و خلصنا ب ٥ دقايق و اوفيسر ما سالني عن شيء . بس مدة الاقامة و عند مين نازلة و ما ختمش عالباسبورت بس شوفت اللينك كانت 6 شهور

 

 الاقامة و المواصلات 

انا نزلت عند قرايب لمدة شهر بانتظار زوجي وكنت بروح المواعيد للدكتور بالاوبر ، 

 

عند وصول زوجي كنا حاجزين باوتيل ايريس و مأجرين سيارة من المطار بس طلعت بدون تامين سعرها غالي ف لغيناها و ساعدنا البشمهندس نحجز وحدة تانية بسعر احسن بكتير، والحمدلله الاقامة كانت حلوة قريبة من كل شي.

 

الدكتور

دكتور هشام جدا محترم و فاهم ، انا تواصلت معه قبل السفر عشان حالتي خاصة و شرح لي كل شي و طمني.

و كنت بتواصل معه عند الضرورة.

وعند وصولي من اول زيارة و حددلي موعد الولادة ب 16 يناير 

بس كان يوم عطلة فولدت قيصري  17 يناير 

و كنت بشوفه عالمواعيد و جدا مريح

 

 المستشفى 

ولدت قيصري بمستشفى بارك فيو،

كان محددين وقت 10:00 الصبح بس اجت حالة ولادة طارئة ف أجلوني لل ٦ مساءًا 

الحمدلله الولادة كانت ميسرة و سهلة و د هشام ما شاء الله سريع و ايدو خفيفة خلصنا بسرعة.

 

طاقم التمريض في المستشفى كلن متعاونين و بعلمو الام كل شي و بضل البيبي مع الام طوال الوقت.

 

طبيب الاطفال كان دكتور كوو كان بيجي كل يوم و اخّر خروجي من المستشفى 4 ساعات عشان كانت بنتي خسرت وزن اكتر من المعدل فعطيتها حليب فورميلا و كان بدو يتاكد انو ما خسرت كتير،   بس انا ما حبيتو و ما رحت لعندو بعد خروجي من المستشفى . 

 

 شهادة الميلاد

أجت الموظفة تاني يوم ولدت و كنا معبيين الفورم مسبقا نحنا

 

 اخدته و بس رجعت تنمضي كانت ملخبطة بإسم زوجي، لتالت يوم كان خميس لرجعت مضيناها خرجنا نحنا الجمعة و رحنا الاثنين كانت طلعت الشهادة

 

 الفواتير 

رحنا الحسابات   . الموظفة كتير منيحة و بتساعد كانت ساعدتني خفض الدفع لل 4 ساعات الاضافية، ودفعنا بالكارت وطلبت مننا زيرو بيل دكتور الأطفال  

 دكتور التخدير بيتدفع حسابه مع حساب المستشفى واستلمنا الزيرو بيل الحمد لله في الاسبوع اللي بعده وكافة تفاصيل التكاليف المدفوعه و بتفهمنا كل شي وبتراجع البيانات كمان معانا وكانت مجهزة نسختين من غير ما نطلب منها. 

 

 الباسبور 

اخدنا موعد في سان دييجو عالتليفون بعد اسبوع من الولادة، والحمد الله وصلنا عالموعد 10:00 صباحا و كان معنا تذكرة العودة تاني يوم فعطونا الباسبور نفس اليوم الساعه 3:00 ،

 

 بالوقت رحنا old town كتير حبيتا و كانت من احلى الاماكن الي زرتها.

 

   رحلة العودة

كلمنا الخطوط التركية قالولنا بيحجزولنا تذكرة البييبي بنفس نهار السفر بالمطار في نهار السفر حجزنا تذكرة البيبي ب 51$ والحمد لله كانت الإجراءات سهلة جدا 

ورجعنا بالسلامة

 

 السياحة 

حجزنا تذاكر ديزني و يونيفرسال من trip.com

بيونيفيرسال استأجرت wheel chair عشان كنت عالأخر و مش بقدر أمشي كتير، الكرسي بيعطي اولوية ب كل المحلات.

بديزني كمان استاجرت كرسي بس مش بيعطي اولوية.

 وكمان رحنا سانتا مونيكا و فنيس بيش و هوليوود ساين.

 

 التسوق 

كان عندي وقت كتير و برمت كل المولات و اوتليت.

اشتريت اغلب اشياء اونلاين من macy’s و amazon

من بطاقة الاقارب عشان كان اهون من حملهن و ارخص من المحل. كمان اشتريت من

Walmart 

Tjmax

Ross

Nordstrom rack

التجربة 10- 

 تجربه الولاده في كاليفورنيا يناير -فبراير 2023

 دكتور   هشام المقدم- مستشفى بارك فيو 

  

شكرا جزيلا للمحترم المهندس *** لان بدون توجيهاته لن تكون التجربه بالسهوله و الاستمتاع زي اللي حصل خلال فتره التواجد في امريكا فعلا راجل فاهم و عارف تفاصيل الاجراءات و عنده حلول لاي مشكله او تعطيل ممكن حدوثه 

 

 السفر 

كان الزوجه و بنتي 3 سنوات في اخر الاسبوع 34  و لكن ممكن السفر بعد كده عادي و سفري انا بعدهم ب 3 اسابيع من وصولهم 

 

 الاقامه 

 في فندق  ايريس و ميزه ايريس الكبيره ان الناس كلها مع بعض لو حصل اي حاجه في ناس تتصرف و ده حصل مثلا ان في اسره من أفاضل الناس اعتنوا ببنتي ونامت عندهم اثناء الولاده و مواقف كتير تستدعي وجود رفقه في نفس المكان 

 

 الدكتور 

دكتور هشام المقدم متمكن و محترف وده ظهر لما حصل تسمم حمل لزوجتي في الاسبوع ال 39 و الراجل كان معانا لحد ما اطمن علي كل حاجه و عملنا القيصريه و بعدها المتابعه بعد الولاده 

 

كان علي تواصل معانا و بيرد علي الرسائل  لو في اي حاله طارئة

 

 المستشفي 

التمريض في المستشفي علي اعلي مستوي 

 

 الاجراءات 

بالنسبه لشهاده الميلاد و استخراج جواز السفر و تخليص الفواتير من المستشفي و الحصول علي السجل الطبي للام و المولوده  كان في خلال ٥ ايام فقط وده يرجع بالكامل لتوجيهات مهندس زيدان لان ادق التفاصيل في استخراج الاوراق هو علي علم بيها 

 

و لما واجهتنا مشكله ساعدنا نخلص الاجراءات و نستلم  الباسبور في نفس اليوم

 

 التنقلات 

 كان افضل وسيله هي تأجير سياره و حصلت علي أفضل سعر للتأجير مع تأمين شامل علي السياره بمساعدة المهندس زيدان 

 

 السياحه 

بالنسبه للاماكن الخروج فيه كتيره جدا علي حسب بتحب ايه .

 

  مثلا يوم كامل في لوس انجلوس

 و يوم في لاجونا بيتش 

و سي وورلد 

و ايرفاين ريحونال بارك 

واماكن كتير جدا 

 

بس انا كنت بستشير المهندس ****  و هو كان بيساعدني ببرنامج مقترح لليوم 

 

 رحلة العودة

حجزنا للبيبي من الكاونتر في المطار بس ما لقيناش باسينت

 

 و نصيحه خد الكار سيت معاك المطار ولو لقيت بيبي باسينت ساعتها سلم الكار سيت بتاع البيبي و لو مش متاح اطلع الطياره بالكار سيت و هيقضي نفس الغرض

 

 طبعا الرحله مع وجود رضيع و طفله 3 سنوات كانت مرهقه بس ولله الحمد الامور عدت علي خير.

 

التجربه كانت ناجحه جدا و انا شخصيا استمتعت بالشهر اللي كنت فيه في كالفورنيا

 

 

التجربة 11- 

تجربة الولاده في كاليفورنيا فبراير 11 فبراير – 27 فبراير 2022

 دكتور هشام المقدم- مستشفي بارك فيو 

 

السلام عليكم، 

 مدة الرحلة   16 يوم 

 

الحمد لله ربنا انعم علينا بالذرية و نسأل الله يعيننا على تربيتها و نسألكم الدعاء لها و لنا 

و الحمد لله ربنا انعم علينا بتكملة الرحلة دى اللى كنا مرعوبين منها جداااااا لدرجة انى فضلت اذاكر الولادة المنزلية تحسبا لأى طوارىء على الطيارة😂😂😂 ” انا شخص موسوس جدا و بطريقة صعبة و دماغى مش بتسكت للاسف” 

التجربة دى هحاول اخليها مختلفة شوية. و هبدأ بالاشخاص لانهم الاهم فعلا 

 زوجتى طبعا هى البطلة الاساسية هنا، لانها هى اللى استحملت الصدمات كلها وانا كنت بسند بس، ربنا يقويها 

 

 مهندس ***** طبعا ياما ساعد ناس ، بس اعتقد انة ساعدنى بزيادة ، لانى من قبل السفر باسابيع   كنت بتواصل و هو بيساعدنى، خصوصا ان الدكاترة فى مصر توهونا جدا لحد ما ساعدني اوصل لدكتور محترم تابعنا معاة و كان كويس فعلا فى مصر. 

 

 السفر 

طلعنا من القاهرة على الطيران السعودي  ترانزيت جده 

و حجزنا اوتيل ال 5 ساعات الترانزيت  و كان حلو الصراحة بس غالى بس ريحنا و دة كان مهم جدا جدا ، خصوصا ان اللاونج كانت مليااانة ناس و كانوا نايمين عالارض اصلا.

الخطوط السعودية الصراحة كانت فوق العظمة و انا رايحين، الطيارة كبيرة و مريحة 

 

المضيفين لما شافوا مراتى حامل كانوا كل شوية يطمنوا عليها و اكل و مياة و عصير و كل حاجة كنا مبسوطين الصراحة.

 

الطيارة كانت هادية جدا ماعدا فوق مصر، فضلت تترج و مراتى تعبت 

و اللاندنج كان عظمة العظمة، انا شكيت فالطيار الصراحة لانة فضل يلف و يدور كدة و يطلع و ينزل بس طلع سواق  لعيب😂 

 

 السكن 

 فندق ايرس احسسسسسنننن اختيار فعلا 

الغرف نضيفة و واسعة، الفندق كلة حلو جدا على سعرة و الفطار كل يوم و حلو  الصراحة. مش متنوع اوى بس حلو 

بيض مقلى و بطاطس مقلية  و فروت سلاد , انواع كورن فلكس , 3قهوة و شاى و كاكاو  و حليب و علب جبنة صغيرة و علب زبدة فول سوداني  و علب مربى و 3 و  انواع عيش   و 3 انواع عصير بان كيك وافل عسل سيرب

 

الغرف   فيها ميكرويف و كوفى ميكر 

بعد الولادة كنت بنزل اعمل اطباق فطار و اطلع  بيها الاوضه و دى احلى حاجة الصراحة 

 

 حوالين الاوتيل بقى 

5 دقايق مشى   

Walmart

Vons

Cvs

Mac 

Applebees

مطاعم كتير و حلوة 

كافيهات 

 مطعم Subway كان  اى كلام  و كذلك ماكدونالدز كان وحش جدا

دومينوز بيتزا   وفي محل بيتزا تعبان كدة اسمة pieology 😅 

 

والاهم من دة كلة، انه الفندق  قريب المستشفى 15 دقيقة بس، و  10 دقايق لعيادة دكتور هشام و نفس المسافة لمستشفى رفر سايد 

 

لو واحده لوحدها او لو انت لو مش هتنتشر يعنى ممكن متجبش عربية  اصلا، 

بس العربية هتحتاجها يوم الجوازات او ممكن اوبر بس هيطلغ غالي  و طبعا و للتسوق و الفسح

حاجة كويسة كمان ان دايما هتلاقى ناس فالجروب معاك  

وجود ناس معاك فية امان  

 

 

  لما تحتاج حاجة هيقولك **** هيقولك تاخد اية منين

 

 السياره 

أجرت بمساعدة مهندس *****. بمساعدته  وفرت فى ايجار العربية 500$  من اقل سعر لقيته اللى هو كان سعر كويس اصلا

 

 الدكتور 

دكتور هشام شاطر جدا و محترم و ربنا يسر لنا انة نفضل على تواصل معاة من قبل الولادة لحد اما سافرنا ، و اكتشف عند زوجتى حاجة كان ممكن تأذينا  اكبر اذى و هى الCholestasis 

و دى كانت السبب اننا ندخل للولادة من تانى زيارة مكناش كملنا اسبوع من وصولنا 

 

الولادة كانت قيصرى، د. هشام ما شاء الله علية ، كان فالعملية بيكلم زوجتى و يطمنها . 

 

في المستشفى جالنا، اطمن على الجرح و الام و كنا هنخرج و كتبلنا على نوعين مسكنات ودواء للامساك

بعد المستشفى كلمتة لانة زوجتى بدات تتعب و تسخن عشان لبن الام مكنش لسة بيخرج و كتبلنا مضاد حيوى و بروفين، و كمادات 

رحنا له زيارة بعد العملية و اطمن علينا و الحمد لله الامور طيبة 

عيبة الوحيد بس اللى هو مش مؤثر خالص، انة مشغول جدا فتلاقية بيجرى و انت وراة، لكن ربنا يسرلنا التواصل معاة بكل اريحية و يسر 

 

 دكتور التخدير 

اسمة دكتور KAU شاطر جدا و سريع جدا و كلهم بيحبوة، دكتور هشام بيقول انا مشوفتش زيه 

 

 طاقم التمريض 

 كلة كان عامل عظمة الصراحة، حرفيا كل ساعة ممرضة تدخل تطمن علينا مكناش عارفين ننام منهم😅.

واساميهم حافظها لحد دلوقتى و كان فية استاذة جامعة بتيجى تطمن كل شوية برضة

 

 المستشفى 

مستشفى فيو فيها كل اللى محتاجة و التمريض كانوا ابطال مشوفتش منهم تقصير اطلااقا ، بالعكس جبنالهم هدايا بسيطة و احنا خارجين تقديرا ليهم 

 

 دكتور الاطفال 

دكتور كوو   كل اللى فالمستشفى بيقولوا شاطر، بس مستريحناش معاة، اصل تخيل كدة ابنك او بنتك  صفرا و بيعيط و دة مبيتكلمش و صامت فى نفسة، خصوصا انا كان فيه صفرا  و قلقانين 

 

و رحنا لدكتورة تانية على حسابنا   فى نفس المستشفى، قابلنا عندها  دكتوره تانيه كمان  و الاتنين طمنونا الحمد لله و قالو لناا على نوع رضاعات مختلفة و كام حاجة نعملها ،و دفعنا 80 $ للكشف

و تحاليل صفرا برا المستشفى ب 60$ فى صيدلية Walgreens 

 

 شهادة الميلاد 

قدمت على شهادة الميلاد و التقارير الطبيه للام و البيبي و طلعوا في خلال 3 ايام

استلمنا الشهادة النسخة ب 32$ طلعت 3 نسخ، الاحسن طلعوا 4 نسخ

 

 الفواتير 

دفعت بعد الخروج من المستشفي و الفواتير كانت جاهزه في خلال 3 ايام

مسئولة الفواتير، عسل جدا 

 

الناس اللى بتقارن بين بارك فيو و ريفر سايد

 

ريفرسايد كبيرة حجما مقارنة ببارك فيو ، و تحسها سليمان فقية كدة لكن فواتيرها مش واضحه و لا منظمه زي بارك فيو… بارك فيو اكتر من كفاية و للغرض اللي احنا رايحين عشانه فهي كويسه جدا

 

 الباسبور 

حجزنا ميعاد فى سان ديجو واستلمنا الجواز نفس اليوم الحمد لله 

 

 رحلة العوده 

حجزنا للبيبي و عدلنا التذاكر على الطيران السعودي .

 

 واحنا راجعين كانت الرحله مش كويسة، مفيش اى اهتمام زايد..العادى يعنى فجالنا احباط منهم ، كنت انا كل شوية اقوم اجيب مياة 

الطيران السعودى طبعا رايح او جاى فية مساحة كبيرة فاضية للصلاة كنا كل شوية نصلى و نفرد ضهرنا فيها 

حجزنا تذكرة البيبى ب 96$  بالتليفون 

الترانزيت كان جدة ساعتين يادوووبك لحقنا  و البيبى رجع و الام تعبت و كانت حاله…ترانزيت ساعتين كان متعب في حالتنا

حجزنا باسينت   للبيبي و كنا بنام على الارض عادى 😂😂😂، . 

.

 التسوق 

اونتاريو مول دة حلو و قريب بس سبحان الله كل مرة نيجى رايحين يحصل حاجة تاخرنا نوصل متاخر يقفل علينا ، ٣ مرات كدة 

احنا فلسنا فى

 Carlsbad Premium outlets 

الاسعار هناك غريبة و مريبة ولو معاك 10 الاف دولار هتصرفها. 

 

 المسافات بقى، بعيدة طبعا. 

والسواقة على الهاى واى باليل مش احسن قرار تاخدة خااالص، و بردوة مهندس زيدان حذرنى منها بس للاسف كان لازم شوبنج عشان الجيران متاكلش وشنا 😂😂

 

وفرت في السياره 500 دولار وو فرت في السكن 500$

ما وفرتش مليم في الشوبنج😂😂😂 

 

اخيرا، اسمعوا كلام مهندس **** قولا واحدا.

الراجل كان بيطمن علينا يوميا  وربنا يشهد

 

 شهادة الميلاد المصريه 

ما احتاجناش نوثق الشهادة  و لما نزلنا مصر ، طلعنا على العباسية و مشينا على الخطوات اللى فالموقع بالضبط، 

كان فية موظفين مش فاهمين في الاول بس مشى الحال، 

الحاجة الوحيدة المختلفة عن الموقع هى ان مكتب الترجمة بقى فالدور الارضى . 

واى مستخرج بقى ب 85 جنية و صلاحية الشهادات بقت 6 شهور بس. فانت كدة كدة هتطلع شهادات ميلاد و زواج جديدة 

اعمل حسابك في 1000 الى 1500 جنيه

 

الحمد لله دائما و ابدا و كثيرا حمدا يليق به على احسانة و توفيقة و رحمتة  

 

واسألكم الدعاء

 

  

التجربة 12- 

 تجربة الولاده في كاليفورنيا 7 ديسمبر 2022- 20 فبراير 2023

دكتور هشام المقدم -مستشفي بارك فيو 

 

الشكر لله اولا و الحمد لله رب العالمين . 

 

مفيش كلمات شكر تكفي المهندس ***** علي مجهوده و وقته و على اي معلومه قدمها لنا  فعلا كان معانا في كل خطوه كأخ وحقيقي بفضله وفر علينا كثير من الجهد والتعب والمال. ربنا يجازيه كل خير ويجعله في ميزان حسناته ويبارك له في ماله وأهله.

كمان من الضروري جدا قراءة الموقع لانه فيه كل المعلومات تفصيليه في كل الإجراءات والخطوات ( لكنم لا تقرأون الموقع ^_^ )

 

دي كانت التجربه الاولي للولاده في امريكا و الحمد لله كانت عن طريق الموقع و الجروب..

 

كان الاتجاه في البدايه الي ولاية تانيه  من شويه بحث قبل معرفتى بالجروب ولكن بعد استشارة مع المهندس زيدان و توضيح بعض الامور اللي تخص سرعة الاجراءات و التكلفة استخرنا ربنا و قررنا نغير الوجهة  لكالفيورنيا و الحمد لله كان اختيار موفق جداا بفضل نصائحه والمتابعه خطوه بخطوه. يمكن معظم الأوقات هو اللى كان بيكلمنا يطمن وايه اخر الاخبار معانا ويوجهنا لحد بعد العودة كمان.

 

 السفر  

علي الخطوط السنغافوريه من جاكارتا – سنغافوره – لوس انجلوس ( دة بسبب الاقامه في اندونيسيا ) وتقريبا دة كان افضل خطوط طيران من حيث السعر وجودته ممتازه وطاقم محترم متعاون جدااا في كل حاجه نحتاجها

السفر في الأسبوع ال 30 ودة بسبب اننا كان الأولاد في اجازه نصف العام وحبينا نتفسح الأول شويه وكمان لانها اول مره دخول أمريكا والرحله تقريبا يوم طيران كنا حابين نتجنب أي مشاكل للحمل و كنا مجهزين كل التقارير لكن مفيش حد   سأل عنها. 

 

 الوصول 

 الجوازات وصلنا بالليل كان الطابور طويل حوالى نص ساعه انتظار

الاوفيسر كان محترم جدا .. اول ما دخلنا عليه قبل اى شيء طلب نتصور وبالفعل البنتين ثم زوجتي ثم انا . بعدها سأل سبب الزياره رديت سياحه ومديكال كير وده خلاه يسال ايه ميديكال كير رديت ان زوجتى حامل وممكن تولد هنا . سال معاك فلوس قد ايه وشاف مكان حجز الاقامه والايميل مع دكتور هشام وورقه المستشفى اللى الدكتور بيبعتها بالتكلفه وحجز طيران العودة بس. أتمنى لينا أقامه سعيدة ودخلنا بدون اى ختم

اقل من 10 دقائق وخلصنا طلعنا أخذنا سياره لمكان الاقامه

 

 السكن 

كنت مأجر بيت اوضتين وصاله Airbnbبسبب الأولاد والحمد لله كان اختيار موفق تقريبا نفس الصور والمنطقه كويسه تبعد عن المستشفى 45 دقيقه وعن عيادة الدكتور 30 دقيقه . طبعا ارجح الفندق بشده لو مناسب ليكم فهو الاختيار الأفضل طبعا.

 

 التنقلات 

كنت الأول ناوى استأجر من تورو ولكن بعد استشارة البشمهندس نصحنى و بمساعدته تم تأجير السياره  بعد تانى يوم وصول وفعلا بدونه كان اختلف الموضوع كتير لان وفر معانا في التكلفه وكمان السياره تأمين شامل من شركة محترمة .

 

اســتأجرت سياره عاديه اول أسبوعين وبعدها غيرت السياره لفئه اعلى وبعد فتره المكتب عمل ابجريد هديه بسياره فورد وكانت جميله جدااااااااااا

 

 خط التليفون 

‏Simple Mobile اشتريته ولكن الشبكه كانت مش حلوه في منطقه السكن ولذلك اشتريت خطين T Mobile نظام شهري ليا ولزوجتى وكان كويس جدااا مكالمات وانترنت مفتوح ب 84 دولار شهريا

 

 الاقامه 

ودى حاجه مهمه جدااا وانصح اول ما تستقروا تعملوا اشتراك Costco لانه بيوفر عليكم جدا لو مدة الاقامه طويلة في الاكل والشوبينج وكمان تقريبا ارخص محطه بنزين وتم استرداد قيمه الاشتراك بعد الغائها قبل السفر بيوم.

 

 الدكتور 

د هشام المقدم تم مراسلته مسبقا  و حدد لنا موعد بعد الوصول بيومين دفعنا رسوم الدكتور كاش في اول موعد 

الدكتور لطيف جدا و متعاون.

 من اول يوم حدد معاد الولاده قيصري الأسبوع ال 39 ومتغيرش وكان كل خوفنا لاى طوارئ ولكن الحمد لله

كانت الزياره كل أسبوعين من وقت الوصول لاننا رايحين بدري   وبعد كدة كل أسبوع متابعه من بداية التاسع

 

 المستشفي 

عملنا تسجيل مسبق قبل الولاده باسبوع وكان متحدد موعد الولاده وتمت في الميعاد المحدد

 

اتقابلنا مع دكتور التخدير وقت التجهيز نظرا لوجود تقرير طبي لزوجتى لمشكله في الفقرات وسابلنا حريه الاختيار اما بنج كلي او نصفى لانه ميقدرش يحدد اذا كان هيبقى فيه مشكله بعد كدة لو نصفى واختارنا البنج الكلى . 

 

زوجتى مضت على أوراق وتم التجهيز.

 

الحمد لله الولاده تمت والبيبي طلع بسرعه وزوجتى تقريبا بعد ساعه ونص على ما طلعت من غرفه الافاقه بسبب الولادة بنج كلى الممرضات لطيفات جدا و متعاونات وأول يوم كانو تقريبا كل نص ساعه لازم متابعه ومن تانى يوم بيبدأ يخلو الام تعتمد شويه على نفسها ودى حاجه كويسه مفيش مشكله  

 

كنا خايفيين من المستشفى بسبب بعض ال review عليها في جوجل و لكن بعد خروج زوجتى كانت الاقامه في غرفه كويسه والمستشفى كويسه جداا من وجهه نظرى

 

 دكتور الاطفال جاء تاني يوم الصبح يشوف البيبي وكذلك اليوم اللي بعده.و دكتور هشام بيمر كل يوم بعد الولاده  وخرجنا اليوم الثالث الظهر.

 

• تم زياره دكتور كو بعد الولاده ب أسبوع لمتابعه البيبي

 

 شهادة الميلاد 

  بشمهندسنا الغالى بعتلى ورقه البرشام هههههه فيها كل حاجه وشرح تفصيلي لشهادة الميلاد والتقارير الطبيه.

 

اخدت الورق الخاص بشهادة الميلاد من الممرضات ومليتها زي ما موجود ف الموقع وانتظرت لتانى يوم على ما الموظفه جت خدته لانها مكنتش موجودة اول يوم

 جاءت تاني يوم جابت الورق جاهز نراجعه وكان في غلطه من طرفهم وعدلوها و قالت الشهاده هتطلع ف خلال 21 يوم ( و لكنطبعا روحت استلمتها بعد 3 ايام عمل  و كانت جاهزه)

 

التقارير الطبيه لزوجتى والطفل قدمتهم اول يوم .

 

الفواتير والتقارير 

استلمنا الفواتير والتقارير  بعد الخروج من المستشفي ب 5 أيام عمل والموظفه متعاونه جدااا ووزق وهي بتساعد من غير ما تطلب. 

 

 الباسبور 

بعد الولاده اتصلت و اخدت موعد في جوازات  سان دييجو  قبل معاد السفر اللي بلغتهم بيه بيوم وانصح ان يتم الاتصال بعد الولادة مباشره لان انا حجزت يوم تقريبا لحسن الحظ وأول معاد كان يوم الجمعه وطيارتنا كانت يوم الاثنين.

اجراءات الجواز اخدت  تقريبا ساعه و الاستلام كان  الساعه 3:00 الظهر نفس اليوم 

الولادة كانت يوم 7 واستلمنا الباسبور يوم 17 فبراير

 

التسوق 

تقريبا معظم الاماكن اللي تم ذكرها في الجروب والموقع وعلى حسب مده اقامتكم الأماكن كتير مناسبه والمولات كويسه

 

▪ ‏كل ما تنزلو شوبينج هتلاقو حاجات مختلفه وتعجبكم فانصح اشتري اللى يخطف عينك بس ما تعملوش زينا اول أسبوع اشترينا حاجات كتيرمن مكان او اتنين تقريبا وبعد كدة لقيناها بأسعار اقل وممكن حاجات احسن منها في أماكن تانيه . قمنا اشترينا تانى ودى ضد مصلحه الزوج بالتحديد

▪ Walmart , Costco , T.j. maxx , Marshalls , Target , Ross , 99 cent , dollar tree , Macy’s , buybuy baby , Old Navy , Big 5 , Outlets Lake Elsinore , …………

 

السياحة 

▪ ‏Disneyland , universal studios , Tramway , Palm spring zoo , Hollywood Hills , Madame Tussauds , Hollywood Blvd , Hollywood Wax museum, Walk of Fame , Hollywood Sign viewpoint , Skydive lake Elsinore,

▪ SeaWorld Sandiego

 دى كانت بمساعده المهندس ***** وجميله جداا كان يوم رائع

 

التجربة 13- 

تجربة الولاده في كاليفورنيا – فبراير -مارس 2023

 دكتور هشام المقدم-مستشفي بارك فيو 

 

الحمد لله الحمد لله الحمد لله

تجربتنا الاولي مع توتال كير ، شهادتنا للبشمهندس عمرها ما توفيه حقه لكن بندعيله في كل وقت ان ربنا يكرمه و يسهله كل حاجه زي ما سهل علينا كل الرحله دي و يجعل كل سعيه في الخير.

 

 السفر 

زوجتي سافرت لوحدها في الاسبوع 36  علي طيران الاماراتيه و الرحله كانت كويسه و الخدمة محترمه جدا و كان معاها تقرير حمل بس متسالتش عليه 

 

 الوصول 

زوجتي وصلت  عالجوازات   و اخدت معاهم وقت طويل حوالي 3 ساعات و لكن دخلت في الاخر. 

 

انا سافرت ليها بعد كده و دخلت عادي و كان معايا 10 الاف دولار و سألني جاي ليه و رديت قلتله زوجتي جوه و هتولد قالي معاك حجز للاوتيل قلتله اه و وريتهوله و وريته الفلوس سريعًا كده قالي مبروك و اتفضل (موقفتش اكتر من دقيقه عالكاونتر) ..

 

 السكن 

حجزت الاول في airbnb و الراجل لغي الحجز و زوجتي كانت ف الجو في الطريق ، و بقول الحمد لله الف مره ان ده حصل ، حجزت بعديها في ايريس اوتيل ، و كان ممتاز ف كل حاجه ك سعر و أقامه و فطار و نظافه و ونس و مكان و امان طبعاً ، نصيحه لوجه الله لو بتفكر ف كاليفورنيا و مع دكتور هشام يبقي ده احسن اوبشن بدون تردد .. 

 

 الاكل 

بالنسبه للاكل ، زوجتي ف الاول كانت بتعتمد عالتوصيل ،، كل حاجه بدون أستثناء كانت بتوصل من خلال application door dash , و بعد ما انا وصلت بدائنا نخرج ناكل كل يوم في مكان ..

 

 الدكتور 

دكتور شاطر و واضح و سهل ف التعامل ، وقته مهم بالنسباله ، ف دايما تبقي محضر حالك بالاسئله لكن ف العموم ممتاز و فاهم شغله كويس ، مقلقتش لحظه الحمد لله .. زوجتي راحت تقريبا 4 زيارات و زيارة سونار و زيارة متابعه بعد الولاده و كله مشي كويس الحمد لله و اخدنا ال zero bill في اخر زياره و الامور تمام .

 

 المستشفي 

زوجتي ولدت C-section و سجلنا قبليها بكام يوم عشان اجراءات الدخول تبقي ميسره و روحنا ف الميعاد المحدد و دخلنا و كله تمام الدنيا سهله و واضحه ، خلصنا الحمد لله الولاده كان يوم جمعة

 

التمريض من اول الدخول للخروج بعد 72 ساعة كان ممتاز و كانوا مهتمين جدا بزوجتي و بالبيبي و تقريبًا المتابعة كل شوية لحد ما بتقولهم كفايه 😀

 

الولادة كانت الجمعة ، كنا مجهزين الورق زي ما مطلوب مننا و زي ما مكتوب بوضوح في الموقع ، موظفة شهادة الميلاد كانت اجازه جمعة و سبت ، جاتلنا الاحد الصبح عزمت عليها بعصير و اتبسطت اوي 😂 

قالتلي هبعت الحاجه دلوقتي علطول و فعلاً كتبت كل حاجه علي ورق المستشفي و رجعتلي بعديها بساعه راجعنا كل المعلومات بدقه و تمام قالتلي هترجع المكتب تبعت الحاجه..

 

خرجنا من المستشفى في يوم التالت (الاحد بليل) قبل ما ال 72 ساعه يعدوا علينا عشان مندفعش زياده عن المتفق عليه .. 

 

الفواتير

يوم الاثنين روحت المستشفي دفعت و و دفعت  لدكتور الاطفال و نزلت قدمت طلب الميديكال ريكوردز و بس كده .. في حاجات دفعتها بالكارت و حاجات كاش و معندهمش مشكله تدفع كده و كده حتي لو هتقسم فاتوره جزء كده و جزء كده .. عادي

 

يوم الخميس روحت استلمت فواتير zero bill كل حاجه من استاذه لوسي ف المبني اللي قدام المستشفى علطول اسمه Lansen building و كل حاجه كانت واضحه ..

 

كل حاجه سهله و واضحه و بجد مفهاش اي تعقيد ، الواحد بيكون متوتر شوية بس فعلاً الدنيا سهله و واضحه لو قريت الموقع كويس

 

 شهاده الميلاد 

الولاده كانت يوم 17 و التقديم كان يوم 19 و روحت اسأل علي الشهاده   يوم 23 لقيتها طلعت

 

 الباسبور 

موعد الجوازات  حجزته يوم 24 و روحنا سان دييجو قدمنا الورق الساعة 10 الصبح و استلمنا الباسبور الساعة 3:00 العصر .

 

 روحنا معانا شهادة الميلاد ، صوره للبيبي واضحه زي الموقع ما كاتب ، تذاكر السفر ، باسبور بتاعي و بتاع زوجتي . الامور واضحه و مافيهاش تعقيد . لو هتدفع كاش يبقي معاك المبلغ بالظبط لان معندهم وسيله يفك او يرجعلك باقي ، او تدفع بالكارت .

 

العودة

تذكره البيبي ، كلمتهم كذا مره علي مدار كذا يوم فضل السعر ثابت علي 140 دولار ، ماحجزتش و استنيت لحد ما روحت عالكاونتر يوم السفر ف المطار و السعر برضه فضل ١٤٠ ف دفعتهم و خلاص ..  

 

 خط الموبايل 

سواق اوبر محترم اداني خط جديد tello ب بلاش بس مش شغال عملتله activation من عالويب سايت ب ٣٥ دولار فضل شغال معايا شهر و زوجتي كنت عامل لها roaming . 

 

الشوبنج

روحنا citadel outlet مرتين ، ممتاز و فيه كل حاجه و كل البرندات ، لو عايز تعمل شوبنج هو ده اللي تروحهه متضيعش وقت ف اماكن تانيه ، هو مش قريب ف تصحي بدري تروحه من الصبح و ترجع عالمغرب ان شاء الله تكون فلست بس مبسوط و انت مفلس ، لا تخرج قبل ان تقول سبحان الله 😀

 

اخر 4 ايام روحنا قعدنا ف اوتيل تاني كا تغيير جو في Los Angeles downtown و كانت فكره مهببه 😀 الدنيا مش امان و homeless كتير جدا   في كل حته و فوق ده كله مفيش ركنات و لو لقيت ف غاليه جدا ( ال 10 دقايق ب 10 دولار و البيات ب65 دولار) .. فرجعت العربيه طبعا و قضينا اخر 4 ايام بدونها و بعدين طلبنا اوبر XL يوم السفر و كان ممتاز و كافي لينا احنا الاتنين و البيبي ( كان معانا 5 شنط كبار و 3كاري اون و سترولر)

 

ده ملخص السفريه، بس ف الاخر هقولك شوية نصايح مهمه :

 

1- اقرأ الموقع كويس و بشويش ،، بجد ممتاز و هتفهم كده كويس اوي لما ترجع بالسلامة.

 

2- مهندس ****** بجد ربنا يجازيك علي تعبك و مجهودك و تواجدك كل الأوقات ،، ف دايما لما تبقي مزنوق ف حاجه او في حاجه مش واضحه او شاكك فيها ابعت اساله ، بس اساله سوال واضح و مكتوب مش فويس نوت ، و طبعا اقرأ الموقع بردوه الاول قبل ما تسأل لان بنسبة كبيره هتلاقي الحل .

 

3- بلاش تروح تسكن ف Los Angeles downtown او غيره ، خليك ف اوتيل ايريس لو مع دكتور هشام ، و فيه برضه ايريس اوتيل في anaheim لو مع دكتور امين .. بجد فكرة الفطار الصبح ده مهمه جدا للزوجه سواء انت معاها او لاء .. لان مفيش وقت ولا مجهود للكلام ده .. و لوكيش الفندق فوق الممتاز و المنطقه نضيفه جدا

 

4- الشعب الامريكي طباعه غيرنا تماما تماما ، دايما خليك هادي و حذر و كلامك قليل و خليك دايماً مطلع عن المعلومات عن اي مكان قبل ما تروحه عشان ممكن كتير تسال و محدش يرد عليك او مش يديك رد واضح للي انت عايزه ..

 

5- بلاش خروج بليل و يستحسن دايما الخروج من الصبح بدري لحد المغرب .. 

 

التجربة –14

تجربتنا في كاليفورنيا  فواز من 1 فبراير -8 مارس 2023

 د امين فواز – مستشفي انهايم ريجونال 

 

طبعا اولا أوجه الشكر و التحيه لأخي المهندس ***** على كل مجهوده و دعمه لينا الي انا مش عارف بيجيب وقت   منين بس ربنا يبارك له و يترد في أولاده.

دي تعتبر التجربه الثالثه لينا مع توتال كير

 

احب اقول للناس يسمعوا كلام الباشمهندس عشان هو متابع اكتر من اي حد حتى لو ولدت قبل كده و معتقد انه عندك خبره سابقه.

التجربتين السابقتين كانوا في ولاية مختلفه مع دكتورين مختلفين.

 

التجربه الثالثه مع د. أمين فواز

 دي انا بعتبرها افضل تجربه عشان تفاديت الأخطاء في التجارب السابقه.

اولا انا اخترت د. أمين فواز بعد قراءة التجارب السابقه. 

 

 شوفت ان د. أمين قريب المطار و لوس أنجلوس و المزارات.  و انا ماعنديش كريديت كارد فماكنتش عارف حقدر ااجر عربيه ولا لا ده غير   اني حتى لو اجرت المده هتكون طويله

 

 السفر 

المره دي حاولنا نأخر السفر لآخر وقت و كان المعاد المتوقع يوم 23 فبراير 

 

سافرنا  يوم 1 فبراير على لوفتهانزا ترانزيت 4 ساعات في فرانكفورت و الرحله متعبه بالبنات في السن الصغير.

 

الفيزا كانت فاضلها شهر و تخلص

و كنا طالبين وجبه مسلم بس لغيناها في العوده عشان ماعجبتناش

 

 الوصول 

سألتنا  الاوفيسر عن سبب الزياره و الفلوس و سألتني عن سبب الزيارات السابقه لأن بناتي اتولدوا في امريكا. فلازم يبقي معاك الفواتير السابقه لانه ممكن تتسال عليها

 

أنا كان معايا 24 الف دولار فسألتها لو المفروض اوقع فورم زياده لانها كانت ناسيه و بالفعل خلتني انتظر لحد ما اوقع الفورم و جات سالتنا تاني عن الزيارات السابقه و في الاخر ختمت لنا دخول

 

اول ما طلعنا من المطار أخذنا باص شاتل في المطار مجانا لموقف أوبر

 

 السكن 

 السكن كان م Airbnb

و كان قريب من الدكتور و المستشفى و ديزني لاند

 

 المواصلات 

لم اوفق رغم محاولات كتيره  تأجير عربيه كاش مش كرديت كارت.

كنت معتمد على أوبر و كان ديما اوفر من ليفت في المشاوير البعيده

و المشاوير القريبه كنت باخد باص بدفع 2 دولار و ممكن تاخد تكيت لا محدود في اليوم كله ب 4.5 دولار و ده وفر كتير معي كنت بجمع المشاوير مع بعض و اخلصها في يوم واحد

 

 الاكل 

كانت كله اكل بيتي عشان إحنا مش بناكل بره و ده من أهم الأسباب الي خلتنا تحجز في Airbnb عشان العيال الصغيرين ديما بياكلو في البيت

 

 الدكتور 

كنت مراسل دكتور امين من اول الحمل و كان في استجابه سريعه 

 

 كنت حاجز موعد بعد الوصول بيومين عشان اريح يوم بعد السفر و دفعت الفلوس كلها اول يوم و   ثاني زياره بعد اسبوع مديرة العيادة ظبطت مع المستشفى عشان اسجل فيها و ادفع الفلوس عشان اخلص من الكاش الي معي عشان كنت خايف امشي بيه و بعد ما دفعت بيومين البيبي جه بدري يوم 10 فبراير

 

طبعا د. فواز مريح نفسيا و بياخد وقته في الكشف و امين في التعامل و هو الي نصحنا نروح مستشفى اناهيم عشان أقرب لبيته و مش بيدققوا في الفلوس و في حساب الوقت زي مستشفى ساوث كوست.

 

 المستشفى 

هي تعتبر قديمه شويه بس مريحه نفسيا و فيها كل المطلوب و التمريض ممتاز

احنا بالفعل روحنا المستشفى متأخر عشان كان لازم نودي البنات عند بيبي سيتر 

 

الولاده تمت في 45 دقيقه من دخولنا المستشفى و الدكتور وصل في خلال 30 دقيقه و فعلا لو كنا اخترنا المستشفى البعيده ماكنش الدكتور لحق يجي.

التمريض كان بيحاول يأخر الطلق لحد ما الدكتور يوصل..

و دي تعتبر أسهل ولاده في التعب و الوقت الحمد لله

و بعد 3 ايام روحت اخدت الitemized bill

 

و روحت عيادة د. الأطفال دفعت 150 دولار مقابل عيادة د. أمين.

و اخذت زيرو بيل منه كان مجهزها مسبقا

و قررنا نعمل الطهور في مصر عشان أوفر كتير

 

 شهاده الميلاد 

طلعت بعد يومين بس انا روحت جبتها بعد 5 ايام عمل عشان اتأكد انها تكون طلعت عشان ماتروح على فلوس الاستعلام..

 

 جواز السفر 

حجزت موعد بعد الولاده على طول و كان سهل الحمد لله.

 

و صورت البيبي  و ظبطها بالطريقه اللي مشروحه عالجروب و طبعتها في CVS

و ده اوفر كتير كلفني. 40 سنت بدل ما ادفع 18 دولار في تصوير صوره باسبور.

 

يوم الجوازات كنت حاجز في سان ديجو عشان الناس  التعامل احسن و أسرع.

 

 كان الافضل   احجز أوبر من قبلها بيوم و انا معملتش . يوم الموعد كذا واحد يقبل الطلب و بعد كده يلغيه و ده خلانا متوترين بس الحمد لله وصلنا في معادنا بالظبط. فانصح بحجز موعد قبلها حتى لو أغلى شويه.

 

وصلنا في معادنا و استلمنا الباسبور و جددت باسبور بناتي بالمره   و استلمت الباسبور الطبعه الجديده.

 

 التسوق 

الاكل كله من Walmart  و Aldi 

 

اشترينا استرولر مستعمل بس حالته كويسه

من  فيسبوك ماركت   عشان اسعار الدبل استرولر غاليه جدا هو كان عامل 800 دولار و انا جبته ب 150

باقي الحاجات كانت من امازون

و ولمارت اون لاين

 

 السياحة

Huntington beach

Santa Monica

Venice Beach

The griffith observatory

Hollywood sign

Walk of fame

USS Midway

Sea world

Universal studios

Disneyland

 

 رحله العوده 

اتصلت بمكتب لوفتهانزا في القاهره و غيرت معاد الحجز للعوده  و حجزت باسينت للمولود الجديد و ميزة لوفتهانزا انها تسحب الفلوس بالجنيه المصري و انا كنت عايز احافظ على الدولار الى معي

و في الذهاب مش بيدققوا في تقرير الحمل

 

في المطار دخلنا من جوه اخدنا عربيه للشنط مجانا بدا ما نأجر واحده من بره ب 8 $

 

كان معانا وزن زياده بس عدد شنط اقل بس الراجل قالي تمام بس خلي بالك المره الي جايه كانت كل شنطه 26 كيلو و كان معانا 3 شنط بس كان مسموح لينا خمس شنط 

 

الرحله كانت طويله و متعبه خصوصا بالأطفال

و كان 8 ساعات ترانزيت في ميونخ بس اتعرفنا علي واحده البانيه كانت ولدت هناك و قعدنا ندردش مع بعض لحد ما الوقت عدي. 

 

وصلنا مطار القاهره و الخروج كان سلس و الجمارك مافتحش اي شنطه هو سأل بس اذا كان معي شي يتجمرك ولا لا.

 

قبل السفر بيوم جالي فاتوره باثلولجي ب 250

بس كلمتهم و قولت لهم عايز تخفيض٪ 50

هما كانت صلاحيته 30% فقط بس قالي حيقدم طلب و حيرد في خلال 3 ايام عمل و وافق في الاخر و دفعت 125 من مصر من الوب سايت بتاعهم.. بس احساسي و انا بكلمهم انهم لو كنت طلبت منهم تخفيض اكتر كانو وافقو عشان هو قالي انت مستعد تدفع كام

أنا الي قولت عايز خصم 50%

 

 شهاده الميلاد المصرية 

روحت في العباسيه و هما نقلو مكان مواليد الخارج و بقى كلو في نفس مبنى الترجمه و الموضوع ممكن يكلف في حدود 1000 جنيه

350 ترجمه

250 قسيمه زواج و شهاده ميلاد الاب و الام

و 150 طلب ساقط قيد و بعد يومين طلعت من اي سجل مدني اول واحده ب 45 و التانيه ب 25 و اي صوره ب 5  هتحتاج صور الباسبور الأمريكي و صوره بطاقه مقدم الطلب

 

في النهايه بشكر اخي العزيز الباشمهندس *****كانت معرفه خير و ساعدني كتير في الثلاث ولادات

 

 الحمد لله على فضله 

و بالتوفيق للجميع أن شاء الله

 

 

التجربة 15- 

تجربة الولاده في كاليفورنيا فبراير- مارس 2023

 دكتور هشام المقدم -مستشفي بارك فيو 

 

السفر

السفر كان في اخر الاسبوع 35 و طبعا كان عندنا تخوف انه ده متاخر لاننا كنا حاجزين طيران على ولاية تانية و في الاسبوع 33 عن تجربة اصدقاء. 

ده طبعا قبل ما نعرف عن توتال كير و من قراءه تجارب الولاده اتطمنا انه مناسب خاصة انه ده اول حمل و ممكن يطول للاسبوع 40

 

السفر كان على Air France 

 الرحلة كانت 4 ساعات لباريس و الترانزيت كان طويل 6 ساعات و بعد كده 10 ساعات لكاليفورنيا لكن الحمد لله الرحلتين كانوا مريحين 

 

الوصول

الجوازات كانت زحمة و الانتظار اكثر من ساعة لكن الدخول كان من غير اي اسئلة. 

 

اوبر كان سهل و تكلفته 90 دولار للفندق في كورونا و خد تقريبا ساعتين بسبب الزحمة.

 

السكن

فندق Ayres كان مريح جدا و الاوضة فيها ثلاجة صغيرة و ميكرويف و ماكينة قهوة و الموظفين ممتازين، مع الاقامة الطويلة تنظيف الغرفة بيكون كل 5 ايام بس ممكن تطلب اي حاجة ناقصة للاوضة. 

 

الاكل

افطار فندق Ayres كان حلو و كافي جدا خاصة انهم بيحطوا حاجات مغلفة ممكن تاخدها معاك الغرفة خاصة بعد الولادة بيكون اريح عدم النزول من الغرفة. 

 

باقي الوجبات كانت من المطاعم جنب الفندق او من برة لو خارجين و ساعات كان بنجيب وجبات سخنة من Walmart او نطلب من DoorDash 

 

الدكتور

المتابعة كانت مع دكتور هشام في عيادة كورونا، اول زيارة دفعنا المبلغ كامل كاش و خدنا ايصال. 

 

في اول زيارة دكتور هشام شاف التحاليل اللي كانت معمولة في مصر و الحمد لله كانت كويسة لكن  طلب اعادة 3 hour glucose tolerance. 

 

طبعا الانتظار في العيادة كان طويل شوية و غيرنا لعيادة brockton في تاني زيارة لكن المشوار كان بعيد و مش مستاهل، كملنا باقي المتابعة في كورونا. 

 

الدكتور مريح و جدا في التعامل بيسمع كل حاجة و يرد على كل الاسئلة و في الطوارئ بيرد على الرسائل. 

 

المستشفى

المياه نزلت في الاسبوع 40 و تواصلنا مع الدكتور و طلب التوجه للمستشفى. 

 

عند الوصول تم تسجيل البيانات و تسليم ورقة التحويل من دكتور هشام، 

 

التمريض ممتاز جدا و كانوا متعاونين و بيوضحوا كل الاجراءات و تعليمات الدكتور.. 

 

الطلق كان ضعيف و الدكتور كتب ادوية لمساعدة الطلق و تجهيز الرحم قبل الطلق الصناعي و استمر العلاج اكتر من 30 ساعة و الحمد لله نبض البيبي كان كويس و بدا الطلق الصناعي لمساعدة الولادة

 

الولادة كانت في اول اليوم التاني صباحا و الحمد لله كانت من غير مضاعفات. 

سالنا على الخروج عشان باكدج 48 ساعة و اكدنا مع الدكتور هشام على ده لكن المستشفى بلغتنا انه لازم البيبي يقعد 24 ساعة بعد الولادة. قعدنا 24 ساعة زيادة و اثناء الوقت ده البيبي كان عنده الصفرة عالية و دكتور كو طلب وضعه في الحضانة لمدة 6 ساعات. بعد 6 ساعات كانت الصفرة نزلت شوية بس لسه عالية و كانوا عايزين نزود المدة و لكن بعد الاطلاع على النتائج و الاطمئنان من الدكاترة   طلبنا الخروج و كلمنا الدكتور كو عشان يكتبلنا خروج عشان كده كان هيكون اكتر من 72 ساعة. 

 

بعد الخروج روحنا زيارة متابعة مع دكتور كو كانت الصفرة اتحسنت و طلب تحليل زيادة عملنا في walgreens و اتطمنا على النتيجة بالتليفون من دكتور كو و خدنا zero bill بعدها علطول – 

 

للاسف دكتور الاطفال  دكتور كو مش واضح في كلامه و مش بيطمن خالص و سمعنا انه بعض الناس بعد الولادة تابعوا مع دكتور تاني للسبب ده. 

 

دفعنا المستشفى و خدنا zero bill و الميديكال ريكورد بسهولة و نفس الكلام بالنسبة zero bill لدكتور هشام 

 

شهادة الميلاد

الولادة كانت في نص الاسبوع لكن موظفة شهادة الميلاد كانت اجازة. تابعنا معاهم بعد الولادة بيوم و الحمد الله سلمنا الاوراق يوم الخميس. روحنا لاستلام شهادة الميلاد يوم الاثنين و كانت الشهادة طلعت من يوم الخميس..

 

الباسبور

ميعاد الباسبور كان في سان دييجو 9:00 صباحا و كنا مجهزين الورق كله و صورة البيبي كنا مصورنها في الغرفة و مطبوعة في Walmart. اثناء التقديم فكرنا موظف الجوازات باقرار الsocial security عشان عادة بتسبب تاخير. 

 

حظنا لقينا ركنة في الشارع امام مبنى الجوازات و ده سهل علينا المشي عشان للاسف الجو كان مطر و ما روحناش بعيد و انتظرنا الباسبور و الحمد لله كان جاهز الساعة 3:00 

 

رحلة العودة

حجزت تذكرة البيبي بالتليفون و كانت وتكلفتها 50 دولار و كان لينا شنطة 10 كيلو و سترولر و كار سيت. في المطار اخدنا العربية الكبيرة للشنط عشان كان معانا اكتر من 13 شنطة و اعطينا العامل 25 دولار و ساعدنا لحد الوزن. 

 

موظفين شركة الطيران حجزوا لنا كراسي الباسينت في الرحلتين و الحمد لله المشوار و الترانزيت عدوا على خير

 

 

التجربة 16- 

تجربه الولاده فى كاليفورنيا فبراير -أبريل 2023

 دكتور هشام المقدم -مستشفي بارك فيو 

 

 اولا الحمد لله والشكر لله بفضل ربنا ومساعده الاستاذ ***** تمت الامور بخير وسلامه وان شاء الله نكرر التجربه مره اخرى مع توتال كير والمهندس******

 

 السفر 

تم السفر فى الاسبوع 32 مع طيران الامارات كان السفر 

بدرى بس لو هنكرر التجربه هناخر السفر شويه

 

السكن 

تم حجز السكن عن طريق airbnb لمده شهر ونص وكان اختيار كويس جدا بس لو واحده لوحدها الافضل الاوتيل عشان انا نقلت للاوتيل قبل الولاده باسبوع وكان اختيار ممتاز وونس وصحبه وامان  والناس كلها كانت معايا خطوه بخطوه للاطمئنان عليا عشان انا كنت لوحدى

 

 الدكتور 

دكتور هشام شاطر جدا وبيهتم بالحاله اوى اوى

 

المستشفي 

تمت الولاده فى الاسبوع 39 فى مستشفى بارك فيو وكانت  بفضل الله ولاده طبيعيه ومتيسره  واجراءات المستشفى كانت سهله وكويسه وسريعه سواء كانت قبل او بعد الولاده والفريق الطبى محترم ومساعد جدا 

 

 الاجراءات 

طبعا بفضل خبره ومساعده الاستاذ زيدان تم ترتيب الاوراق قبل وبعد الولاده والحمد لله كانت اجراءات الفواتير سريعه وطلعت شهاده الميلاد بعد الولاده بيومين وتم حجز موعد الجوازات فى سانديجو وعمل تفويض الاب وتم استلام الجواز فى نفس اليوم  

 

 رحلة العودة 

 العوده على طيران الامارات تانى يوم من استلام الجواز

تمت الولاده يوم 25 مارس والعوده كانت يوم 4 ابريل

 

 التسوق 

Dd’s discount 

Ross

Walmart

Mayc’s

Target 

Buybuy baby

 

وطبعا كل حاجه موجوده على الجروب والموقع كل التفاصيل 

الرجاء لو حد مش متاكد من حاجه يسال الاول عشان انا غلطت غلطه صغيره والحمدلله ابنى تعب فرحت الطوارىء بدون ما ارجع لاى حد وده كان مكلف جدا فالافضل نسال على الجروب او الاستاذ *****لاتخاذ القرار السليم 

 

شكرا مره تانيه للجروب والموقع والاستاذ ****** ونسال الله التوفيق للجميع

 

 

التجربة 17- 

 

تجربة الولاده في كاليفورنيا – 25 فبراير -13 ابريل 2023 

دكتور هشام المقدم – مستشفى ريفرسايد 

 

هذه ثاني تجربه ليا في امريكا وطبعا اعرف موقع توتال كير، و مهندس ***** من 2018 وطبعا كالعادة ساعدني في كل شي بالتفاصيل الدقيقه.. 

ومهما اتكلمت عمل معايا اية مش هيكفي بس بجد ونعم الاخ اللي بيساعد في كل حاجة ربنا يكرمه من بعد ربنا .

 

السفر 

زوجتي سافرت لوحدها قبلي بحوالي 5 ايام وبعد كدة انا روحت مع بنتي اربع سنوات ونصف سافرت علي الخطوط السعودية ودي المرة الثالثة اللي اسافر معاهم لامريكا وفعلا من احسن خطوط الطيران اللي ممكن تسافر معاهم 

سافرت من القاهرة ترانزيت جدة وبعد كدة جدة لوس انجلوس.

 

الوصول

الجوازات كانت مش زحمة اوي يعني وقفت حوالي 10 دقايق وبعد كدة دخلت علي الاوفيسر انا وبنتي  امريكية سالني مين دي قولت له بنتي قالي الام فين قولت لة في امريكا بعد كدة سال هتقعد اد اية قولت له حوالي شهر بعدها سال علي الفلوس قولت له معايا كام وبعد كدة دخلت .

 

المواصلات

اخذت الباص اللي مكتوب فيه shuttle bus وداني على محطة التاكسي و الاوبر.. 

 

وصلت و طلبت اوبر كلفتي 134 دولار .

 

الطريق كان حوالي ساعتين على حسب اليوم و الزحمه 

 

السكن 

سكنت في فندق ايرس ، السعر كان ممتاز جدا عشرة ايام و مددت عشره تانيه وبعد ال31 يوم اخذت 3 ايام قيمة الضريبة وبعد كدة الحساب من غير ضريبة .

الفطار كويس جدا وممكن تاخذ اللي انت عاوزه معاك علي الغرفة .

والفندق الصراحة كويس جدا من حيث الونس من اول يوم وصلت فية اتعرفت علي ناس معي وفي رمضان كونا بنفطر مع بعض يعني فعلا محستش اني في امريكا اصلا ولا باي غربة 😊…وكمان تركت بنتي مع اصحاب هناك وانا بجيب زوجتي من المستشفى.

 كل حاجه موجوده فيه و مريح و الغرف كبار و المطبخ مفتوح على طول في اللوبي وبتطلب ميكرويف يجيلك علي الغرفة .

و في كل حاجه حواليه من اهمهم والمارت و مطاعم و سوبرماركت .

وفية بردة Costco جنب الاوتيل عملت عضوية ب60 دولار ولغيتها لما رجعت مصر بالتلفون. طبعا ارخص في الكميات .

 

الخط 

بشمهندس **** ساعدني في الموضوع دة و شغلت الخط من مصر قبل ما اسافر 

 

السيارة

بشمهندس **** بردة كالعادة ظبط الموضوع دة و ساعدني في تاجير عربية   بسعر كويس وانصح اي حد عاوز يأجر يتواصل معة.

 

الدكتور 

بالنسبة للمتابعة كانت كويسة والدكتور بيرد علي كل الاسئلة وبتاخد وقتك معة في كل حاجة.

  

 الولادة الاولي لزوجتي كانت قيصري و ده كان في ولاية تانيه  وكانت عاوزة المرة دية طبيعي.

 

الدكتور خيرنا و قالنا انه ده قرارنا سواء نحاول طبيعي او قيصري بما انه الولاده الاولي قيصري و فعلا ولدت طبيعي بس كان الموضوع مؤلم علشان كانت   شوية كتير.

 

طبعا مستشفي بارك فيو مش بتقبل حالات ولاده طبيعي بعد القيصري. فكان لازم مستشفي ريفرسايد. هي اللي بتقبل الحالات دي.

 

متحفظ في حاجة واحدة بس علي الدكتور انو أتأخر شوية علينا ساعة الولادة بس هو شاطر ومتعاون جدا .

المياة نزلت يوم الاربعاء الساعة 1:00 ظهرا وكلمت الدكتور و روحت علي العيادة قال لي اطلع علي مستشفى ريفرسايد حالا  وفعلا دخلنا حوالي الساعة 5:00 المغرب في الطوارئ وبعد كدة علي الساعة 9:00 روحنا غرفة الولادة

 

 زوجتي اخذت الطلق الصناعي علي الساعة 10:00 باليل وابتدت التمريض معها بدري شوية من الساعة 3:00 الفجر وحاولت تكلم الدكتور علشان يجي بس جاء الساعة 7:00 الصبح حتي الممرضة قالت انه مش عاوز يجي دلوقتي. 

 

وطبعا بشمهندس ***** كتر خيره كان معايا في كل حاجة واللي فهمتوا من الدكتور  لمًا جاء ان التمريض ما كانش يفترض يبدأ معاها بدري كدة .

 

وبعد كدة خيرنا يستعمل اله الشفط ولا يفتح قيصري علشان نبض البيبي كان بينزل بس استعمل اله الشفط بعد تاكيد منة انها مافيش ضرر علي البيبي وفتح من تحت وكانت الخياطة 12 غرزة بس الجرح الحمد لله كان كويس وحتي في اخر زيارة كشف علي الجرح والامور كانت تمام واخذت الزيرو بيل منة .

 

وحصل موقف كدة مع البيبي تاني يوم ودكتور الاطفال نصح انه تخش الحضانة علشان في تحليل الكرات الدم البيضاء كانت عالية شوية فكانوا خايفين ان ممكن يكون فية بكتريا فكدة لازم تخش الحضانة علشان يبدي يدوها مضاد حوي لحد مايعملو مزرعة تاني يوم ودكتور الحضانة كان من اصل مصري وكان متعاون جدا وكنت بروح في اي وقت اطمن علي بنتي وفعلا خرجنا انا وزوجتي من المستشفى وتاني يوم كلموني ان بنتي الحمدلله عملوا المزرعة وكل حاجة تمام وممكن تخرج فرحت اخدها بس نصيحة تفصلوا جامد اوي في موضوع الحضانة دة علشان الارقام عندهم غريبة اوي الصراحة يعني قالت اي تكلفة اليوم في الحضانة 43,000$ وعملوا تخفيض لحد 3,800 وفاصلت لحد 2,500$ بس اللي عرفتوا ان كان ممكن ادفع اقل بس الحمد لله.

 

المستشفى 

التمريض كان في الاول كويس والممرضة كانت كويسة جدا حتي سمحت ان بنتي 4 سنوات تكون معانا طول الوقت في الغرفة من اول الولادة لحد الاخر بس بعد الولادة التمريض كان عادي لو محتاج حاجة تكلمهم .

 

شهادة الميلاد

الموظفة جابت الورق في نفس يوم الولادة بس انا مكنتش موجود فعملتها تاني يوم و كان يوم الجمعة وجاءت في نفس اليوم بردة بس كان فية اخطاء فعدلت ومضيت يوم السبت علي النسخة الاخيرة .

بس شهادة الميلاد اتأخرت علشان اسم الام كان خماسي فعلموا ملحق لشهادة الميلاد ودة اللي اخرها حوالي عشر ايام علشان كدة نصيحة ماتكتبش اسم يكون طويل .

 

الفواتير 

للاسف مستشفي ريفرسايد مش بترضي تطلع فواتير تفصلية بتاخد زي جواب كدة انك دفعت كل حاجة ودة طبعا التامين مش بيعتمد الفواتير دية ودفعت فاتورة التخدير لوحدها بالتليفون بس لازم تتاكد انك هتاخد زيرو بيل منهم و بتتبعت لك علي الايميل وقدمت علي الميديكال ريكورد وجالي بردة علي الايميل.

 

الجوازات 

صورت البيبي بالموبايل لازم عيونها تكون مفتوحه و ماتحطوش حاجه فوق راسها وطبعت الصور في ولجرين .

 

روحنا سان دييغو مدينه جميله جدا وصلت في الموعد ودخلت قدمت كل الورق وكنت مقدم تجديد بردة لبنتي الاولي وبعد كدة روحت علي الساعة 3:00 اخذت الجوازات الحمد لله وطبعا كان الباشمهندس محمد معايا في كل حاجة كالعادة .

 

التسوق

 

‏Dd discount 

‏Ross

‏TJ max

‏Walmart 

‏Target

‏Marshall’s 

‏Buybuy baby

‏Costco 

‏Citadel outlet 

ودة كان احسن واحد الصراحة )

‏Desert hills outlet 

‏Ontario mills .

 

 رحلة العودة 

 كانت علي الخطوط السعودية وكنت حجزت تذكرة البيبي علي التليفون ب 100$ وكانت رحلة كويسة الحمد لله والخطوط السعودية كويسين جدا واخذنا باسنت البيبي ونزلنا ترانزيت ساعتين جدة عدوا هوة وبعد كدة مصر .

نصيحة تروحوا مطار لوس انجلوس بدري يعني مش اقل من اربع ساعات .

 

 

التجربة 18- 

تجربتي  الولاده في كاليفورنيا ديسمبر 2022-ابريل 2023

 دكتور هشام المقدم – مستشفي بارك فيو

 

طبعا شهادتنا للبشمهندس عمرها ما توفيه حقه  ربنا يكرمه و يسهله كل حاجه زي ما سهل علينا كل الرحله دي و يجعل كل سعيه في الخير دا في ميزان حسناته

 

 السفر 

انا سافرت 19 ديسمبر في الشهر السابع وطبعا ده لان كان اول حمل ليا و كان عند تخوفات كتير خصوصا ان كان عندي سكر الحمل مرتفع و ده بيكون اساسي ان ممكن اولد بدري برغم نصايح البشمهندس ان خليكي شهر فبراير افضل و يارتني سمعت الكلام 😅

 

بس الحمدلله علي كل شئ ، بس طبعا لو كررت التجربه ان شاء الله هسافر متأخر لو ينفع و مش هسافر لوحدي

 

 السفر 

انا سافرت في الاسبوع 28 و علي طيران لوفتهانزا بيزنيس بصراحه الرحله كانت جميلة و الستاف متعاون جدا و المقاعد كانت سراير و كان معايا تقرير حمل بس مسالونيش اي حاجة

 

 الوصول 

 الجوازات ماكانتش زحمه 

الاوفيسر سالني جايه ليه   و

 و سالني قاعده قد اي و معاكي كام كاش فقط  و ختملي 6 شهور الحمد لله و بعدها رحت استلمت الشنط و طلعت علي طول 

 

 السكن 

انا تقريبا سكنت في فنادق انهايم كلها اسبوعين في كل فندق.. فراغ بقي .. فكنت بغير ، لغاية ما استقريت في كورنا في شهر فبراير حجزت شهرين في فندق 

 Home2 suites by Hilton corona

 

الفندق اكتر من رائع و الخدمة ممتازه الغرف كبيرة جدا سريرين كبار و سوفا بتبقي سرير و مطبخ و ادواته

 

 الاكل 

بالنسبه للاكل انا كنت بطبخ بنفسي لاني ما باكلش من برة و خصوصا مع الحمل ما كنتش متقبله حاجه و ساعدني في ده ان كل الفنادق اللي حجزتها كان فيها مطبخ 

 

 الدكتور 

دكتور هشام بصراحه بالنسبالي فوق الممتاز و مريح وبيتفهم كل الظروف انا روحت اول زياره تاني يوم بعد ماوصلت و دفعت و خدت ايصال و بقي زيارتي كل اسبوعين لغاية ما دخلت التاسع بقي الزيارة كل اسبوع

لغاية اخر زيارة كانت يوم الاربع كانت مجرد زيارة في الاسبوع الاربعين 🤷🏼‍♀️ الدكتور قالي المياه نقصت و الرحم فتح اطلعي علي المستشفى دلوقتي مشيت من عنده و كنت مجهزة شنطة للمستشفى و كانت قبلها باسبوعين اختي وصلت 

 

 المستشفي 

روحنا المستشفى و هما كان عندهم علم و جهزوني لكل حاجة و اخدت حقنه طلق صناعي لغاية ما جاء الدكتور الساعة 12 بليل يطمن قالي جهزي نفسك لان احتمال تبقي قيصري بسبب نبض البييي بيقل و ضغطك بيوطي و ده هنقرره الصبح 

 

دكتور التخدير جاء اداني حقنه الابيديورال طبعا انا عاملة عميلة في ضهري فاول حقنه مانفعتش قالي هيجرب تاني لو مانفعش هنشوف ممكن نعمل ايه ، ادهاني في فقره فرق القطنيه اللي هو فوق العملية شوية و قالي هننتظر نشوف النتيجة و الحمدلله عملت مفعول

لغاية 12 الضهر و انا عندي طلق و الرحم بفتح بس كل طلق نبض البيبي بيقل لغاية ما بلغو دكتور هشام و جاء شاف الوضع لقي المياه خلصت حوالين البيبي حطولي مياه تاني و قالي ساعة و هندخل قيصري .

 

 الحمدلله دخلت العميلة و ولدت الساعة 1:15 الضهر و البيبي كان الحبل السري لافف حواليه كله مش رقبته بس 

الف حمد و شكر ليك يا رب 

رزقت ب علّي 

 

التمريض فوق الممتاز خلال ال 3 أيام و شطار جدا 

دكتور هشام كان بيجي كل يوم يطمن عليا و الجرح 

 

 شهادة الميلاد 

مليت ابلكيشن شهادة الميلاد و بما انا  ولدت الخميس و موظفة شهادة الميلاد كانت اجازة فاديت الابلكيشن للتمريض اتصلت علي الرقم اللي علي الفورم سيت لها بريد صوتي بتاريخ الميلاد و اسم الام و رقم تليفوني عشان تديني موعد لمراجعة الشهادة و فعلا التمريض اعطى الابليكيشن لموظفة شهادة الميلاد . الموظفه كلمتني و ادتني موعد يوم الثلاثاء

 

ما استخدمتش و لا اي حاجة من الشنطة اللي كنت مجهزاها المستشفى كانو مديينا كل حاجة 

غيار خروج المستشفي للبيبي فقط اللي استخدمته 

 

سرير المرافق ما كانش كويس و ما كانش مريح للنوم

 

اخر يوم كتبلي الدكتور علي خروج الساعة 5:00 المغرب خرجت و ادوني discharge ليا و للبيبي و كتبلي ادوية مسكنات و جبناها 

 

 الفواتير 

روحت الاتنين دفعت الفواتير و قالتلي الاربعاء تستلمي الاوراق 

و روحت medical records و قدمت و اتاكدت ان الموظفه وصلها الورقة حاولت اخلصها نفس اليوم مانفعش فاستنيت ميعادي الثلاثاء و روحت و اتاكدت انها دخلت  

 

طبعا كل الاجراءات و السرعة اللي استلمت بيها كل اوراقي خصوصا ان كان كل حاجة لازم اروح بنفسي اعملها و اني حاجزة الجوازات الجمعة و الطيران الاتنين يعني كل حاجة لازم تخلص في الميعاد و مش هينفع تأخير اي حاجة ماكنتش هتم الا بمساعدة باشمهندس زيدان لك جزيل الشكر و الاحترام 

 

انا روحت تاني يوم الاربعاء سألت علي شهادة الميلاد كانت طلعت الحمدلله 

 

خلصت كل اوراقي كدة 

اخر زيادة الدكتور هشام ادوني الزيرو بيل 

 

 الباسبور 

 الجمعة كان ميعادي الجوازات و كان في سان ديجو و المفروض اخلص و اروح لوس انجلوس لان كنت حاجزه فندق هناك.

 

قدمت علي الباسبور و كان معايا تفويض الاب اونلاين و ما سألونيش علي اي حاجة فيه و اخدو الورق و طلع الساعة 3:00 العصر نفس اليوم الحمدلله 

 

انا جوزي تاني يوم الولاده قدم علي التفويض بمساعدة الباشمهندس في الاجراءات و حجز ميعاد التفويض تاني يوم علي طول و اتبعتله بعدها علي طول بنفس اليوم علي الايميل و بعتهولي طبعته هو ده اللي روحت بيه الجوازات 

 

العودة 

تذكره البيبي زودتها كانت ب 16,000 مصري  

 

 خط الموبايل 

جبت خط تليفون  و برضو كانت من ترشيح بشمهندس زيدان و عملي جدا جدا لانه كان عليه عرض استخدمته للمده كلها

 

رحلة العودة

كانت مريحة و سهلة و إجراءات المطار سهلة بس المطار كبير جدا في الترانزيت ( فرانكفورت) و احنا كان عندنا وقت يسمح فكله كان تمام الحمدلله

 

الوزن لشنطة البيبي 23 كيلو و شنطة dippers و سترولر و كار سيت 

و الباسنيت كانه حاطينه في الطيارة مكنش في اي مشاكل 

و كمان الكارسيت وصلت بيه لباب الطيارة و اخدوه مني و طلبت اني استلمه في الترانزيت فاول ما نزلت فرانكفورت لقيته موجود و فادني جدا خصوصا ان المطار كان كبير جدا ساعة مشي للجيت التانية اللي هركب منها اخر طيارة

 

 

التجربة 19- 

تجربة الولاده في كاليفورنيا – 5 ابريل-23 ابريل 2023 

دكتور هشام المقدم – مستشفى بارك فيو 

 

هذه اول ولاده ليه في امريكا و كنت خايفه جدا و ما أعرفش حاجه، ولا أبدا منين، بتوفيق من ربنا لقيت موقع توتال كير، و من اول يوم الباش مهندس جاوبني على كل الاسئلة اللي كانت عندي و سهلي كل حاجه. و ساعدني في كل شي بالتفاصيل الدقيقه.. 

الله يكرمه و يسهل له اموره زي ما سهل امورنا يا رب من بعد لله لو مش هو صراحه ماكنتش عرفت اعمل حاجه في امريكا خصوصا انه  دي اول مره 

 

السفر 

سافرت لوحدي في الاسبوع 36 بالظبط كنت 35 و ثلاث ايام على الطيران الاماراتي من دبي و الرحله كانت كويسه، طلبو مني في المطار بس التقرير الطبي اللي دكتورتي عملته اي صيغه عادي اهم حاجه يكون مكتوب فيه بالتفاصيل كم اسبوع و سألوني عن اللقاح قلت معايا و ماطلبوش يشوفوه اصلا كان بس سؤال 

 

الوصول 

سالوني ليش جايه و سالوني خمس دقايق عن سبب الزياره و كانوا عاوزين يتاكدوا انه معايا المبلغ اللي هدفع  بيه التكاليف و دخلت على حسابي في البنك وريته اللي معايه و وريته كمان كاش و حجوزات الفندق و قالي خلاص تمام و مشيت 

و جوزي جاي تاني يوم بعدي و سالوه برده تحقيق قالهم اسمي و كل حاجه و انه جاي عشان ولادتي و ما سالوه لا عن الفندق ولا الفلوس و خلوه يمشي 

 

المواصلات

اخذت الباص اللي مكتوب فيه shuttle bus وداني على محطة التاكسي و الاوبر.. ماتنزلوش لغايه ما الكل ينزل لانه بيوقف كذا محطه بياخذ ناس 

وصلت و طلبت اوبر كلفتي 175 دولار لاني طلبت XL Uber عشان كان معايا شنط كبيره 

 

الطريق كان حوالي ساعه و نص على حسب اليوم و الزحمه 

 

السكن 

سكنت في فندق ايرس ، السعر كان ممتاز جدا عشرة ايام و مددت عشره تانيه.

 كل حاجه موجوده فيه و مريح و الغرف كبار و المطبخ مفتوح على طول في اللوبي في ميكرويف و كل حاجه انتي عاوزاها تقريبا لو عاوزه تطبخي حاجه 

و في كل حاجه حواليه من اهمهم والمارت و مطاعم و صالونات و سوبر ماركت 

 

الاكل 

كنت اطلب من أوبر ايتس Uber eats 

على طول يوصلو لحد باب الغرفه 

 

الدكتور 

من احسن و ارقى واشطر الدكاتره اللي تعاملت وياهم دكتور جدا ممتاز رحت عنده ثاني يوم العياده و تابعت معاه تقريبا مرتين و كان من نصيبي اني اولد في الاسبوع 37 

 

جاني الم في الليل و هذه ثاني ولاده ليا قيصري و عملت عمليه بنج في الظهر و كانت عمليه ناجحه و سهله و سريعه و بعد العمليه تابعو معايا الممرضات على طول كل شوي يدخلو يطمنو علي و يفحصوني و يفحصو البيبي و كل يوم الدكتور هشام يجي يطمن و كل ما يكون عندي سوال يتعلق بصحتي اتواصل معاه على طول يرد و يطمني 

 

المستشفى 

التمريض ممتاز ولدت يوم الاربعاء و موظفه شهاده الميلاد كانت اجازه مرضيه يومين و بعديها جاءت الويكند 

اتصلنا قبليها حجزنا موعد معاعا ليوم الثلاث  لتوقيع ورق شهادة الميلاد

 

و رحنا يوم الثلاث و اخذت البيانات و عبينا الورق و بعدها بثلاث ايام بالظبط الجمعه الصبح كانت الشهاده طلعت و اخذنا موعد في الجوازات 

 

الفواتير 

طلعتمن المستشفي يوم السبت و أخذت وصفه الادويه، و و مادفعناش للمستشفى لانهم كانوا  مسكرين رحنا يوم الاثنين الصبح دفعنا بالبطاقه استلمنا الزيرو بيل بعدها بيوم 

 

الجوازات

طبعنا الصور قريب من الفندق 

صورت بالموبايل لازم عيونها تكون مفتوحه و ماتحطوش حاجه فوق راسها طبعنا الصور 

 

رحنا سان دييغو مدينه جميله جدا وصلنا متاخرين ساعه كانوا كويسين معانا و خلونا ندخل و قدمنا الورق طبعا كل اللي انا كتبت ده كان خطوه بخطوه مع البشمهندس زيدان يورينا اول باول نعمل ايه و نروح فين مليون سوال يجاوبني عليه 

كل حاجه كانت سهله و بسيطه 

عطيناهم التيكيت و الورق و الصور و شهاده الميلاد و الجوازات و قالو لنا ارجعو الساعه 3:00 العصر 

و أخذنا الجواز الحمد لله 

 

 رحلة العودة 

 بعد استلام الباسبور قررنا نروح سان دييجو  داون تاون و تفسحنا شوي و حجزنا العوده مع الطيران الاماراتي حجزنا العوده بعدها بثلاث ايام ..

وصلنا المطار في دبي ختموا الجواز من غير فيزا و كان كل شي سهل

 

 

التجربة 20- 

تجربه الولاده في كاليفورينا من 31 مارس ل 12 مايو 2023

دكتور هشام المقدم-مستشفي بارك فيو 

 

شكر خاص للمهندس  *****اللي حقيقي ساعدنا في خطوات كتير وكان دايما معانا في كل مرحله وهو اللي بيسال وكان دايما موجود يرد على كل الاسئله وسهلنا حاجات كتير اوي

 

السفر

السفر كان في الاسبوع 35 و 3 ايام (الاسبوع ال 36)

على الاماراتية من مطار دبي ل لوس أنجلوس مباشره (مقيمين في الامارات)

 وطيران الامارات في حاله الحمل بطفل واحد وحمل مستقر بياخدوا شهاده سفر من الدكتور لغايه اخر الاسبوع ٣٧ وملهاش فورم معين وكنت مجهزاها مع دكتوري وماضياها قبلها بيومين ومحدش سالني عليها على الكاونتر  

 

كنا حاجزين بيزنيس فالرحله كانت مريحه ولازم اتحرك كل ساعتين واشرب مايه وكنت لابسه شراب ضاغط 

 

الوصول

وصلت مطار لوس انجلوس والطابور كان طويل بس بيمشي لحد ما بسرعه وقفت تقريبا ساعه وشويه ووصلت للضابط سألني:

 

– جيتي امريكا قبل كده 

– معاكي كاش كام  والحقيقه الكاش كان ازيد من المسموح فحولني تحقيق ،دخلت اوضه في شبابيك ضباط وندهوا عليا وسالتني جايه ليه وشرحتلها وقاعده فين قولتلها على الفندق ورريتها الحجز وسالتني جايه لوحدك ليه (جوزي كان جاي بعدي) فقولتلها انه هيحصلني ووريتها تذاكرنا وسالتني هولد مع مين واذا كنت اعرف تكاليف المستشفى فوريتها ايميلاتي مع دكتور هشام والموعد وباكيدج المستشفى وطلبت تشوف الكاش وبعدين ختمتلي واخدتني على اوفيسر تاني علشان امضي على ورقه الافصاح في اثناء كل ده سير الشنط كان قفل فجابولي شنطي عند مكتب الافصاح

اخدت حاجتي وركبت الشاتل ونزلت موقف اوبر وليفت وكان الجو بيمطر فطلبت اوبر (الدفع بالكارد اللي هتدخله في الابليكيشن) وركبت وروحت للفندق

 

الاقامه

في فندق أيرس

الغرف لحد ما كويسه ، الشبابيك ما بتفتحش

فيها مكواه وكوفي ماشين وسيشوار بس مفيهاش كاتل ممكن تشتريه من والمارت

المايكرويف في المطبخ بتاع الفندق 

الفطار مش متنوع قوي وهو نفسه كل يوم بس في حاجات معلبه تنفع تتاخد للاوض 

الفطار بيبدا من 6:30 ل 9:30 في الايام العاديه (بس هم بيشيلوا الاكل من 9:00)

ومن 7:30 ل 10:30 في الويك اند (وبرضه بيشيلوا الاكل 10:00)

والتنضيف كل 5 ايام وبيقفلوا مفتاح الاوضه نفس يوم السفر قبل الساعه ١٢ بس روحنا وخليناهم يشغلوه علما باننا كنا ماشيين من الفندق 11:30 (قبل ميعاد chech out) 

الاوضه فيها مكيف ودفايه و usb في الاباجورات

الفندق جنبه شويه محلات زي tjmax – ross – costco – walmart – vons 

ومطاعم زي ماكدونالدز ومطعم هندي ومطاعم مختلفه وفي مطعم لشباب فلسطينيين لفراخ مقليه طعمها حلو واكلهم كله حلو 

 

 الدكتور

تواصلنا مع دكتور هشام  قبل السفر وبعتله كل التحاليل وكل ورقي وتم تحديد المواعيد

سالته اعيد تحاليلي قبل السفر قالي لا (تحاليلي كانت معموله في الاسبوع 29)

 

اول زياره تم دفع المبلغ كاش وتشييك عالفحوصات اللي معانا 

 

الدكتور محترم جداً 

  وعمل التراساوند اتطمن على البيبي واللي كانت راسها فوق فقالي هنتابع كل اسبوع الوضع

وادوني ميعاد علشان اعمل الالتراساوند التفصيلي مع التيكنيشن وفضلنا كل اسبوع نعمل زياره والبيبي على نفس الوضع والدكتور قالي على الاسبوع 39نشوف الخيارات اللي عندنا وكان باباها جاي في نفس الوقت فقولنا نشوف

وفعلا على الاسبوع ال 39 دكتور هشام كان بيفكر يقلبها من برا بس مع الاسف مساحه البطن وكميه المايه كانت لاتسمح فقالنا يا ننتظر للاسبوع 42 عادي ونراقب كل اسبوع او نعمل قيصري وكانت احتماليه انها تقلب قليله جدا تظرا لان المايه ومساحه البطن لاتسمح فقررنا نعمل قيصري وعياده دكتور هشام تواصلت مع المستشفى في نفس الوقت وضبطوا اليوم والتوقيت وادوني ورقه بالتعليمات 

 

المستشفي

المستشفى كويسه و  التمريض كويس

بيساعدوا في البيبي لما بنطلب وبيتطمنوا على الام والبيبي كل ساعتين وبيدوا كل المسكنات 

اول ما خرجت من العمليات طلبت اوضه وقالولي زحمه قولتلهم هقعد في الافاقه لغايه ما تفضى اوضه 

 

 الاوراق 

الولاده كانت يوم جمعه وموظفه شهاده الميلاد اجازه جمعه وسبت وكان ميعاد خروجنا الاحد 

ملينا فورم شهاده الميلاد اللي في الموقع قبل ما نروح المستشفى ويوم الاحد الصبح فضلنا نسال عن الموظفه لغايه ما جاتلنا اخدت الورق ورجعتلنا بالنسخه النهائيه راجعناها وقالتلنا ان كده خلاص هتقدمها  

يوم الاتنين قدمنا فورم (على الموقع) للتقارير الطبيه للام والبيبي وطلعت بعد 3 ايام وروحنا بعدها دفعنا مصاريف المستشفى وطلبنا الزيرو بيل وجهزت بعدها ب 3 ايام عمل

بعدها روحنا لدكتوره الاطفال كذا مره وكل مره بنطلب الزيرو بيل وبتجهز بعد 3 ايام

وفي النص روحنا طواريء مره واخدنا زيرو بيل المستشفى للطواريء بس لسه زيرو بيل دكتور الطواريء

وبرضه كان عندنا موعد مع دكتور هشام يشوف الجرح وبسبب انتفاخ الرجل والم شديد فيهم حولنا على طواريء كورونا علشان يتطمنوا من خلو الجلطات وبعدها حصل نزيف وكان معانا لغايه ما الحمد لله الدنيا رجعت طبيعيه

 

شهاده الميلاد

 طلعت يوم الاتنين (نظريا كانت جاهزه الجمعه بس الكهرباء كانت قاطعه فالموظفين مشيوا 😃) وفي نفس اليوم كان عندنا ميعاد الجوازات في سان دييجو فطلعنا من كاونتي للجوازات علطول واستلمنا الباسبور في نفس اليوم الحمد لله

 

رحلة العوده

على الاماراتية يوم الجمعة مريحة و دايركت 

 

المواصلات

لازم ايجار سياره بدون عربيه مش هتعرف تتحرك مفيش اوتوبيسات او مترو او اي وسيله مواصلات غير العربيه

 

التسوق

 في اونتاريو ميلز اوتلت مول وديزيرت هيلز اوتلت مول 

 

السياحه

 يونيفرسال استوديو حلوه اوي وديزني تجنن وشارع المشاهير في لوس انجلوس ومدينه سان دييجو

 

حقيقي شكرا للمهندس ***** وربنا يجزيه عن كل مساعداته كل الخير

 

 

التجربة 21- 

تجربة الولاده في كاليفورنيا ابريل- مايو -2023

دكتور هشام المقدم – مستشفى بارك فيو 

 

السفر 

سافرنا علي الاسبوع 35 علي خطوط الاماراتيه من دبي.  

الحمدللله الصراحه موظفين الاماراتيه محترمين والمضفين كانوا مهتمين عشان زوجتي حامل.

 

الوصول 

طابور الجوزات كان طويل ولما وصل دورنا الاوفيسر سأل ليش جاين قولت له سياحه و medical care سالني ايه نوع من medical care قلت ولاده سالني علي المراسلات مع الدكتور والمستشفي وريته عرض اسعار المستشفي اللي الدكتور كانه باعته.

شاف الفلوس اللي معي وحجز الفندق والتذاكر

 

المواصلات

اخذت الباص اللي مكتوب فيه shuttlel وصلت و طلبت أوبر.

 

السكن 

سكنت في فندق ايريس كان اختيار حلو ومكانو حلو .

والموظفين مناح وبيساعدوا لو احتجت أي شي وأحلى شي بالفندق الناس إلي بتكون معك والجمعه والمعرفة الحلوه والله.

 

الاكل 

بنطلب Uber Eats,  doordash 

وفي محلات سوبر ماركت حلال قريب كنه نجيب منهم

 

الدكتور 

الدكتور هشام ممتاز مريح نفسيا وشاطر ، كان في سكر الحمل دخلت زوجتي ولاده الاسبوع 39 بالاول طبيعي بس تعبت وقت الولادة ونبض الجنين نزل فاتحولت الولادة لقيصري وبعد الولادة الطفل كان تعبان فدخل الطفل الحضانة والحمدلله صار افضل.

 

المستشفى 

التمريض كان ممتاز واهتمام فترة تجهيز للولادة ولوقت الولادة   

انتقلنا لغرفه بعد الولاده كان فيها تمريض شيفت اليل احسن من شيفت النهار

 

 شهادة الميلاد 

نفس يوم الولاده طلبت من التمريض فورم الميلاد وجهزتو لما اجت المسئوله عن شهاده ميلاد بثاني يوم واعطيتها الفورم ورجعتلي وشيكت معها على البيانات. 

 

الفواتير 

 بعد طلعت من المستشفي روحت دفعت و اخدت ورق زيرو بيل وميديكال ريكورد 

 

الجوازات

صورت الطفل بالموبايل وطبعنا الصور 

اخدنا موعد في سان ديجو الطريق كان زحمه وقدمت التيكيت و الورق و الصور و شهاده الميلاد و الجوازات و قالو لنا ارجعو الساعه 3:00 العصر 

و أخذنا الجواز الحمد لله 

 

بحب اشكر المهندس ***** لانه جد والله ساعدني كتير وكان بتابع معي بكل خطوه وبطمن علينا بكل شي ، واي وقت كان بيرد على الاسئله ولو في اي مشكله بيساعد وبيحل المشكله الله يعطيه ألف عافيه يااااارب .

 

التجربة 22-

تجربتي في كاليفورنيا 20 ابريل – 18 يونية 2023

 د أمين فواز –مستشفي أنهايم ريجونال 

 

بداية حابب اشكر المهندس **** ، لما يتأخر علينا في أي رد ، لم يتأخر في أي مساعدة ، توجيهاته ونصايحه كلها كانت هيا الصح ، كتير اتزنقنا والحل كان بيكون عنده بأمر ربنا طبعاً.

 

 السفر

 الرحله الى كاليفورنيا كانت من مصر الي لوس على التركية ترانزيت تركية، عملت تقرير عادي لعدد اسابيع الحمل ومحدش سألني عليه. 

 

الوصول

دخلنا علي الاوفيسر في مطار لوس انجلوس ، الدخول كان عادي مفهوش مشاكل بص على حجز السكن وتذاكر طيران العودة وسأل عن سبب الزيارة ، والفلوس الكاش اد اية الموجودة معانا.

 

المواصلات

طلبت أوبر عن وصلنا من المطار لحد الفندق بحوالي 131 دولار.

 

السكن 

كنا حاجزين سكن قريب من المستشفي وعيادة الدكتور كان بالعربية حوالي 7 دقايق بتكلفة 11 دولار بأوبر.

 

 الدكتور 

دكتور امين فواز من الوهلة الاولى يبان انه كبير وايدة بتترعش بس الراجل دة راجل عظيم فاهم شغله كويس جداً ، كان عندي مشاكل قبل الولادة عالجها كلها بفضل الله ووقت الولادة ظهر كأنه السوبر مان اللي خلص كل حاجة في وقتها.

الممرضات والمساعدين كانوا في غايه الروعة مركزين جداً ومجتهدين والضحكة مش بتفارق وشهم.

 دكتور التخدير كان شاطر جداً برده وكان عارف بيعمل ايه كويس.

بعد الولاده بخمس ايام تقريباً استلمت كل الفواتير من المستشفي .   

 

بعد ما وصلت مصر السفر لقيت فواتير بحوالي 900دولار اتبعتت علي مكان السكن اللي كنت قاعدة فية ليا مطلوب دفعها اون لين مبلغ كبير جداً طبعا ً وبعد محاولات معاهم قدرت أوصل لخصم 25% فقط .

 

 شهادة الميلاد 

تمت الولاده الحمد لله على خير و ملينا فورم شهاده الميلاد و كل حاجه و قدمنا على السوشيال مع شهادة الميلاد و اخدنا جواب من المستشفى اننا قدمنا. 

 

 بعد 4 ايام عمل روحنا نستلم الشهادة من Santa ana بتكلفة تقريبا 32 دولار للشهادة الواحدة جبنا 4 شهادات

 

الباسبور

حجزنا موعد في سان دييجو . اخدنا اوبر اتكلف حوالي 130 للجهة الواحدة واستلمنا الجواز في نفس اليوم.

 

الفسح

-اتفسحنا في لوس انجلس ورحنا :

‏Hollywood sign

‏Beverly hills

 

-واتفسحنا برده في San Diego ورحنا بالترتيب:

‏

‏1-Ski beach, ودا كان بحيرة قدامها جنينة كبيرة اوي والمنظر كان حلو اوي ومريح وفي شوية لعب كدا للاطفال

2- Coronado Ferry Terminal ودي ferry بتودي لجزيرة coronado كانت لذيذة بتتحرك كل ساعة لهناك وبتنزل بيبقي في مطاعم علي البحيرة وبترجع كل ساعة ونص من المعاد اللي حجزته دي 

التسوق

 كان كله من

‏ Target قريب جدا من مكان السكن 

Citadel outlet 

وبالنسبة للاكل كنا بنجيب من subway.

 

 رحلة العوده 

رجعنا علي التركية برده من لوس انجلس لمصر وحجزت التيكت من علي الكوانتر للطفل اخدنا الكار سيت والاسترولور علي باب الطيارة قبل الدخول اخدوهم مننا  واخدناها في الترانزيت بس في مصر اخدناها مع الشنط من علي السير. 

 

 الطفل مسموح له 

▪بشنطه 23 كيلو

▪شنطة كاري اون

▪شنطة دايبر 

▪استرولر و كار سيت

 

التجربة 23- 

تجربة الولادة فى كاليفورنيا من  12 مايو إلى 8 يوليو 2023

 دكتور هشام المقدم-مستشفي بارك فيو 

 

قبل ما أبدأ أتكلم عن التجربة نفسها لازم أشكر مهندس ***** على تعبه معانا كلنا ومتابعته لكل تفاصيل من أول التجربة لحد عودتنا بالسلامة بالمولود.

 

وحابب كمان أوضح إن التجربة دى مناسبة جدا لو فى حد عمره ماسافر أمريكا ومالوش أى معارف أو قرايب هناك يقدر يعتمد على نصايح وتجارب موقع توتال كير وكمان ياخد رأى مهندس *** فى كل تفاصيل سواء خاصة بالمستشفى او الاجراءات أو حتى تفاصيل الرحلة نفسها من أماكن تسوق وترفيه  وأى حاجة تخطر فى بالكم مش بيتأخر أبدا وبيقوم بجهد كبير أوى عشان يضمن إن كل أموركم تبقى تمام.

 

 اختيار الولاية 

قررنا الولادة فى كاليفورنيا مع دكتور هشام المقدم 

بعتنا إيميل يوم 1 أبريل لدكتور هشام طلبت منه حجز أول موعد متابعة مابين 13 و 16 مايو  وردوا علينا بعد يومين من الإيميل وحددوا موعد 15مايو.

 

 السفر 

سافرنا يوم 12 مايو إلى لوس أنجلوس على الخطوط القطرية من السعودية ترانزيت الدوحة 

قبل السفر بعتنا تقرير طبى بتاعهم على الايميل لكن ما ردوش وفضلنا نكلم كل أرقامهم ونبعت تذكير على إيميلهم وفضلنا على أعصابنا لحد قبل السفر ب 4 ساعات وأخيرا بعتولنا إيميل تأكيد السفر وسافرنا يوم 12 

 

الرحلة من السعودية للدوحة مش مريحة شوية القطرية بتختار أقل طياراتها وبتكون معاملة فيها مش أحسن حاجة لكن فى رحلة لوس أنجلوس كانت كويسة جدا والمضيفة كانت بتسأل على زوجتى كل شوية لكن تقضية واجب لدرجة طلبنا مياه زيادة ولا جابولنا حاجة.

 

 السكن 

الإقامة كانت فى فندق Ayres Corona East الفندق هادى وجميل جدا وقريب دقايق بسيطة من Walmart و Costco و Tj max ومعظم أماكن التسوق اللى هتحتاجوها 

 

مناسب جدا لو الأم هتكون مقيمة لوحدها بدون الأب 

الفطار بس مش كويس أوى لانه مافيش أى تنوع وفعلا بعد فترة هتحتاجوا تفطروا من برة الفندق

 

التنقلات

 أجرت عربية بمساعدة مهندس زيدان سهلت كتير جدا علينا تتقلات وبتوفر وقت وجهد وكمان فلوس 

 

الدكتور

دفع الدكتور كان كاش ومعظم إحتياجاتكم بعد كده بالفيزا حتى المستشفى بندفع بالفيزا عادى 

 

 المستشفي 

الولادة كانت طبيعى ودكتور هشام فى آخر زيارة قبل الولادة يوم 19 يونيو حدد موعد زيارة تانيه للمتابعه يوم 21 فى العيادة جنب مستشفي بارك فيو لكن أعراض الولادة بدأت قبل الميعاد ودخلنا المستشفى على طول 8:30 صباحا 

دكتور هشام جالنا فى المستشفى  نفس اليوم الساعة 6 مساء وإطمن على الحالة وبصراحة دكتور هشام محترم جدا وهادئ وخبرة كبيرة بتكون مطمئن تماما إن معاك طبيب قادر يتعامل مع أى حالة مهما كانت صعبة وكمان عنده فريق التمريض بصراحة على أعلى مستوى وكانوا مهتمين جدا وخصوصا إنها أول ولادة سابونا ناخد وقتنا تماما والولادة تمت الساعة 5:30 مساء الحمد لله و بعدها بساعة نقلونا الغرفة مع البيبى 

 

 دكتور الاطفال 

دكتور الاطفال دكتور Sesum شاف البيبي في المستشفي.

خرجنا تالت يوم كان 23 يونيو 

 

زيارة المتابعه لدكتور الأطفال Kwasman  كانت بعد الولادة ب 4 أيام بناخد منه فواتير zero balance فى عيادته   وزيارة دكتور هشام بعد الولادة كانت يوم 5 يوليو إستلمنا فيها فواتير zero balance وإستلمت فواتير المستشفى يوم 27 يونيو بعد الولادة ب 5 أيام عشان كان فيه اجازه عيد الاستقلال.

 

 شهادة الميلاد 

إجراءات شهادة الميلاد بدأت يوم التلات 27 يونيو لأن الولادة كانت يوم الخميس 22 يونيو مساء وبالتالى الخروج من المستشفى كان يوم 23 الجمعة وموظفة شهادات الميلاد نهاية عملها الخميس 5 مساء وبتشتغل بداية من يوم الاحد 

 

إستلمت الشهادة يوم 7 يوليو بعد 6 أيام عمل لأن كان داخل فى وسطهم أجازة يوم الإستقلال 

إستلمت شهادة الميلاد فى نفس يوم موعد الجوازات سان دييجو 

 

طلعت من الكاونتى على معادنا فى الجوازات وإستلمت الجواز فى نفس اليوم لأن رحلتنا كانت تانى يوم 8 يوليو

 

 رحلة العودة 

على الخطوط السعودية كانت ممتازة وما ندمتش إنى عملت إسترداد رحلة العودة على القطرية وغيرت الحجز للخطوط السعودية وحجزت للبيبى معانا Bassinet والمضيفين كانت معاملتهم رائعة وكانوا مهتمين بالبيبى جدا لدرجة كان فى مضيفة من الطاقم كل ساعة تيجى تبص على البيبى وتغير وضع البيبى بنفسها وكانت كل شوية تيجى تحط بطانيات جنب راس البيبى عشان تظبط وضعها فى bassinet وكانوا متعاونين ومهتمين جدا 

 

 التسوق 

أنصح جدا بعمل عضوية Costco هتنفعكم فى التسوق وبنزين العربية 

 

 Walmart

 هتلاقوا كل حاجة انتوا محتاجينها فيه من أكل وشرب و صيدلية وهتطبعوا صور البيبى هناك 

 

Vons  

ماركت وجواه صيدلية قريب جدا من walmart ومن الفندق 

 

Marshals – Burlington – Ross less dress – Macy’s- Ontario mills

أماكن تسوق ممتازة 

 

وفى النهاية حابب أشكر مهندس ***** جدا لأنه فعلا تعب معانا كلنا وبيتابع كل تفاصيل يوم بيوم وما بيتأخرش أبدا فى أى حاجة تخص الإجراءات أو حتى اماكن الخروج والترفيه بجد ربنا يكرمه لأنه دايما بينصحنا بأفضل حاجة.

 

وبالتوفيق للجميع

 

التجربة 24- 

تجربة الولادة فى كاليفورنيا من  24 يوليو  إلى 7 سبتمبر 2023

 دكتور هشام المقدم-مستشفي ريفرسايد 

 

قبل كل حاجة حابب اشكر مهندس **** بطل الرحلة كلها بلا منازع كان الاخ و الصديق و مش بيتاخر على حد حتى لو عايز تتفسح ، لازم تكلموه فى ابسط الاشياء و هتلاقوا اجابة 

 

 اختيار الولاية 

اختيار كالفورنيا كان بناءا على تجارب الاخرين و شكرهم فى المنطقة و الجو المعتدل و الطيران و المناسب و اهم من دا كله الدكتور 

 

 الطيران 

السفر كان فى الاسبوع 35 من القاهرة على الخطوط السعودية و كان اختيار فى محله و فعلا معاملة كويسة جدا من طقم الضيافة و سهولة فى الاجراءات و كمان ممكن تاكل البيك فى مطار جدة بس نصيحة لازم تطلب كرسى بعجل علشان المطار كبير اوى و هتتعب من المشى طبعا للزوجة .

 

وصلنا مطار Lax و الدنيا الحمد لله ميسرة جدا بس طابور طويل شوية بس الحمد لله مشى على طول.

 

ركبنا اوبر من المطار للفندق و اخد ١٤٠ دولار بس الطريق كان زحمة جدا و لازم تشوفوا الموقع مكتوب فيه كل حاجة

 

 السكن 

اختيار الفندق كان بناءا على الترشيحات وكان اختيار مناسب للسكن كا ونس و وجود عرب كتير اوى و قربه من wallmart & Vons & Starbuks & TJ Max & Rose

الفطار بس زهق بس المكان امان و الركنة كتير و قريب من الدكتور و المستشفى 

 

 السيارة

م. *** بدون تردد ، هيساعدك و هيجيب من الاخر 

 

 الدكتور 

طبعا د. هشام غنى عن التعريف ، فاهم شغله و تطمن معاه بس موظفين العيادة مش الطف حاجة.

 

 الولادة 

فى ريفيرسايد c-section و الحمد لله الدنيا مشيت تمام بس كان لازم نسجل من قبلها توفيرا للوقت.

 

 شهادة الميلاد 

الموظفة جاءت تانى يوم ملينا البيانات و الحمد لله روحت استلمت شهادة الميلاد من الكاونتي

 

 الجواز 

حجزنا فى سان دياجو و استلمنا الجواز فى نفس اليوم 

 

 العودة  

على الطيران السعودى و الرحلة كانت تمام بفضل الله 

 

 الاكل و التسوق

 

Kabob House

Kabob Crush

Cairo Restaurant

Pizza Hut

 

Shopping

TJ Max 

Rose   Dress 

Desert outlet mall

Ontario mills outlet

 

التجربة 25- 

تجربتنا في الولاده في كاليفورنيا اغسطس -سبتمبر 2023

 دكتور هشام المقدم-مستشفي بارك ڤيو 

 

قبل كل حاجة حابب اشكر مهندس **** علي كل المساعدة و التوجيهات طول فترة الرحلة.. ما شاء الله عنده خبرة كبيرة و مبيتأخرش علي اي حد في اي وقت..

 

 اختيار الولاية 

اختيار كالفورنيا كان بناءا على تجارب الاخرين و شكرهم فى المنطقة و الجو المعتدل و الطيران و المناسب و اهم من دا كله الدكتور 

 

 الطيران 

السفر كان فى الاسبوع 34 من الإمارات على الطيران الإماراتي و كان اختيار فى محله علشان دايركت و فعلا معاملة كويسة جدا من طقم الضيافة و سهولة فى الاجراءات من اول دخول المطار لحد الوصول. بس طلبو تقرير الدكتور وقت الدخول و محدش سأل تاني.

 

مطار Lax طابور طويل شوية بس الحمد لله مشى على طول و قصة ركوب اوبر فيها مشوار غلس بالأوتوبيس عشان شيل الشنط و كدة بس تمام. الطريق للأوتيل في الميعاد ده كان زحمة جداً تقريباً ساعتين و شوية..

 

 السكن 

ااول 3 اسابيع كان في اوتيل Residence Inn و بعد كدة نقلنا شقة غرفتين Airbnb و كانت حلوة و مريحة و فيها كل حاجة و قريبة قوي من Victoria Gardens

 

السيارة

م. **** ربنا يكرمه ساعدنا لإيجار العربية المدة كلها

 

 الدكتور 

زي ما كل الناس قالت هو راجل هادي و مريح بس الانتظار في العياده ممكن يطول (عادي انتظار ساعتين في العيادة). احنا رحنا عيادة Brocton و ارتحنا فيها اكتر من Corona.

 

 الولادة 

في  بارك فيو  طبيعي في الإسبوع ال 38.

الممرضات هما ال highlight بتاع الرحلة، بجد طقم تمريض كويسين جداً و بيهونوا الولادة 

 

 شهادة الميلاد 

الموظفة جاءت تانى يوم ملينا البيانات و الحمد لله روحت استلمت شهادة الميلاد من الكاونتي بعدها ب ٤ ايام عمل

 

الباسبور

حجزنا فى سان دياجو و استلمنا الجواز فى نفس اليوم 

 

 العودة  

على الطيران الاماراتي و الرحلة كانت تمام بفضل الله

 

التجربة 26- 

 

في البدايه احب اشكر الباشمهندس **** على كل حاجه و نصايحه لينا و اشكر الجروب و كل حد افادنا بمعلومه .. شكرا جدا ربنا يعوضكم خير 

 

السفر

على الخطوط السعودية من الرياض لكاليفورنيا ترانزيت جدة 

السفر كان فى الأسبوع ال 35 و كنا مجهزين التقارير بس محدش سأل عليها و الأمور كانت متيسرة الحمد لله 

 

الوصول 

المشى كتير جدا فى المطار و الجوازات كانت زحمة وقفنا حوالى ساعة فأنصح اى حد مش قادر يمشى يطلب كرسي متحرك 

أفضل 

الأوفيسر كان كويس بس قولناله معانا 10 الاف قال لازم declaration علشان أكيد معانا عملات تانية و كده المبلغ هيعدى العشرة الاف ودانا لاوفيسر تانى بس الحمد لله ماطولناش و طلعنا اخدنا ال shuttle bus و بعدها طلبنا lyft للفندق 

 

السكن

كان فى فندق أيريس و كنا حاجزين من الموقع المدة كلها و الفندق كان كويس و نضيف و مكانه كويس 

الفطار كان كويس بس المشكلة بعد فترة زهقنا منه لان مفيش تغيير 

و نصيحة خلوا بالكوا من اى حاجة بتاكلوها لان معظم الحاجات هناك داخل فيها دهن خنزير 

 

تأجير السيارة

  كانوا بمساعدة الباشمهندس و جابلنا سعر كويس جدا 

 

خط التليفون

كمان كان بمساعدة مهندس **** و الشبكه و الباقة كانت كويسه جدا. 

 

الدكتور

بالنسبة لدكتور هشام تم مراسلته قبل السفر و حددلنا الموعد و تم دفع الرسوم كاش فى أول زيارة و بنحتاج الباسبور معانا فى أول زيارة 

الدكتور كان لطيف و كويس جدا الحمد لله 

 

المستشفى 

كنا عاملين تسجيل مسبق و بنحتاج الباسبور بس معانا و يوم الولادة تم الدخول للمستشفى بسهولة و الحمد لله الولادة كانت طبيعية و ميسرة 

الممرضات شاطرين جدا و دكتور الأطفال جاء تانى يوم و طلب مننا حجز موعد فى العيادة لأخذ الزيرو بيل 

 

لن يتم الخروج من المستشفى بدون حجز موعد مع دكتور هشام و دكتور الأطفال 

 

الإجراءات

ملينا ورق شهادة الميلاد يوم الولادة و جاءت الموظفة تانى يوم استلمته و الشهادة طلعت بعد 5 أيام عمل 

و التقارير الطبية اخدناها فى نفس اليوم الحمد لله بس لازم الباسبور علشان نقدم عليها و مهمة جدا علشان التأمين طلبها لما رجعنا

 

الباسبور

اخدنا معاد فى سان دييجو و روحنا الساعة 8:00 و استلمناه الساعة 3:00

 

التسوق 

Ontario mills

Desert hills outlet

Tjmaxx

Walmart

Amazon

 

السياحة

 

Universal

Sea world 

San diego zoo

Hollywood

Santa monica 

العودة 

قدمنا ميعاد العودة بعد استلام الباسبور و أضفنا البيبي بالتليفون و حجزنا الباسينت ” مهم جدا “

  

التجربة 27- 

تجربة الولاده في كاليفورنيا 9 سبتمبر – 18 أكتوبر -2023

دكتور هشام المقدم – مستشفى بارك فيو 

 

انا حابب اشكر باشمهندس *** جدااا لانه ساعدنا كتير واستحملنا كتير في الاسئله ولو   في اي مشكله كان بيساعد.

 

السفر 

انا كنت مقرر اروح ميامي لكن قبل ما احجز عرفت الجروب و بعدها قررت كاليفورنيا علشان تكلفه الولاده اقل.

سافرنا في الاسبوع 35 علي الخطوط التركيه من مصر.

الترانزيت كان اسطنبول ساعتين الا ربع بس للاسف الطياره اتاخرت ساعه ونص في مصر في الاقلاع فوصلنا قبل الرحله للوس انجلوس ب 25 دقيقه وخدناها جري لل Gate   واتفتشنا وخلصنا كل حاجه بس ال  Gate قفلت وقالولنا ناخد الطياره اللي بعدها وكانت بعدها ب 5 ساعات ورحنا خدنا تذاكر الطياره الجديده بدون دفع اي رسوم اضافيه.

قعدنا ال 5 ساعات دول في اللاونج واللاونج كان كويس جدا في مطار اسطنبول .

ما حدش علق علي حمل مراتي غير في التفتيش الذاتي ومحدش سأل علي تقرير الحمل. 

الرحله نفسها من مطار اسطنبول للوس انجلوس مرهقه ..المضيفين كانوا كويسين بس الكراسي مش واسعه.

 

الوصول 

طابور الجوزات كان طويل جدا بس بيمشي قعدنا فيه ساعه بالضبط    الاوفيسر سأل ليه جاين قولت له سياحه قالي هتروح حته تانيه غير لوس أنجلوس  وسألني علي الفلوس اللي معايا كاش  كام

 

المواصلات للفندق

اخدنا ال shuttle bus لموقف الاوبر وطلبت أوبر من هناك و أخد 120دولار للفندق.

 

السكن 

سكنت في فندق ايريس.

الفندق كويس والصحبه كانت حلوه . الفطار كويس بس مفهوش تنوع .هو نفس الفطار كل يوم (بيض وبطاطس وبان كيك وfruit salad ) .

الموظفين كويسين  وبيساعدوا لو احتجت أي شي.

 

الاكل 

في مطاعم كتير قريبه من الفندق وحلال وفي وجبات حلال  جاهزه بتتحط في الميكرويف من والمرت.

 

السياره

انا من الناس اللي مش بتحب تسوق بس بعد اليوم الرابع للوصول لقيت لا مفر من السياره لان المسافات كبيره والاوبر هيبقي غالي والمواصلات العامه لا يعتمد عليها .

طبعا اجرت عربيه بمساعدة باشمهندس زيدان و ساعدنا ناخد احسن rate

 

الدكتور 

بعت لدكتور هشام قبل مسافر  وحجزلي موعد بعد الوصول ب 3 ايام .. دفعنا فلوس الدكتور  كاش اول زياره . الدكتور شاطر ومريح نفسيا . اول ولاده لزوجتي كانت قيصري فقالنا لو ولدت  المرادي طبيعي هتحتاج تولد في ريفرسايد علشان تجهيزات معينه  لكن لو قيصري عادي في بارك فيو .

 

انتظرنا للأسبوع ال ٣٩ وما كنش في بوادر ولاده فاختارنا قيصري وسابنا نختار اليوم .

 

المستشفى 

رحنا قبل الولاده بيومين سجلنا البيانات توفيرا للوقت يوم الولاده .

وصلنا  يوم الولاده للمستشفي الساعه 10صباحا وتم تجهيز زوجتي للولاده وتمت الولاده بعدها ب 3 ساعات ونص الحمد لله .

ما كانش فيه وجع لزوجتي أثناء الولاده الحمد لله .

روحنا غرفه بعد الولاده بعدين نقلونا لاوضه دبل بليل وانا مكنتش مركز فطبعا الصبح طلبت انقل لاوضه single ونقلونا فعلا اول ما أوضه فضيت .

التمريض ساعات تحس انهم كويسين جدا وبيساعدوا  وساعات تحس انهم تايهين ومشغولين  ولازم تفكرهم بالادويه والمسكنات فهي حسب الشيفت ومدي ازدحام المستشفي في وقت الولاده .

  

دكتور كوازمان عدي علينا تاني يوم وفصليه دم البيبي غير الام فكان خايف الصفرا تزيد فخلي البيبي يتحط في ال phototherapy في نفس الاوضه.

 

التسوق

 زي اللي علي الموقع بس احب اخص بالذكر burlington 

فيه حاجات كتير سعرها حلو جدا بس عايز صبر وتدوير كتير في كذا فرع وجبنا منه ال travel system بأقل من نص تمنها علي امازون.

 

السياحة

ديزني لاند 

Sea world 

الاتنين حلوين قوي بس ديزني كانت زحمه جدااا مع انه كان يوم خميس وطوابير الألعاب اقل حاجه تلت ساعه لنص ساعه .

Hollywood Sign

Walk of fame 

 

 دكتور الاطفال 

رحنا بعد يومين من الخروج من المستشفي تابعنا مع دكتور كوزمان وكانت الصفرا عاليه بس تحت ال risk value لغايه منزلت خالص بعد ١٠ ايام من الولاده الحمد لله .

دكتور كوازمان كويس ولذيذ جدا بس محتاج انت تطلع منه المعلومه وتساله كتير 😅 

 شهادة الميلاد 

بعد الولاده بيوم جاءت الموظفه وانا كنت مجهز الورق وماليه ادتهولها وبعدين جت تاني يوم راجعت معايا حاجتين في الورق وبعديها بشويه جابتلي الورق    وقالتلي هتطلع بعد ٢١ يوم عمل طبعا مفيش الكلام ده. في رابع يوم عمل كانت الشهاده طلعت الحمد لله.

 

الفواتير 

دفعنا لدكتور كوزمان بالتليفون و

 بعد ما طلعنا من المستشفي في نفس اليوم رحت دفعت فواتير المستشفي وقدمت طلب للميديكال ريكورد ..بالضبط بعدها بيومين كلموني رحت استلمت الميديكال ريكورد ولقيت كمان الزيرو بيل جاهزه.

 

الجوازات

صورت الطفل بالموبايل وطبعنا الصور في والمارت بمساعده باشمهندس ****كالعاده 😁.

روحت جوازات لوس انجلوس .المشوار اخد ساعتين بالعربيه ووقفت طابور ساعه ونص علي ماوصلت لاول شباك اول حاجه قالتهالي الموظفه مفيش طباعه باسبورات تاني النهارده وهتاخد الباسبور بكره علشان خلصنا طباعه النهارده وماكينه الطباعه في الصيانه 😅وعدل تذكرتك🙃 .

روحت تاني يوم  الساعه ١ الضهر استلمت الجواز بعد طابور تلت ساعه .

  

 

 رحله العوده

أضفت المولود قبل السفر بيوم وقالولي الدفع في المطار وضفت كمان bassient بس دفعت تمن الكرسيين في التليفون .

بيخيرك تشحن السترولر والكارسيت وتخدهم في ال final destination ولا يخدوهم منك علي آل Gate ويديهملك في الترانزيت فشحنت سرير البيبي وخدت معايا الكارسيت بالعجل بتاعته وخدته في الترانزيت.

  

التجربة 28- 

تجربتى للولادة فى كاليفورنيا 25 سبتمبر – 6 نوفمبر

دكتور هشام المقدم- مستشفى بارك فيو

 

طبعا اول حاجه احب اشكر بشمهندس **** على كل حاجه لانه بجد كان اى مشكله بتواجهنا عنده حل ليها و الفضل ليه بعد ربنا  انه الرحلة كانت متيسره و نسافر فى ميعادنا الحمد لله 

 

 السفر 

سافرت على الطيران السعودى انا و ماما و ابنى  4 سنين و الرحلة كانت كويسة 

 

 الوصول 

دخلت كنت طالبة لماما wheel chair و الاوفيسر سألنى معاكى كام و جايه ليه قلتله سياحة و ميديكال كير سالنى على ايميلاتى مع الدكتور و هدفع ازاى ختم لنا دخول

 

 السكن 

سكنت فى استوديو من airbnb كان 3 دقايق من عيادة دكتور هشام فى ريفرسايد بالعربية 

 

 المواصلات 

اجرت عربية بمساعدة بشمهندس ****. نصيحتي اى حد هياجر لازم يرجع له الاول هيوفر كتير اوى 

 

 الدكتور 

دكتور هشام طبعا ممتاز . دي تاني تجربه ليا معاه. 

 

 المستشفى 

انا فضلت لحد اول اسبوع فى العاشر و كنت خلاص هتأخر على ميعاد العودة اللى انا حاجزاه فى اخدت طلق صناعي و كانت متيسرة الحمد لله بس ملحقتش اخدت الابيديورال. 

 

 شهادة الميلاد 

طلعت فى اليوم الخامس 

 

الباسبور بمساعدة بشمهندس زيدان عرفت اطلعه يوم السفر الحمد لله استلمناه الساعه 1:00 و طيارتنا كانت 8:00 بالليل

 

 نصيحة

 لما تيجو تحجزو العودة بلاش يوم اتنين عشان سبت و حد كله اجازة ف لو اتزنقتوا فى حاجه قبل السفر مايبقاش اجازة  

 

و حاجه كمان اى مشكلة ارجعوا لمشهندس زيدان لانه  ممكن يبقي عنده حلول ممكن ماتعرفوهاش 

 

و احب اشكر بشمهندس **** جدا على اهتمامه و تواصله معانا

 

 التجربة –29

تجربتي في كاليفورنيا 2 نوڤمبر – 11 ديسمبر

د أمين فواز مستشفى انهايم ريجونال

 

شكرا من القلب للمهندس ****على مساعدته في كل حاجة جزاه الله كل الخير

 

السفر 

الرحلة كانت على الخطوط السعودية رحلة مباشرة من جده الى لوس انجلوس سافرت في الاسبوع 35 من الحمل وعملت تقرير ومحد سأل عليه

 

الوصول 

الاوفيسر في مطار لوس انجلوس كان اسئلته عادية عن سبب الزيارة والفلوس ومكان الاقامة ورحلة العودة

 

المواصلات 

استخدمنا اوبر واحيان ليفت طوال الرحلة

 

السكن

حجزنا فندق  قريب من العيادة والمستشفى طوال فترة الرحلة

 

الدكتور

دكتور امين فواز كبير في السن بس ماشاءالله خبرة وفاهم شغله كويس ولدني في الاسبوع 39 طبيعي الحمدلله المستشفى كويسة واخدت ابرة الضهر ودكتور التخدير شاطر والممرضات زي العسل جلست يومين وخرجت واخدت كل التقارير والزيرو بيل واستلمت شهادة الميلاد بعد اربعة ايام من الولادة

 

الباسبور 

ساعدنا الباشمهندس **** جزاه الله خير …حجزنا موعد في لوس انجلوس واستلمنا الجواز في نفس اليوم بعد الضهر

 

السياحه 

يونيڤيرسال ستوديوز

Downtown Disney 

لاجونا بيتش

سانتا مونيكا بيتش

USS midway 

 

التسوق

Walmart 

Target

Orange outlet 

Citadel outlet 

 

رحلة العودة 
على الخطوط السعودية مباشرة من لوس انجلوس الى جده