Miami Experiences 2021-2022

 

التجربة – 1

تجربه الولاده، ميامي، فلوريدا – يناير ٢٠٢١ 

د نبيل مطر

مستشفي جاكسون نورث

‏السفر:

كان معايا فيزا من ٢٠١٦ ، والسفر كان على مصر الطيران من القاهرة إلى واشنطن طيارة جديدة وواسعة
 

الوصول

وصلت لمطار واشنطن و الاجراءات كانت بسيطه و سألني معاكي فلوس اد ايه

 

السكن:

قعدت في واشنطن اسبوعين وكنت حاحزه في Hilton Homewood suites اللي في ال convention Center كانت الليله بحوالي ٨٠ دولار من Hilton Honors application 

 

بعد كده سافرت ميامي، حجزت علي United Airlines انا حجزت first عشان لقيت اني لو حجزت economy واشتريت وزن شنطتين هدفع اكتر. الدرجه الاولي بتدي شنطتين كل واحده ٣٢ كيلو. والكراسي اوسع شويه. وفي العوده شحنت الcar seat و كمان ال stroller من غير مصاريف زياده. 

 

السكن في ميامي:

قعدت في مكانين، اول مكان كان ستوديو قبل م جوزي يوصل. كان مكانه مناسب جدا علي Biscayne Boulevard ونظيف اوي. اللي بيدير المكان واحد لاتيني وممكن تاخدو رقمه من البشمهندس. كان ب حوالي ٨٨ دولار في الليله بس اللي فهمته ان ده كان سعر عالي شويه عشان ال high season. انا كنت هناك في الكريسماس وعديت كمان راس السنه وميامي كانت زحمه جدا. 

لما جوزي وصل نقلنا شقه one bedroom لاني كنت محتاجه المساحه لان جوزي كان فيه ايام بيحتاج يشتغل فيها وعشان فرق التوقيت مع السعوديه كان معظم شغله ومكالماته بعد نص الليل. الشقه في Sunny Isles beach وكانت غاليه شويه لانها بتطل علي البحر وجنب ال beach، الليله في حدود ١٤٠ دولار.

التنقلات:

في واشنطن استعملت Uber وساعات المترو.

في ميامي اجرت عربيه من واحد كنت اخدته من تجربه سابقه علي الموقع. عربيه تويوتا Prius موديل ٢٠١٤ ب ٧٠٠ دولار في الشهر. 

الدكتور والمستشفي: 

دكتور نبيل محترم وشاطر. المتابعه كانت كل اسبوع من اول ما دخلت التاسع. دفعتله زي ما مكتوب علي الموقع. 

رحت المستشفى دفعت المبلغ كامل في نص التاسع. اخدت كمان ال online access وفعلته علي طول.

الولاده:

التاسع خلص وبعد اسبوع مكنش فيه علامات ولاده خالص، الدكتور قرر يعمل induction. دخلت المستشفي زي ما الدكتور طلب وولدت ابني تاني يوم الحمد لله. تاني يوم الولاده عملنا ال circumcision للبيبي. اخصائيين الرضاعه ساعدوني جدا وكل ساعتين كانو بييجو يطمنو ويساعدوني. كمان بعد ما خرجت من المستشفى اتصلو بيا عشان يتابعو معايا وانا كمان كلمتهم مرتين بعد كده عشان كان عندي اسأله كتير. 

المستشفي 
 نظيفه اوي والتمريض كانت اكتر من رائع سواء في ال labor room او لما طلعنا الغرفه بعد الولاده. 

شهاده الميلاد:

 

ابني اتولد يوم ٢١ يناير. يوم ٢٢ جت ال social worker ودخلنا البيانات علي ال system وجوزي راح استلم ٤ نسخ في نفس اليوم. 

الباسبور
 ، كنت حجزت معاد اونلاين الحمدلله ورحت في معادي والباسبورت اخد ساعتين ونص وكان خالص. 

وبجد مش عارفه اشكر البشمهندس ازاي علي زوقه ومساعدته. والله لولا الجروب ده كنت غالبا مش هسافر، بس الحمد لله اللي وفقني ولقيت الجروب ده لما كنت لسه بقرر اذا كنت هسافر ولا لأ. الحمد لله وشكرا علي كل حاجه 🙏🙏

 

التجربة – 2

 تجربتنا الثانيه بالسفر والولادة في ميامي 

مارس ٢٠٢١ 

دكتور نبيل مطر

Jackson North Hospital

السلام عليكم ورحمة الله وبركاته 

اسعد الله اوقاتكم بكل خير 

اولا وقبل كل شيء اتوجه لجروب توتال كير والقائمين عليه بالشكر والتقدير 

الرحله الى ميامي 

سبب اختيارنا ميامي

 اولا : بسبب دكتور نبيل مطر 

ثانياً : سرعة إجراءات استخراج شهادة الميلاد و جواز السفر  حتى في ظروف فايروس كورونا 

ثالثا : الشواطىء واماكن التسوق 

 

الرحله كانت على  الخطوط القطرية مباشرة من مطار الدوحة كانت مدة الرحله ١٦ ساعه 

وكانت على business class 

بصراحه كانت جداً طويلة ومتعبه وممله مع ان نظام المقاعد  Q suite ويوجد WIFI بس لا انصح احدا بها ولو يكون في انتظر في دوله اوربية لتقليل المسافة بيكون افضل 

ملاحظة : في مطار الدوحه عند بوابة تسجيل الدخول الى الطائرة  كان في مندوب من السفارة الامريكيه بالدوحه 

و كان يسائل بعض المسافرين عن اسباب السفر   وكم مدة السفر ومكان العمل 

الوصول الى ميامي

نزلنا في مطار ميامي وكان فاضي ولا اي اي زحمة تذكر 

الاوفسير اخذ الجوزات وسالنا نفس الاساله تقريبا بس دخلونا على غرفة عشان كانو عاوزين شوية معلومات 

دخلنا الغرفة بالفعل حضر ضابط من حماية الحدود 

وسالنا عن سبب الزيارة ؟ 

وجاوبته باننا نخطط للولادة في امريكا 

قالي معك مراسلات مع الدكتور او المسشتفى 

اعطيته الخطاب المرسول من دكتور نبيل مطر 

وكان في سعر الولادة 

سالني كم معك فلوس ؟ 

واجابته ان معاي ٩ الاف دولار 

اعطاني ورقة لازم تسجيل فيها جميع معلوماتك في مواقع التواصل الاجتماعي 

انت والاب والام والزوجه لو عندهم 

و ارقام التواصل 

بعدين اعطانا الجوزات وقال اتفضلو مع السلامه 

كان تعاملهم جداً جداً جداً محترم والابتسامه كانت ديما على وجهيهم 

 

الاقامة 

سكنا في Hollywood منطقة جداً هادية وجميلة وعلى الشاطئ 

الاسعار بصفة عامه في ميامي في هذا الوقت من السنه مرتفعة جداً مقارنة بباقي السنه بسبب برودة الطقس في باقي الولايات الامريكيه وتصل الى ٣ اضعاف سعرها 

 

الدكتور  

طبعاً الدكتور نبيل مطر والطاقم الي معه محترمين جداً وبيستمع للمريضه وبعطيها كل الوقت الكافي  ويبشرح بشكل مستفيض وبيساعد بكل شيء بيقدر عليه وهذه المره الثانيه للولادة عنده 

 الزيارة الاولى بياخذ معلوماتك وفحوصات المختبر وبيعمل السونار وبيعطيكم جميع تعليمات ماقبل الولادة 

طبعاً في الشهر التاسع بتكون الزيارة اسبوعيه وكل مره بيعمل سونار يطمن على البيبي 

دفعنا ٤٧٠٠ دولار وهذا الجزاء الخاص بالدكتور  واخذت Zero Balance مباشرة من الدكتور نبيل 

وبأمكانك دفع المبلغ على دفعات الى ما قبل الولادة 

 

الولادة والمستشفى 

رحنا المره الاولى وكان في الم  

و تم الفحص  وما كان في ولادة  واخذو ٦٠ دولار وكانت شامله  الفحص والمحاليل 

وبعدها ب٣ ايام تمت الولادة والحمدالله 

الطاقم الطبي في قسم الولادة محترمين و متعاونين لأبعد الحدود 

 المسشفى بشكل عام نظيف ولاتوجد عليه اي ملاحظات 

طبعا مشددين الإجراءات بسبب فايروس كورونا ومسموح لفرد واحد فقط بالدخول 

دفعنا المبلغ الخاص بالمسشفى قبل الولادة ٢٨٥٠ دولار وبتاخذ Zero Balance بعد الخروج من المستشفى 

والافضل دفعه قبل الولادة لانه يمكن يتضاعف عليك في حال الدفع بعد الولادة 

 

شهادة الميلاد

في نفس يوم الولادة اذا كانت الولادة الصبح بتيجي موظفة التسجيل وبتاخذ المعلومات وبتعطيك عنوانين استخراج شهادة الميلاد 

وبتقولك ان في مكتب قريب من المسشفى ١٥ دقيقه تقريباً

 (طلعتها ثاني يوم من الولادة وكانت الامور سهله )

بتسالك موظفة التسجيل عن العنوان عشان السوشل نمبر يوصل عليه وبالعادة بياخذ ٦ اسابيع 

وبتقدر تعطيها عنوان الدكتور نبيل وهو بيرسلك مع اي احد راجع  على حسب دولة اقامتك 

جواز السفر 

بسبب الاغلاق العام مافي مواعيد في وكالة الجوزات الا في الحالات الطأرئة فقط 

 لمًا وصلنا على الموعد المحدد تاكدو من جميع المعلومات ودخلونا الجوزات 

ومستحيل حد يدخل من غير موعد 

تأكدو من المستندات وتذكرة الطيارة ودفعنا رسوم اصدار الجواز وبطاقة السفر 

 ولازم يكون معك المبلغ بالضبط ١٩٠ دولار او بطاقة ائتمانية 

والحمدالله استلامنا الجواز  بنفس اليوم

 

التجربة – 3

 تجربتي في امريكا د نبيل مطر – ميامي ابريل-مايو 2021

اولا بشكر م ***** على مجهودات الكبير ف المساعدة و شرح الخطوات و تذليل اي عقبات وايضا اشكر جميع أعضاء الجروب وطبعا على رأسهم الأستاذة **** اللي لولاها كان زمانا لسه مسافرا. 

التخطيط للرحلة :
 عند التفكير في الرحلة كان عامل الجو مهم بالنسبة لي لأن زوجتي مش بتحب البرد فكان الاختيار ميامي. أيضا راجعت التقييم وreviews عن الدكتور نبيل ولاقيتها ممتازة. تواصلت مع مكتبه بالاميل وبعتلي جواب بمعاد اول زيارة وان زوجتي حتكون المريضة تبعه خلال فترة إقامتها في امريكا. 

الطيران:
 طيران القطرية من أروع ما يكون. الناس كان تعاملهم ممتاز سواء في دبي أو الدوحة والترانزيت كان ١ و٥٠ دقيقة خرجنا من طيارة دبي على طيارة ميامي. الرحلة مباشرة لميامي حوالي ١٦ ساعة بس كانو جدا محترمين. 

الوصول:

واحنا طالعين من باب الطيارة كان في ضباط واقفين بياخدو بعض المسافرين ويسالهم نفس الأسئلة اللي بتسأل في الجوازات وبيصور الجوزات والفيزا ويقولك اهلا بيك في امريكا. بعدها توصل الجوازات يقولك اتفضل من غير اي أسئلة. 

السكن
 حجزت شقة  في منطقة Hallandale Beach منطقة سياحية وجميلة جدا. معاد حجزي كان بعد الوصول ب٥ إيام حجزت فندق خلالها وانصح بالابتعاد عند فنادق Marriott هناك. انا غيرت الفندق تاني يوم وصولي وروحت فندق تبع مجموعة sonesta. 

الدكتور
 د نبيل شخصية محترمة جدًا و بيجاوب على كل الاسالة بس لازم تسال انت ودايما العيادة زحمة وهو مشغول جدا. من اول زيارة حدد معاد الولادة (قيصرية) وقالنا نروح نتعاقد مع المستشفى قبل الولادة و وكنا بنروح متابعة كل اسبوع وكانت الأمور تمام. 

 

المستشفى:
 Jackson North medical center

المستشفى كويسة بصفة عامة لكن قديمة شوية. طاقم التمريض ممتاز خصوصا ممرضات ما بعد الولادة والدكاترة كانت ممتازين خصوصا الدكتورة الخاصة بالرضاعة.

الاوراق:
 شهادة الميلاد في ميامي بتطلع تاني يوم الولادة وبستلمها من مكتب قريب جدا للمستشفى. 

وجواز السفر حجز معاد في ميامي صعب جدا لدرجة اني كنت حاجز معاد في اطلانتا وحجزت طيران عشان اروح اعمل الجواز لكن قبل السفر بيومين استاذة **** ربنا يكرمهاساعدتنا. روحنا الساعة ٨ استلمنا الباسبور ١٢ بالظبط. 

الفواتير:
 دكتور نبيل بياخد فلوسه كلها في اول زيارة وبتاخدو فاتورة zero bill للمتابعة واجرة ايده والتخدير ودكتور الاطفال في فاتورة واحدة. 

المستشفى بتاخد zero bill يوم الخروج والفاتورة التفصيلية بتاخد اسبوعين على الاقل فطلبت منهم تتبعت بالاميل 

العودة
 ان شاءالله راجعين بكرة على القطرية.
 
ملاحظات اخيرة
 اقرو الموقع عليه كمية معلومات مفيدة جدا جدا. 

انا قابلت ناس عند الدكتور جايين مش مع الجروب فعلا كانو ضايعين ومعلوماتهم قليله جدا.

 ساعدوا بعض قدر المستطاع ولا تبخلو بالمعلومة حتى وان كانت بسيطة.
 و اخيرا بشكر المهندس **** تاني وتالت ربنا يكرمه ويوفقه دايما

 

التجربة – 4

 تجربتي في امريكا د نبيل مطر – ميامي مايو 2021

 

التخطيط للرحلة :

الطيران
 الغلطه اللي عملناها اننا حجزنا الاول علي طيران البريطاني و بعد كده عرفنا ان مينفعش ندخل امريكا لو عاملين ترانزيت ف لندن – فلازم الناس تتاكد من اخر تعليمات للسفر و البلاد الممنوعه ف اضطرينا نحجز طيران جديد و طبعا كان اغلي 

الرحله كانت القاهره – واشنطون – ميامي 

الرحله كانت كويسه اوي – عشان بيزنس كمان 

طبعا للي يقدر حتي لو للمدام ف المرواح يبقي كويس اوي احنا كنا نوعا ما مضطرين لاسباب صحيه  

الحجز دولي لوحده و بعد كده داخلي ارخص كتير 

الوصول
 انا لقيت الشنط جاهزه و كان في انترنت طلبت ليفت ووصلت بسهوله 

ف الجوازات قلتلهم اني رايحه اولد و اعمل شوبنج للبيبي و  كان معايا ورق من دكتوري ف مصر و امريكا و سألني هتدفعي ازاي و معايا فاكهه و هدايا و كانو محترمين اوي – محدش يحور ف الجوازات! 🙂 

السكن
 كنا بين كذا منطقه اهم حاجه بالنسبالي كانت عنصر الامان و قرب الخدمات. اختيار coral gables كان موفق
 حجزنا ف extended  stay america coral gables 
 كان مناسب جدا بس للناس اللي موسوسه ف النضافه يجيبو فوط و ملاياتهم احسن 

الدكتور 
 مكناش لسه نعرف الجروب ف سالت الناس اللي اعرفهم ولدو ف امريكا كذا حد رشحلي دكتور نبيل و ميامي كانت مناسبه لان فيها اصدقاء لينا و طبعا انتو عارفين اهميه العنوان 🙂 

الدكتور ظريف جدا مع اني شفته مرتين بس لاني ولدت بدري مكنش في زياره بعد الولاده لاني مشيت بعد اسبوعين – اول ما عرف اني هولد جالي المستشفي علطول و اتاكد بنافسه اني تخد ال epidural بسرعه 

 

المستشفى

Jackson North medical center

المستشفي كويسه و التمريض كويس
 انا مشكلتي معاهم اني كنت قايله  اني هرضع طبيعي و محدش يدي البيبي حاجه قبل ال colostrum و برده ادوله formula من غير ما يرجعولي 

الاوراق
 الحمدلله ربنا اكرمنا و طلعنا شهاده الميلاد و الباسبور مستعجل ف اسبوعين 

الفواتير
 انا اديت للدكتور فلوسه كلها اول مره و اخدت zero balance 

و المستشفي برده 

احسن حاجه ان مكنش في اي مصاريف خفيه او اضافيه الا 150 دولار للطهاره للمستشفي 

العودة
 راجعين بعد بكره انشاءالله ميامي – نيويورك – القاهره 

اخدنا lab seat ف الداخلي و كرسي للطيران الخارجي 

نصايح 
 – احجزوا كل حاجه refundable محدش عارف الظروف ايه انا كنت عامل حسابي اقعد ٧ اسابيع قعدنا ٣ فقط و التغيير مكلف جدا 

– دكتور Lirman في pediatric associates كويس اوي لو لقدر الله احتاجتو طبيب اطفال

 

التجربة – 5

 

تجربتي في امريكا د نبيل مطر – ميامي ابريل-مايو 2021

اولا بشكر البشمهندس***** وكل اعضاء الجروب على تعاونهم الجبار ويجزيهم كل خير 

 

كان معي الفيزا من فترة منيحة وما كنت مخططة لولادة بامريكا .. انعرضت الفكرة عليه وحبيتها وعملت سيرش واتوفقت بهاد الموقع الرائع 

اخترت فلوريدا على نصيحه صديقه الي انه الاوراق مابتاخد وقت والإجراءات سهلة ومنظمة وكنت مختارة مقاطعة تامبا بس بالاخر رسيت على مقاطعة ميامي نصحوني بالجروب الله يجزيهم الخير  لانه مافي مكتب جوازات غير بميامي ومعي اولادي الصغار ومابدي أضل أتنقل من مقاطعه لمقاطعه 

وبميامي الكل نصح بالدكتور نبيل مطر تواصلت معه هاتفيا وارتحت واستخرت بعتله ايميل باسمي وموعد الولادة المتوقع والسونار وحددلي موعد لاول زيارة واني رح اكون متابعة معه فترة اقامتي بامريكا

الطيران 

كان عندي خيارين اما الطيران القطري او الطيران الاماراتي
 القطري كان فيه مباشر لميامي ولكن ترانزيت قطر وبنصيحة الجروب اخترت الطيران الاماراتي لمطار نيويورك ثم لمطار ميامي الدولي 

الوصول 
 وصلنا مطار نيويورك والاوفيسر كان كتير لطيف ضحك مع الاولاد وسألهم وين رايحين تتفسحو بامريكا وما سألنا ابدا ومرحبا في امريكا وختلمنا ست اشهر 

هلأ خلصنا من الاوفيسر ما اخد وقت ابدا ورحنا ركض اخدنا شنطنا ورحنا لناخد تكتات ميامي وضايل لوقت الرحلة خمس دقايق للاسف كانت الطيارة طايرة وراحت الرحلة علينا ولحظنا كان فيه رحلة تانية بعد تلت ساعات والحمد لله حجزنا وتسهلت وتحملت المسؤولية طيران الامارات لانه هم الي تأخرو بالوصول …. لهيك مابنصح ترانزيت بنفس اليوم خصوصا كنا مسافرين طريق طوييييلة ولسه نستنى بالمطار ٣ ساعات تعب كتير 

السكن
 حجزت شقة  في منطقة الداون تاون كانت بتجنن نضيفه وقريبة جدا لمكتب الجوازات تقريبا مشي بنقدر نروح و وموقعها قريب للدكتور والمطار  والي تأجرت منها محترمة جدا وبنصح الجميع يتعامل معها بدرج رقمها ان شاء الله   

الدكتور 
 د نبيل مطر دكتور خبرة وشاطر ماحسيت بهااد الشي بالمتابعات والزيارة وكنت خايفه جدا
 بس وقت ولادتي والي صار معي … الدكتور كتير شاطر وبنصح فيه 

المستشفى

Jackson North medical center

المستشفى كويسة لكن قديمة .. طاقم التمريض نص ونص … كان فيه منهم الحنونة ومنهم القاسية جدا جدا واشتكيتها للمستشفى … كنت ارن بدي التمريض يتاخرو جدا ليجوني فما حبيت المستشفى ولا التمريض 

 

الاوراق
 شهادة الميلاد في ميامي بتطلع تاني يوم الولادة وبستلمها من مكتب قريب للمستشفى. 

وجواز السفر حجز معاد في ميامي اون لاين مو سهل بدك تضلك تحاول 

الفواتير
 دكتور نبيل بستلم كل المبلغ  في اول زيارة وبعطيك فاتورة zero bill للمتابعة واجرة ايده والتخدير ودكتور الاطفال في فاتورة واحدة. 

المستشفى بتاخد zero bill يوم الخروج والفاتورة التفصيلية بتاخد اسبوعين على الاقل فطلبت منهم تتبعت بالايميل وفعلا وصلتني بالايميل 

العودة 
 تغلبت شوي بالعودة لانه طالبين فحص كورونا و عملت بالمجان في cvs وتأخرو كتير بالنتيجة واضطريت افحص بمكان كتير غالي مابنصح حدا فيه 

ووصلنا الحمد لله مطار دبي وكانت رحلة موفقه الحمد لله متعبة كتير لانه مع تنين اطفال ومدارس اون لاين ومتابعة شغلي اون لاين بس الحمد لله بلاخر ربنا اكرمنا 

أخر شي بشكر الجميع لتعاونهم وبتمنى التوفيق وماتنسو تقرو الموقع منيح لانه بجد جدا قيم وشامل كل شي

 

 

التجربة – 6

 تجربتي ف الولادة 🙁 ميامي – د/ نبيل مطر ) مستشفى جاكسون 

اول حاجه حابه اشكر المهندس ***** واعضاء الجروب على تعاونكم معايا استفدت منكم كتير وغير انه الموقع حقيقي سهل عليا كان فيه اغلب المعلومات الي ممكن اي حد يحتاجها .. 💐
 

السفر 
 على الخطوط التركية (الرياض يوم 9 يونيو

اول حاجه حصلت مشكله عشان انا سعودية فخلوني اوقع على اقرار اني مطلعشي من المطار عشان ممنوع سفر السعوديين على تركيا وكان معايا تقرير من الدكتوره اني حامل ف الاسبوع ٣٥ شافوه وشافو نتيجة فحص pcr 

 

الوصول لتركيا 
 المطار كبير جدا وكان ترانزيت ٨ ساعات فكنت حاجزه ف الاوتيل الي جوه المطار نظيف جدا بصراحه ولما جيه وقت الرحله لميامي رحت ناحية قاعة الانتظار هناك بيكون فيه واحد واقف سالني مسافره ليه قلتله سياحة وميدكال كير شاف تقرير الحمل وشاف الفحص ودخلني جوه بتستقبلني وحده تانيه سالتني بردو مسافره فين وعنواني ف امريكا ايه وبعدين فتشوني وخلوني افتح الهاندباج وفتشوها من جوه كويس وكان معايا لابتوب وباوربانك ومحدش علق وبعدين طلعنا ع الطياره والرحله كانت مريحه اهم حاجه شرب سوايل ومايه كتير وتتحركي كل شويه   

الوصول لميامي
 وقفت عند الاوفيسر سالني جايه ليه وسالني بعد كده معايا اكل او اي مشروبات قولتله لاء وسالني قاعده قد ايه قلتله شهر ونص اخر حاجه سالني عن الفلوس الي معايا قولتله معايا ١٠٠٠٠$ كاش ومعايا الفيزا بتاعتي فضل بصصلي بصة طويله غريبه وبعدين قالي وريني الفلوس طلعتله الظرف الي فيه الفلوس ولسه هفتحها ف هنا سالني اذا معايا فلوس تانيه قلتله لاء وهنا كانت النقطه انه كان بيسالني على اي عملات تانيه وانا مفهمتش قصده فلقيته مشفشي الدولارات وسالني على محفظتي وخلاني افتحها فلقى فيها ٣٠ ريال عملي حوار عليهم اني ازاي مصرحتش بيهم وهنا وداني للتحقيق التاني دخلت الحمد لله استقبلني ضابط كويس ومكترشي ف الاسئله اخد بيناتي واداني ورقه اصرح بيها بالمبلغ الي معايا وفضل يضحك معايا ويسالني اسئله عامة عن البلد الي جيت منها وخلصت وطلعت الحمد لله .. 

السكن في ميامي 

انا كنت ساكنه ف حته اسمها Doral كان فيها زي عماره طويله اقرب للفندق كنت وخداها من وحده معرفه من وحده صاحبتي هيا الي زبطتهالي .. المنطقة نظيفه وراقيه جدا بس للاسف غاليه نوعا ما وبعيده نص ساعه عن عيادة الدكتور والمستشفى فانصح اي حد ياخد يبقى قريب من الدكتور ..

الدكتور 
 اول زياره لدكتور نبيل ف العياده: 

رحت على المعاد الي كنت وخداه من قبل السفر الدكتور فريندلي جدا ومريح شاف التحاليل بتاعتي الي كنت عملاها ورجع هوه عمل تحاليل دم وسونار تاني عنده ف العياده وطمني على وضعي وقالي اجيله الاسبوع الي بعده وساعتها هيحددلي وقت الولاده لانه كان الطفل الثالث فقلي ف الغالب مبنستناش تخلصي التاسع كله وممكن نديكي طلق صناعي لو مفيش اي اعراض ولاده لحد ما تخلصي الاسبوع الثالث وانا يوم الزياره كنت لسه داخله التاسع .. 

وبياخد حسابه كاش من اول زياره والباكيدج بتبقى معاها دكتور الاطفال الي بيشوف البيبي بعد ما بيتولد ف المستشفى و التحاليل والابيدورال وبيديكي الزيرو بيل ف يومها وبيقولك تروحي تدفعي فلوس المستشفى هناك وتسجلي دخولك وتوقعي ع الورق وكل حاجه عشان يوم الولاده تكون كل حاجه جاهزه 

الشوبينج 
 بصراحه الموقع كان مفيد جدا بس كان بالنسبالي buybuy baby للاطفال شامل جدا كل حاجه و sawgrass mall مول اوتليت فيه اغلب البراندات وكبيرا جدا لدرجة استحاله تخلصه ف نفس اليوم 

 

الاكل 
 كنت معتمده الصراحه اني اعمل اكل ف البيت على قد ما اقدر بس رحت اكلت ف مطعم كبابجي تركي كان اكله حلو جدا وقعدته حلوه والي بيشتغلوا جوه عرب لبنانين ونظيف .. وكنت بتعامل ب برنامج scan halal ف السوبرماركت ورحت مره وحده بس محل علاء الدين جمب عيادة الدكتور  عشان بيبيع منتجات عربيه وحلال 

يوم الولاده 
 جالي الطلق فالاسبوع الثالث والدكتور كان قايلي بس احس بالطلق كل ربع ساعه او ١٠ دقايق اتحرك ع المستشفى .. بس للاسف انا جيت على نفسي لحد اخر لحظه ووصلة تقريبا المستشفى ولدت على طول ملحقشي الدكتور يجي غير بعد ما ولدت بس هوه الي نظف الرحم وخيط وكل حاجه .. 

المستشفى 
 كانت اكتر حاجه ضايقتني بس استقبال الممرضه ليا اول ما وصلت كانت بارده جدا وانا بقولها اني خلاص بولد وحاسه انه البيبي هينزل ودي مصممه الا تاخد الورق مني بتاع التسجيل عشان تسجلني دخول غير كده الممرضين التانين الي جم وقت الولاده والي كانوا موجودين طول فترة وجودي ف المستشفى كانوا كويسين جدا ومريحين بس مبيردوش ياخدو منك البيبي ابدا وخاصة انه بيرضع طبيعي

وجيه الدكتور شافني مرتين بعد الولاده اطمن عليا والحمد لله اتكتبلي خروج وطلبوا مني اروح اطمن على البيبي ف عيادة هما بيدوني اللوكيشن بتاعها وفعلا رحت بس لو مش مضطره ووضع البيبي كويس مترحوش وده حتى كلام دكتور نبيل .. انا رحت عشان اطمن على صوته لانه كان من العياط بيروح صوته خالص وفهموني انه ده بيحصل مع اطفال كتير واطمنوا على نسبة الصفراء وخلوني اعمله تحليل دم وكله بقى تمام الحمد لله 

الفواتير
 يوم الخروج من المستشفى بتروحوا مكتب الي دفعتوا فيه الفلوس وبتطلبوا تاخدوا اثبات الزيرو بيل وتاكدوا عليهم انكم عاوزين فاتوره تفصيليه بكل الي ادفع 

شهادة الميلاد 
 تاني يوم الولاده جت مسؤولة الشهاده واخدت البيانات وسجلتها معايا على الابتوب وخلتني اتاكد منها وبعتتها ف ساعتها وقالتلي ممكن من تاني يوم اروح استلم شهادة الميلاد من اي فرع من ٣ فروع هما بيدولك عنوانها وسالتني على السوشيال سكيورتي خلتها تحط عنوان دكتور نبيل وهوه كان قايلي احط بيناتي عنده ف العياده لما بتوصله اي حد وهو مسافر بيبعتهالي معاه .. 

الباسبور
 كنت من قبل ما اولد كنت بحاول كتير ادخل واخد معاد ع الموقع بس للاسف مكنشي بيطلعلي خالص مواعيد متاحه لحد ما عرفت طريقة   انك تاخد معاد عن طريق التيلفون وفعلا الموضوع كان بالنسبالي اسهل بتتصل على رقم الجوازات الي موجود ف الموقع وتضغط ١ عشان تختار اللغه الانجليزية وبعدين بدون ما تسمع الي بيتقال تختار ٢ هيقولك انك اخترت رقم دخول غلط استنى شويه هتلاقي بعدين بيحولك على المواعيد وكل ده رساله مسجله تكمل الاختيارات لحد ما توصل للمواعيد بيدولك اليوم ويدولك ف اخر المكالمه رقم التاكيد ده لازم تحفظه عندك عشان ده الي بيثبت للجوازات انه عندك موعد 

وكان المعاد الي اخدته كان بعد ولادتي ب اسبوعين وشويه تقريبا بس لقيت الجوازات بيكلموني وقدمولي معادي اسبوع بدري وده كان اريحلي 

جوزي كان عاملي التفويض اونلاين واستلمته وصورت الورق والبيبي ورحت على معادي الصبح بدري طبعا كل ما بتروحوا بدري عن معادكم احسن عشان زحمة وبيبقى بالطابور دخلت عند الموظفه شافت انه ورقي كله كامل وعرفتها اني مستلمتش السوشيال سكيورتي ووقعت قدمها بده ودفعت الفلوس وقالتلي اجي الساعه ١ استلم  الجواز السفر 

بس وانا طالعه الموظفين الي هناك كانوا متعاونين وفهموني اني اجي على ١٢ ونص احسن وفعلا رحت ومع ذالك كان زحمه وطوابير فاخدت وقت لحد ما استلمت الجواز الحمد لله مدته خمس سنين وعده اليوم على خير.. 

وف الاخير حابه اشكر الكل وبالاخص الاستاذ **** ومراته الي اتعرفت عليهم بالصدفه ولما عرفوا اني لوحدي مسبونيش وكانوا معايا وساعدوني ف كل حاجه كنت محتجاها 💐💐💐

 

التجربة – 7

 

السلام عليكم ورحمة الله وبركاته

 تجربتنا مع دكتور نبيل مطر – *ميامي – فلوريدا  يونيو- يوليو2021

كالعادة وفي بداية أي تجربة الشكر كل الشكر لصاحب الفضل بعد ربنا في تكليل تجربتنا بالنجاح المهندس **** الطيب  اللي مبخلش علينا بأي معلومة 

السفر
 رحلتنا كانت من جدة ترانزيت إسطنبول وبعدين إسطنبول ميامي وده نظرا لفرق الأسعار الرهيب اللي بين الخطوط التركية وبين الإختيار اللي بعدها وخصوصا إننا أربع أفراد زوج وزوجة وولد وبنت

في جدة الأمور كانت سهلة خالص والموظف لازم يعمل بوردنج الرحلة كاملة ، شاف تحليل كورونا ورجعهولنا تاني  وإختار كراسي حلوة لينا في الرحلتين وخصوصا رحلة ميامي لأنها الأهم وأنا كنت قاصد أخد المدام معايا عالكاونتر علشان أشوفهم هيقولوا إيه وخصوصا إن الحمل واضح عليها ومحدش إتكلم خالص غير واحنا ماشيين المشرف قالنا معاكوا تقرير طبي قولناله آه ومشينا روحنا إستنينا طيارة إسطنبول

(( وهنا حابب أقول حاجة مهمة هتفيد كل الناس علشان فترات إنتظار المطار وهي البطاقات الإئتمانية التيتانيوم والبلاتينيوم فادتنا جدا جدا أنا والمدام والولاد بنقضي وقت الإنتظار في صالات البيزنس بتكون كراسي مريحة ومشروبات ساخنة وعصاير ومأكولات كلها فري

مطار اسطنبول 
 الحمد لله وصلنا تركيا وبرضه قضينا فترة الترانزيت في صالة البيزنس هناك بإستخدام كروت الماستر كارد وبصراحة مطار إسطنبول حاجة جميلة وفخمة أوي وفيه خدمة كباين النوم مجانا لحاملي البطاقات الإئتمانية لو الترانزيت طويل وحابب تريح شوية

ندهوا علي رحلة ميامي وروحنا للبوابة تفتيش ذاتي لكل حاجة وبالذات الأجهزة الإلكترونية بيخلونا نفتحها قدامهم ومحدش إتكلم عن حمل مراتي خالص رغم إن واحدة ست لازم تفتشها ذاتيا وسابولنا المياة والسناكس اللي معانا عادي ركبنا بيها الطيارة

الطيارة كانت 11 ساعة وقضيناها شوية نوم وشوية أكل وشوية شرب وشوية حكاوي وبتعدي الحمد لله

الوصول
 وصلنا مطار ميامي الحمد لله وقلت للمدام أجيب ليكي كرسي قالت لأ عاوزة تمشي علشان القعدة الطويلة وفعلا الكرسي المتحرك بيخلي الموظف يدخلك مباشر عالجوازات علطول بدون إنتظار في الطابور وكمان لو مفيش كرسي متحرك لو قلنا للموظف اللي بينظم الصف إننا حامل كان مشانا علطول لأن سبحان الله لما وقنا في الطابور وجه دورنا عالجوازات لقيناه فتح اللاين لواحدة أرجنتينية وقال معلش حامل وكان بيهزر علطول

موظفين الجوازات ولا أروق من كده بصوا عالكاميرا بصينا ، جايين ليه قولنا شوبنج وميديكال كير ، معاكوا كاش أد إيه قلت 9 آلاف بالإضافة لكريديت كارد قال إتفضلوا وكل الباقيين ماشاء الله كانوا كده موقفوش حد أكتر من فترة التصوير 

أخدنا الجوازات وجبنا الشنط وطلعنا أخدنا تاكسي وجينا السكن 

السكن
 سكننا في شقة جميلة أخدنا تفاصيل التواصل من المهندس زيدان عبارة عن إستوديو كبير فيه سريرين كبار ومطبخ فيه كل حاجة وحمام وقدامه جنينة حلوة تريح البال ، كان في مكان مميز أوي في ميامي في ميد تاون وجمبنا كل حاجة بنروحها مشي تارجت وروس ومارشالز وبيتزا هت علشان البيتزا الجبنة 🙂   وقريب من الداون تاون وبريكل وميامي بيتش ، بصراحة موقع قمة الروعة

الدكتور
 روحنا للدكتور نبيل موعدنا كنا واخدينه قبل السفر مراسلات مع العيادة يوم 17 يونيو  ، الدكتور  شخصية ظريفة وحبوب جدا وبيهزر وبيجاوب علي أي سؤال من غير أي زهق خالص وإكتشفنا إن إحنا كنا حاسبين الحمل غلط والدكتور أخد وقته وحسب لقي إن موعد الولادة المفروض 15 يوليو بدل 26 يوليو وقالنا إنه نازل أجازة وحابب يولدنا قبل ما ينزل وحدد لينا موعد يوم 8 يوليو إن شاء الله ، العيادة عملت لينا كل التحاليل عندها لأنها مشمولة في تكلفة الدكتور هي والتخدير ودكتور الأطفال ، خلصنا ورحنا للمرضة إدتنا الموعد اللي جاي وكان بعده بأسبوع وسألتنا لو حابين تدفعوا دلوقتي قلتلها ياريت علشان أخلص من الفلوس الكاش اللي معايا لأن الدكتور بيقبل كاش بس وفي إمكانية فيزا أو ماستر بس هيكون في عمولة أكتر فالكاش أحسن 

السيارة 
 أجرنا عرية هوندا أوديسي 2019 حلوة أوي من بنت في ميامي أخدت رقمها من أستاذة **** معانا في الجروب وليها كل الشكر ، العربية حلوة ونظيفة وعالية وسعرها 31 دولار في اليوم شاملة تأمين شامل لكن نسبة التحمل في حالة خطأنا لا قدر الله 1000 دولار مهما كان الحادث وصفر طبعا لو مش خطأنا

 الأكل 
 كنا بنجيب كل حاجتنا من تارجت وروحنا مطعم وسوبر ماركت علاء الدين عنده حاجات حلال كلها ماشاء الله والأخ حازم السوري صاحبه رجل خدوم بجد وبيرحب بالعرب جدا ، السوبر ماركت فيه كل حاجة حلال وفيه مطعم برضه بيعمل أكل حلال والشاورما بتاعته حلوة أوي

الشوبنج 
 كنا عايشين في سوجراس روحناه كتير أوي لانه محتاج أيام كتير خالص وفيه كل ما يتخيله الشخص آوت لت وأسعار تجنن ، روس طلعنا منه بحاجات حلوة برضه هو وتارجت والمفاجأة محل برنجلتون حاجة حلوة أوي هتطلعوا منه بحاجات حلوة أوي

حاجة البيبي جبناها من باي باي بيبي وبرنجلتون ونصيحة محدش يجيب حاجة للبيبي وهو رايح أمريكا ، الحاجة هناك حلوة أوي ورخيصة أوي ، واللي يروح باي باي بيبي يعمل تسجيل علي الموقع بتاعه قبل ما يروح هياخد كود خصم 20% علي أول فاتورة مشتريات 

المستشفى والولادة 
 الدكتور بعد المتبعات اللي معاه في آخر متابعة قال لينا نصايح يوم ما قبل الولادة القيصري لان المداد ولدت المرتين اللي فاتوا قيصري وقالنا ياريت تروحوا المستشفى قبل يوم الولادة علشان ندفع مصاريفها   ونفتح الملف هناك علشان منبقاش شايلين هم الكلام ده يوم الولادة ورحنا يوم الأربعاء قبل ولادتنا اللي كانت الخميس وأخدنا حوالي ساعة فتح ملف وتوقيعات ودفع رسوم المستشفى

الولادة 
 سبت ولادي عند الأخت هدير اللي كانت معانا في ميامي جزاها الله خير روحنا يوم الولادة الحمد لله عالموعد اللي الدكتور محدده وعملنا دخول والمستشفي نظيفة جدا بصراحة وحاجة جميلة وطقم التمريض متعاون جدا وبصراحة ناس شايفة شغلها بجد واحترافية ودكاترة التخدير ناس بروفيشنال اوي والحمد لله العملية كانت سهلة وسريعة والدكتور نبيل بجد دكتور شاطر وبلغة أهل الطب تقفيل الجرح تقفيل معلمين

شهادة الميلاد 
 تاني يوم علطول الموظفة المختصة جت لينا عالغرفة لوحدها وملينا الفورم وقالتلي إنتو العرب أساميكو طويلة فإنت عاوز تكتب إسم البيبي إيه ، أنا بصراحة حابب أساويه بإخواته فخليته إسمه خماسي زيهم علشان مايبقاش في فرق خالص ، الكلام ده الجمعة فقالتلي سبت وأحد إجازة تقدر تروح الإثنين تطبع شهادة الميلاد من أي مكان من 3 أماكن قالت عليهم وفعلا يوم الإثنين الصبح لقيت إيميل جايلي علي الإيميل اللي كتبته في الفورم إن شهادى الميلاد جاهزة ’ روحت أقرب واحد ليا حسب ما جوجل ماب طلعلي مين الأقرب وطبعت 4 نسخ علشان عارف إن مصر هتاخد واحدة في الشهادة المصرية إن شاء الله وقلت التلاتة الباقيين للزمن

الباسبور 
 الحمد لله كنت واخد موعد من علي النت أيام النظام القديم لكن حابب أقول إن النظام الجديد فعلا أحسن وأنا قبل ما أسافر أخدت موعد لحد طلب مني والموضوع عاوز شوية صبر بس لكن الموعد مضمون طول في سفر في خلال 14 يوم من الإتصال

روحت علي موعدي ومعايا الورق بتاعي صورة الجواز ليا وللمدام والأصول  وصور تأشيرات أمريكا كنت مصورها إحتياطي ولقيتهم فعلا أخدوها  والأبليكشن وأصل شهادة الميلاد وصورة منها و رقم السوشيال وتذكرة السفر والصورة الشخصية للبيبي اللي عملتها زي ما مهندس ***** ما كاتب علي الموقع اللي فعلا مسابش معلومة مقالهاش وروحت طبعتها من صيدلية CVS ب 39 سنت وإستنيت لحد رقمنا ما جه ودفعنا 190 دولار لأننا كنا طالبين الكارت كمان وعطانا وصل وقال تعالوا إستلموه الساعة 1 الظهر ورحت إستلمته الحمد لله

 العودة 
 كنا حاجزين علي الخطوط التركية لكن للأسف تركيا كانت لسه في قائمة الدول المحظورة للسعودية فغيرت الحجز علي طيران من أفضل طيران العالم اللي هي القطرية بجد حاجة مبهجة والحمد لله دخلت أخدت كراسي الباسينت في الرحلتين عن طريق الموقع وبجد حاولوا تاخدوا الباسينت لأنه حاجة مريحة أوي وبتهون السفر جدا  ،   لكنهم رخمين جدا جدا جدا في وزن الشنط ودفعونا وزن زيادة ومبيسيبوش جرام زيادة لحد لكن جوه الطيارة طقم الضيافة علطول مشروبات وسناكس والطيارة واسعة والكراسي مريحة 

عملنا فحص كورونا في صيدلية أورجانك اللي أستاذ حسن مشكورا كان باعت تفاصيلها بعشرين دولار للشخص والنتيجة بتوصل عالإيميل تاني يوم الساعة 12 الظهر بس ميكونش تاني يوم يوم أجازة علشان تاخدوا بالكم

والحمد لله رجعنا علي الدوحة وقعدنا إستنينا طيارة جدة في صالة رجال الأعمال لأني زي ما قلت معانا بطاقات تيتانيوم ماستر كارد ودي بتخلي وقت الإنتظار في المطار لطيف أوي

ووصلنا جدة بفضل الله والحمدلله في المطار عملوا تأشيرة دخول للبيبي من عندهم وهكمل إجراءات إقامته إن شاء الله عن طريق الجوازات السعودية

وتحت أمركوا في أي إستفسار أو مساعدة في أي وقت وبكرر شكري للمهندس **** علي كل اللي بيعمله ده ، ربنا يجزيه خير يارب

 

التجربة – 8

 تجربة الولادة في ميامي سبتمبر- اكتوبر 2021  
 دكتور نبيل مطر – مستشفى جاكسون نورث 

اولا وقبل كل شي حابة اشكر المهندس على تعاونه ومساندته جزاه الله خيرا وبشكر كل اعضاء الجروب . 
 انا ماكنت مخططة اولد في امريكا اصلا بس كلو كان بالصدفة وكنت محظوظة اني دخلت الجروب .

 كنت ناوية اولد في نيويورك وغيرت على ميامي عشان الجو مش بارد             

السفر 
 كنت حسافر لوحدي وطيران مختلف بس في الاخير اجا معايا زوجي ورحنا على القطرية في الاسبوع 34 وحجزنا بيزنس كانت مريحة سالوني في المطار عن الحمل وقلت ايه وماكانش في مشكلة .                                                     

الوصول
 وصلنا مطار ميامي  وسالنا الاوفيسر عن سبب الزيارة وكان شايف حملي وقلنا ميديكال كير وسالنا شو بنشتغل والفلوس اللي معانا واوراق الدكتور واوراق السكن واخر مرة كنا في امريكا وخلصنا بسرعة ماكان في مشكلة .     

السكن 
 كنت حاجزة مع واحدة سكن ودفعت الفلوس وللاسف لما وصلت كان سيء ولا يليق بامراة حامل فالناس اصحاب السكن كانو كويسين ورجعولنا الفلوس بينما البنت اخدت العمولة 

واضطريت استنى كثير حتى لقينا فندق قريب حجزنا ثلاث ليالي وبعدها رحت استقريت في فندق ثاني شوي اغلى سعره بس نظيف وممتاز والتقيت فيه بنت من الجروب وكان ليا الشرف اتعرف عليهم وانبسطنا خصوصا انو زوجي راح وانا ضليت لحالي .           

اسم الفندق Beachwalk Resort Rentals                            

الدكتور 
 بعثتلوا ايميل واخدنا موعد اول ماوصلنا عملنا كل التحاليل والسونار ودفعت مبلغ الدكتور كامل واخذت  Zero Balance  وكان الدكتور جدا لطيف ومتعاون .ورحت بعدها دفعت للمستشفى كمان.                                   

الولادة 
 الدكتور حددلي يوم اولد فيه واجا زوجي ورحنا المستشفى وكانت جدا نظيفة والخدمة ممتازة والممرضات كويسات وطلعت بالويكند وبعدها رجع زوجي اخد منهم الاوراق .                         

شهادة الميلاد 
 ثاني يوم عدو علينا وملينا البيانات وبعد الويكند راح زوجي استلمها واخذ كذا نسخة منها                                 

 الباسبور 
 حددلي الدكتور موعد اتصلت واخدت موعد مع الجوازات قبل رحلة ب 14 يوم ورحنا واستلمناه يوم قبل الرحلة 

 السوشيال 
 مااستلمتوش تركت عنوان ورح يوصل عليه .
 خلصت الامور بسرعة حتى انو كنت حاجزة السكن شهرين وانا قعدت شهر و١٠ ايام بس لانو كنت مظطرة اروح .

 
الشوبينج 
 رغم انه انا رحت ميامي قبل كدة بس تجربتي كانت غير وانبسطت الحمد لله .كنت حاجزة فندق كان جنبه ستاربكس وكل حاجة ومطعم اوكي حلال و Ross و Walmart و Walgreens وكثير اشياء جنبي كان موقعه ممتاز الصراحة وكان قريب عليا مول aventura فكنت بروح كثير وانبسطت هناك .

وكمان كنت بطلب اكل من مطاعم حلال كبابجي وعلاء الدين وكنت بستخدم ليفت واوبر.    

الاكل و المطاعم 
 بالنسبة للاكل في كذا ابليكشنUber eats  و DoorDash و GrubHub

العودة 
 كانت على التركية واخذت البيبي باسينت وكانت الرحلة مريحة الحمد لله.
 برجع بشكر المهندس واعضاء الجروب على التعاون 😊.

 

التجربة – 9

 

تجربتي في ميامي – سبتمبر – نوفمبر 2021
دكتور نبيل مطر – مستشفى جاكسون نورث

طبعاً اول حاجة شكراً للبشمهندس و كل اللي في الجروب ساعدوا كتير .و طبعا الجروب اللي قالي عليه واحد قريبي كان عنده تجربة ولادة قبل كدة . 

انا بس اللي كان معايا الڤيزا من ٢٠١٩ و زوجي وبنتي مش معاهم و لظروف الكورونا معرفوش يطلعوها و سافرت انا لوحدي مع والدي بس. 

 السفر و الطيران
 سافرت على مصر للطيران من القاهرة لنيويورك و قعدنا في نيويورك اسبوع يعني فسحة وبعدها من نيويورك لميامي. سمعت كتير عن ناس بتشتكي من مصر للطيران بس انا كنت عايزة رحلة مباشرة و تجربتي معاهم كانت كويسة جداً و خدماتهم كانت حلوة و كانوا بيساعدوا جامد، وفي مطار القاهرة كان باين جداً ان انا حامل بس محدش كلمني نهائي و لا سألوني على اي حاجة مع اني كنت مسافرة في اخر اسبوع في التامن و كان معايا ورقة من الدكتور بس محدش سألني عليها و الحمدلله كانت الاجراءات سهلة جداً في مطار القاهرة بس سألوا على ال PCR. 

 
الوصول 
 الحمدلله وصلنا مطار JFK و كانت الامور سهلة جداً و الاوفيسر كان كويس و مسألش على حاجة غير عنوان الاوتيل في نيويورك و كان شايف ان انا حامل و كان واضح جداً و مسألش بردو على حاجة و دخلنا نيويورك.

بعد ما قعدنا في نيويورك اسبوع حجزنا داخلي على American Airlines لميامي و حجزنا الشنط و كله اونلاين و كانت رحلة جميلة و سريعة اخدت تقريباً ساعتين ونص 

السكن 
 حجزت شقة على Airbnb في Beach walk resort في منطقة Hallandale كانت شقة كبيرة اوضتين و ليڤينج و مطبخ و كان المنتجع امان جداً و فيه سيكيوريتي ومحدش بيدخل غير ب access و المكان قريب من عيادة الدكتور ومن المستشفى   وكان جنبنا كل الخدمات تقريباً زي cvs , walmart, walgreens, burlington, Ross ومطاعم و كافيهات كتير و كلها كنا بنروحها مشي و كان جنبنا كمان أڤينتورا مول كان ٥ دقايق تقريباً بالعربية . وكنت باستخدم Lyft في المواصلات كان حلو جداً.

 الدكتور 
 اول مرة تجربة مع دكتور نبيل مطر و بصراحة دكتور محترم و مريح جداً في التعامل و من اول زيارة دفعنا المبلغ اللي يخصه وكان زي اللي في الموقع مافيش اي زيادة خالص 

 المستشفى 
 ‏Jackson North medical center

روحت المستشفى اول زيارة قبل الولادة فتحت فايل و اخدوا كل بياناتي و دفعت كل المبلغ و طلعولي كارت ادخل بيه وقت الولادة في الطوارئ .

ولادتي كانت طبيعي و لما جالي الطلق روحت طوارئ دخلوني على طول و بصراحة المستشفى نضيفة و كويسة و الكل كان مهتم والحمدلله تمت الولادة و كنت شايفة اهتمام كويس بالطفل و الممرضات كانوا كويسين جداً معايا و مع الطفل و دكتور نبيل جه تاني يوم عمل  الطهور للبيبي  . انا ولدت يوم السبت بالليل و تاني يوم جاتلي موظفة شهادة الميلاد و اخدت البيانات و راجعتها معايا على الكمبيوتر وعشان كان الاحد اجازة قالتلي هتبعتها يوم الاتنين و على يوم التلات او الاربع اقدر اروح استلمها . قعدت في المستشفى يومين و كانت المستشفى خدماتها كويسة جداً و جابولي ال medical report بتاعي و بتاع البيبي للغرفة وكل الورق المطلوب تقريباً .. الحمدلله خرجت من المستشفى تاني يوم بالليل.

 شهادة الميلاد 
 المفروض هي بتطلع تاني يوم بس انا روحت اخدتها بعد اسبوع عشان زوجي مش معايا فاستنيت لما بقيت كويسة و استلمتها من مكتب قريب من المستشفى .

 تفويض الأب 
 ده اكتر حاجة اخرتني 

زوجي موجود في السعودية و حجز موعد اونلاين و عمل مقابلة على زوم و

 اول مره  بعتوله صورة من التفويض مختوم علي الايميل و لما طلب انه يتبعتلي الاصل قالوله لا هو كدة بس و الموظف ماكانش فاهم اي حاجة كأنه اول مرة يعمله.. 

طبعت الصوره لما روحت الجوازات طبعاً اترفض

تاني مره  زوجي بعتلهم كتير ارسلوا نفس الصوره اللي بعتوها عالايميل بس هما اللي طبعوها و بعتوها عالبريد و بردو ماكانش ده المطلوب 

تالت مره في الاخر كلمت النوتاري في امريكاً و بعد مكالمة قعدت فيها ساعتين لاني باحاول افهم الموظف انا عايزة ايه مش فاهم و كلمت المدير بردو نفس الحكاية و كأنهم اول مرة يعملوا الموضوع ده و بعد مكالمة طويلة جداً الحمدلله فهموا و بعتولي الاصل  الاصل مختوم و متوقع بحبر و ختم اصلي مش صورة.

الفواتير 
 دكتور نبيل في اول زيارة دفعت و اخدت على طول ال zero bill .. المستشفى روحتلهم بعد الولادة بأسبوعين تقريباً و اخدت منهم zero bill و الموضوع سهل .

 جواز السفر 
 انا شفت ان حجز موعد للباسبور كان سهل جداً الحمدلله و كانوا بيردوا على طول مكنش انتظار كتير .. اول موعد اخدته كان موعد عادي و طبعاً كان فيه مشكلة في التفويض معملتش حاجة اليوم ده و بعدين اخدت موعد تاني كان قبل موعد قبل السفر بيوم الحمدلله .. و كانت الاجراءات في مكتب الجوازات سهلة جداً الحمدلله و اخدت الباسبور سنة واحدة  و قالولي انه السبب عدم وجود الاب و ان التفويض غير كافي و اروح لأي سفارة بعدين اجدده . 

 العودة 
 رجعت من مطار ميامي لنيويورك ترانزيت للقاهرة على مصر للطيران و الحمدلله كانت رحلة كويسة.

 

التجربة – 10

 

تجربة الولاده في ميامي اكتوبر نوفمر 2021
دكتور نبيل مطر-مستشفي جاكسون نورث 

اول حاجة لازم اشكر بشمهندس **** اللي فعلا من غير معلوماته و من غير الجروب دا كنا اتسوحنا بصراحه 😃🙏 و بجد ربنا يجعل المجهود دا في ميزان حسناته 🤲

السفر 
 السفر كان يوم ١٥ اكتوبر من مطار دبي ترانزيت اسنطبول على الخطوط التركيه 

مبدئيا كدا الطيران التركي كويس و كل حاجة بس خدمة العملاء سيئة جدا و المعامله في مطار اسطنبول سيئه و فيه موظفين كتير مش بيتكلمو انجليزي !! 

 

و طلبنا wheel chair يكون موجود في اسطنبول بس كان الموظفين كسلانين جدا و طلبوا مننا الانتظار كتير و طبعا كان مدة الترانزيت ساعتين ف مشينا و روحنا لبوابة السفر ..

 فنصيحه حاول تتجنب ترانزيت اسطنبول لو تقدر 

 نصيحة تانيه للسفر 

 المدام كانت لابسه شراب الضغط لان الرحله كانت طويله و فيه ناس حصلها مشاكل بدونه و اخدت حقنة السيوله قبل الرحله و دي حقنة الدكتور المتابع اداهالها   .. و كمان حجزنا extra leg room seat عشان تكون مرتاحه في حالة السفر economy

خط التليفون 

افضل حل اننا عملنا اشتراك roaming ع الخطوط بتاعتنا لمدة ٣ ايام و دا مهم عشان لما تخرج من المطار تعرف تستخدم النت و ال GPS اول يومين بس وبعدها جبنا خطوط simple mobile من best buy 

تأجير السياره 
 فيه ابليكيشن اسمه QEEQ دا بيجيبلك ارخص شركات التأجير الموجوده يعني عامل زي booking.com بس في تأجير السيارات ..

انا عملت عليه اشتراك جولد ب ٨٠ دولار بحيث تاخد اسعار اقل و دا اشتراك لمده سنه و ممكن تستخدمه في اي مكان في العالم .. 

اجرت العربيه و كان متوسط السعر ٣٠ دولار في اليوم شامل تأمين العربيه نفسها ضد الحوادث او التلفيات او السرقه .. و لكن غير شامل تأمين ضد الغير و طلبوا مني اعمله و كان السعر بتاعهم غالي ب حوالي ١٥ دولارفي اليوم ولكن انا رفضت و هما متكلموش .. لكن دا فيه مخاطره كبيره عشان لا قدر الله لو عملت حادثة و انت الغلطان لازم تصلح عربية الغير و اي حد اتصاب هيتعالج علي حسابك ده غير ان الشرطه لو وقفتك و مش معاك هيسحب منك السياره .. 

انا الحمد لله ربنا سترها معايا و محصلش حاجة لكن نصيحه  لازم تشتري تأمين ضد الغير لان دي مخاطره كبيره جدا 

السكن 
 اجرنا السكن عن طريق airbnb و كان نضيف جدا بس الاستوديو صغير شويه و لكن مكانه ممتاز على البحر مباشرة و بينه و بين الدكتور ربع ساعه بالعربيه 

الدكتور والولاده
 الدكتور نبيل ممتاز جدا جدا و هوا مش بيتكلم او بيشرح كتير و دي حاجة كانت مضايقاني في الاول شويه لاننا عدينا ميعاد الولاده ب تلات ايام و مكانش فيه طلق و انا كنت متوتر عشان خايف اجازتي في الشغل تخلص .. لكن الدكتور نبيل حدد ميعاد لدخول المستشفى و بدأ طلق صناعي و الحمد لله الولاده تمت طبيعي. 

 

 تجربة الطوارئ 

فيه تجربه حصلت معايا عايز اشاركها مع الناس و هيا ان بعد حوالي خمس ايام من الولاده كدا البيبي لقيناه بالليل مش عايز يرضع خالص لمدة ست ساعات بدون سبب و بيعيط كتير ف المدام قلقت جدا و قالتلي لازم نروح الطوارئ نشوف ايه السبب .. هوا البيبي فضل يعيط و بعدين نام و احنا لما روحنا الطوارئ و شرحنا الوضع .. الدكتور في الطوارئ اقترح اننا نصحيه من النوم و تحاول ترضعه .. الحمد لله البيبي رضع طبيعي جدا و لا كأن فيه اي حاجة 😃🤦🏼‍♂️ 

روحت بعدها اطلب ال zero balance من المستشفى قالولنا لا مش هينفع الا لما نشوف فاتورة الطوارئ هتكون كام و دي هتطلع بعد ١٠ ايام و احنا هنكون مسافرين .. المهم كلمنا دكتور نبيل و قعد يلومنا كتير اننا روحنا الطوارئ بدون داعي و قالنا خلاص انتظروا فاتورة الطوارئ بس غالبا هتطلع بمبلغ كبير حوالي ٢٠٠٠ او ٣٠٠٠ دولار مع انهم معملوش اي حاجة تماما 😃 ..  لما رجعنا اتواصلنا مع المستشفى الحمد لله الفاتوره كانت ٨١٩ دولار و عملو خصم ٧٠٪؜ عشان الولاده كانت في المستشفى و المبلغ بقى ٢٤٥ دولار 

 

الدرس المستفاد هنا بلاش تروح الطوارئ الا لو حالة مضطر فعلا .. لكن غير كدا حاول تتجنب انك تدخل الطوارئ و تروح عيادات Urgent Care افضل خصوصا لو مكونتش لسه اخدت ال zero balance 

 

 شهادة الميلاد و الباسبور  

هنا هقول كام نقطه: 

• دا اللي انا عملته و طلعت الباسبور بسرعه جدا الحمد لله .. يعني الولاده كانت يوم الخميس و شهادة الميلاد الجمعه و الباسبور يوم الاتنين

فضل انك تطلع كذا نسخه من شهادة الميلاد  و النسخه الزياده ب ١٩ دولار- 

افضل ميعاد للاتصال لحجز ميعاد الباسبور بدون انتظار طويل ع الخط .. انك تتصل الساعه ٧:٥٩ الصبح و انا كنت بتصل كذا مره اسأل علي حاجات و كان الخط بيجمع معايا فورا عشان بتصل الساعه ٧:٥٩ قبل ما يفتحوا بدقيقة

موضوع حجز موعد الباسبور قبل الولاده دا بينفع جدا في حالة الولاده في ميامي لان شهادة الميلاد بتطلع تاني يوم الولاده بنسبة ١٠٠٪؜ لكن في ولايات تانيه في ناس بتقول اسبوع او اكتر 

من قراءة تجارب الناس غالبا افضل ولاية في سرعة استخراج شهادة الميلاد – و دا اهم خطوه في الرحله كلها – هي ميامي .. فنصيحتي لو بتقارن تعالى ميامي افضل كتير من ولايات تانيه  الا لو عندك اسباب تانيه زي يكون ليك قرايب في ولايات تانيه او كدا لكن ميامي من الاسرع الولايات في الاجراءات 

 

 الاكل 
 محلات السلام : لو بتدور علي اكل حلال و اسعاره معقوله في ميامي روح محلات السلام و دا افضل واحد فعلا في اللحوم و الفراخ و كدا

انا بصراحه بعد فتره كان مشوار محلات السلام بعيد حوالي ٤٥ دقيقه عن السكن ف بدأت اكل اكل عادي 

افضل حاجة شراء اكل مطبوخ جاهز من publix او وول مارت لكن المطاعم غاليه شويه بإستثناء ال fast food طبعا اسعاره رخيصه 

احسن اكل fast food كان محل chick fill-a الفراخ بتاعته عظيمه الصراحه 😃

 كاش او كريديت كارد 

انا كنت محتار اخد معايا كله كاش ولا استخدم الكريديت كارد و عملت الحاجتين و لقيت ان الكريديت كارد صحيح بتحسب صرف العمله اعلى شويه لكن معظم الكريديت كارد بيكون فيها cash back و دا بيكون تقريبا مقابل فرق العمله وبالتالي مفيش فرق بين الكاش و الكريديت كارد في الحاله دي لان اللي هتخسره فرق عمله هتاخده كاش باك ..  طبعا انا هنا بتكلم علي الناس اللي هتسافر من الخليج .. لكن لو مسافر من مصر بلاش تستخدم الكريديت كارد لانها مكلفه و حاول تاخد كاش معاك يغطيك السفريه كلها 

 الاحتفاظ بكل فواتير الشوبينج 

مهم جدا الاحتفاظ بكل فواتير الشوبينج لان احيد هتحتاج ترجع حاجات في الاخر .. انا فيه فواتير ضاعت مني و للاسف معرفتش ارجع بس وافقوا اخد حاجات مكانها 

 تصوير البيبي 
 افضل حل تصوير البيبي في البيت و استخدام اي برنامج مجاني لعمل خلفية بيضاء و خد الصوره ل wal greens يطبعوها 

انا روحت ل تلات فروع walgreens و معايا البيبي عشان يصوروه و معرفوش و في الاخر صورته في البيت و مشي الحال الحمد لله 

 حجز تذكرة البيبي و الاسترولر 

حجز التذكره من المطار علي ال counter بس حاول تروح بدري و كمان احجز كرسي leg room عشان يركبوا basinet للبيبي 

الtravel system كله بيطلع الطياره خارج الوزن و ممكن تطلب انك تستلمه على باب الطياره اول ما توصل او حتى لو نزلت ترانزيت تستلمه في اسطنبول مثلا و تستخدمه و تستلمه تاني في القاهره على باب الطياره

 

 التجربة – 11

 تجربة الولادة بميامي سبتمبر- نوفمبر 2021
 دكتور نبيل مطر- مستشفي جاكسون نورث 

 

أولا وقبل كل شيء أود تقديم شكري للمهندس ***** و جميع أعضاء المجموعة الذين لم يبخلوا علينا بأي مساعدة كما أنهم كانوا خير سبيل للتعرف على سيدات و أخوات من مختلف البلدان العربية.  

بدأت تجربتي في الولادة بأمريكا بمجرد فكرة راودتني انا و زوجي و تمت الحمد لله بفضل الله و بفضل تشجيع المجموعة و موقع توتال كير. 

 

قمت بمراسلة الدكتور نبيل مطار لتحديد موعد فارسلت لي مساعدته إيميل لتاكيد الموعد قمت بحفظه عندي خلال يوم السفر؛ 

 السفر 

سافرت و زوجي خلال شهر سبتمبر 2021 الى الولايات المتحدة الامريكية و بدأت بنيويورك كسياحة ثم سافرنا إلى ميامي.

الرحلة كانت الرحلة من المغرب إلى نيويورك طويلة ثم اجراءات الهجرة بالمطار تمت بسهولة و لله الحمد.   

السكن 
 صراحة يجب البدأ بالبحث قبل السفر بمدة محترمة من أجل الحصول على فرص سكن ملائمة من ناحية بعد الموقع عن عيادة الدكتور و كذلك الاسعار. 

بالنسبة لنا استاجرنا شقة بريزورت على الشاطئ بهوليوود قرب ميامي وعلى بعد 35 دقيقة من عيادة الدكتور.

 
الدكتور 

قبل زيارتي للدكتور اول مرة كنت خائفة جدا لكن بعد اول كشف من الدكتور بدات اشعر بالراحة. 

الدكتور متفهم و طيب و بيعطي وقت؛ قمت بدفع تكاليف الدكتور خلال أول زيارة و اخذت في الحال Zero Bill

بناء على تعليمات الدكتور، كنت اذهب عنده للعيادة مرة كل اسبوع  لغاية يوم الولادة. 

قامت مساعدته باخذ كل عينات الدم بالعيادة   من أجل التحاليل المخبرية (Lab Analysis)  وكتبلي على فيتامينات. 

 

 المستشفي 

 بعد الزيارة الأولى عند الدكتور، ذهبت للمستشفى سجلت بياناتي و دفعت كل التكاليف مسبقا بناءا علي رغبتي

 طلبت أن أقوم بزيارة جناح الولادة لكن لم يكن ذلك ممكنا بسبب الكورونا وحتى إجراءات الادارة و الحسابات لم يسمحوا لزوجي بالدخول بل فقط شخص واحد.. 

وصلت  الأسبوع 41 ولم أحس ب باية طلق او انقباضات للولادة ولا اي أعراض أخرى للولادة فطمأني على ذلك لكنه اخبرني انه لازم أعمل طلق صناعي   وأخبرني الدكتور إن بعد يومين سوف تكون الولادة إن شاء الله, وسبحان الله  بعد يوم ونصف   أحسست بانقباضات متكررة و قوية فذهبنا أنا و زوجي إلى  Jackson North Medical Center بعد منتصف الليل وتمت الولادة فاليوم التالي الحمد لله. 

بعد الولادة لم نتمكن من أخذ Itemized Bill لأنه كان علينا أن نرجع للمغرب الذي قام بإغلاق الحدود بسبب كورونا، طلبت منهم انهم يرسلولي للمغرب لكني لم أتوصل بشيء.

 
السيارة 

 استأجرنا سيارة من عند سيدة اخذت بياناتها من المجموعة وكانت فعلا أحسن وسيلة للتنقل  وأشكرالمهندس    و الاستاذ **** على Contact details

 شهادة الميلاد 

 جاءت عندي موظفة شهادة الميلاد  في اليوم  الثاني من الولادة و كانت متفهمة و كان من الممكن إنها تعطيني شهادة الميلاد  في نفس اليوم بس قولنالها إننا محتاجين اكتر من نسخة فاقترحت علينا أننا ناخذها من مكتب قريب من عنوان السكن.

 الباسبور 

بالنسبة للباسبور صراحة أخذنا موعد بصعوبة و اضطرينا نغير موعد الطائرة بس أخذنا الباسبور في نفس اليوم. 

 الخلاصة 

كانت تجربة جميلة جدا و أحسن مغامرة ناجحة بحياتي  و الله يسهل على الجميع و يجازي عنا المهندس كل خير ويباركلو في أولادو ببركة كل مولود جديد يساعد في ولادته.  

و يشرفني أن أبقى رهن إشارة المجموعة للمساعدة أو الإجابة على أي سؤال.

التجربة – 12

 

تجربتنا للولاده في ميامي أكتوبر-نوفمبر 2021

 د نبيل مطر – مستشفي جاكسون نورث 

اولا بشكر البشمهندس **** وكل اعضاء الجروب على تعاونهم الجبار ويجزيهم كل خير فعلا

السفر 

اختارنا ميامي علشان الاوراق مش بتاخد وقت والإجراءات سهلة و في مكتب جوازات في ميامي ، زوجتي سافرت مع طفل ٨ سنين

وبميامي الكل نصح بالدكتور نبيل مطر تواصلت معه بالايميل باسم زوجتي وموعد الولادة المتوقع وحدد بالايميل موعد لاول زيارة و مواعيد متابعة معه فترة اقامت زوجتي بامريكا

 الطيران 
 كان عندي خيارين اما الطيران القطري او الطيران التركي 

القطري الناس خوفتنا علشان الاجراءات و انهم بيغلسوا ساعات و كمان كان عدد ساعات الطيران اطول.

اختارت الطيران التركي ترانزيت اسطنبول ثم لمطار ميامي الدولي الرحله استغرقت 14 ساعه تقريبا

الرحله كانت كويسه بس الاكل كان سئ 

الترانزيت كان ساعتين و كان مناسب

نصيحه اطلبوا wheel chair

 الوصول 

زوجتي وصلت مطار ميامي والاوفيسر كان لطيف وسألهم رايحين  فين و مكان السكن و معانه فلوس اد ايه ،  

 السكن 
 حجزت شقة  من موقع  airbnb فضلت ادور كتير لحد ما لقيت سعر مناسب في منطقة Hallandale beach كانت نضيفه وقريبة جدا لكل شئ وموقعها قريب للدكتور والمستشفى حوالي 15 دقيقة

   انا أجرت سياره من واحده جبت نمرتها من الجروب و كانت محترمة جدا وبنصح الجميع يتعامل معها وعندها انواع سيارات كتير بسعر ممتاز وتأمين شامل.

 

 الدكتور 

د.نبيل مطر دكتور خبرة وشاطر وزوجتي كانت خايفه جدا  بس وقت الولاده كل شئ كان منظم،  الدكتور شاطر ومحترم وبنصح بيه 

 المستشفى 
 المستشفى كويسة  .. طاقم التمريض محترم و متعاون ماعدا واحده بس 🙂…

شهادة الميلاد 
 شهادة الميلاد في ميامي بتطلع تاني يوم الولادة وبستلمها من مكتب قريب للمستشفى و طلعت ٥ نسخ.

 
الباسبور 
 حجزنا ميعاد في ميامي بالتليفون ووقتها كان الموضوع صعب جدا كل المواعيد مش متاحه لمده اسبوعين (حاليا المواعيد بقت اسهل)

انصح بالاتصال من ٨ الصبح علشان تلاقوا   ميعاد بسهوله

نصيحه ابدأ احجزه معاد من قبل الولاده لو معروف ميعاد الولاده.

 الفواتير 
 دكتور نبيل بيستلم كل المبلغ  في اول زيارة و بيديك فاتورة zero bill للمتابعة والتخدير ودكتور الاطفال في فاتورة واحدة. 

المستشفى بتاخد zero bill يوم الخروج والفاتورة التفصيلية استلمتها بعد اسبوع من المستشفي.

 العودة 
 عملت فحص كورونا و عملت بالمجان في cvs و في المطار الشركه التركيه رفضت ال pcr لانه من غير qrcode و فاتت الطياره و حجزنا في طياره تانيه في نفس اليوم بليل و جلسنا في المطار ١٢ ساعه.

في فالمطار pcr with qr code تكلفه الشخص ١٧٥ دولار للاسف غالي بس عملناه و بيطلع بعد ٤٥ دقيقه.

ووصلنا الحمد لله مطار اسطنبول وكانت رحلة موفقه الحمد لله، حجزنا العوده first class علشان زوجتي تعبت في الذهاب، و حجزت للرضيع تذكره من الخطوط التركيه في مصر فرع التجمع.

أخر حاجه بشكر الجميع لتعاونهم وبتمنى التوفيق للجميع واي حد محتاج اي استفسار او مساعدة  انا جاهز شكرا.

 

التجربة – 13

تجربة الولادة بميامي أكتوبر- ديسمبر 2021
 دكتور نبيل مطر- مستشفي جاكسون نورث 

بسم الله، التجربة دي مختلفة شوية، على الرغم إنها مش الأولى لينا، لكن مشيت بشكل مفاجئ ومختلف عن التجارب السابقة، وعلى كل الأحوال طبعاً نحمد ربنا ونشكر أفضاله وستره وتيسيره.

 

بالتأكيد شكرنا للمهندس *** والجروب الجميل، كان فيه مواقف فاصلة الجروب أنقذنا فيها، كما سيرد ذكره لاحقاً 🙂

السفر

بالنسبة للطيران سافرنا على الخطوط السعودية. جدة نيويورك، نيويورك أورلاندو

كانت الحقيقة رحلة جميلة ومريحة.

قضيت أول أسبوعين تقريباً في فنادق في أورلاندو وبعدها كنت جايب سكن في ميامي شقة اوضتين في كومباوند في منطقة إسمها Hallandale Beach

السيارة
 بالنسبة للمواصلات فأنا قضيتها تأجير فترة إقامتي هناك، من تورو، وبعدها من شركات تأجير

بدأت الرحلة في أكتوبر 2021 لظروف اضطرينا نسافر بدري،والولادة كانت المفروض في بداية فبراير 2022

كانت الأمور تمام جداً ورحنا زيارة للدكتور؛ وزيارة كمان، وفي بداية ديسمبر كان لازم أسافر وأسيب مراتي مع بناتنا لوحدها، وشفت كام حل لوقت الولادة وكان منهم:

 خدمات الـ Sibling doula

ودي بتكون شركات او اشخاص مسؤولين عن الأطفال وقت ولادة الأم، فيه منهم بيكون مسؤول عن ساعات النهار، وفيه الليل، وفيه طول اليوم.

لقيت أكثر من شركة متخصصين في الموضوع دا، واستلمت تقريباً عقدين وقلت أشوف الأنسب منهم وقبل الولادة على طول نتفق معاهم.

– فيه حل كمان موثوق بشكل أكبر هو موقع  care.com ..  مشكلته ان أسعاره ممكن تبقى أغلى شوية لأنه بيحاسب بالساعة.

الدخول الطارئ للمستشفي
 بعد سفري بأسبوع تقريباً، حصل نزيف لمراتي مع مغص ومية مش كتير وكلمت الدكتور قالها تروح مباشرة للطوارئ، وقتها كان فيه أزمة كبيرة جداً بسبب أن الأطفال مفيش حد معاهم، وحاولت اتصل بالشركات اللي كان المفروض ييجوا وقت الولادة بس قالولي ان خدماتنا غير طارئة ولازم تنسيق قبلها

وقتها ربنا رزقنا بإثنين من الملائكة، أستاذ ساهر وزوجته، شافوا طلبنا على الجروب وتواصلوا معايا مباشرة، كانت مراته لسه والدة من أيام، ومع ذلك نزل فوراً ووصل مراتي المستشفى وأخد البنات واعتنى بيهم جداً، والحقيقة مع صعوبة الموقف الصحي وقساوته لكن كان ليهم فضل كبير بعد ربنا أننا نتجاوز الايام دي.

وصلت المستشفى مراتي، وراحلها الدكتور، اكتشف ان حصل ثقب في كيس الحمل، وكنا لسه في الاسبوع 32 ، يعني بداية التامن أيوا.

والقرار الطبي وقتها كان انها لازم تقعد في المستشفى تحت المتابعة لأطول فترة علشان يحافظوا على البيبي في الرحم، وفي حالة حصل طلق أو حصل عدوى لازم يولدوا بغض النظر عن حالة الجنين.

وقالنا أن في الحالات دي بنولد في الاسبوع الـ 35 حفاظاً على صحة الأم والجنين.

أخدت وقتها حقنة الرئة، وفضلت حوالي 3 أيام تحت المتابعة في الطوارئ، ونظراً لوضعها النفسي والبنات في بعدهم عن مامتهم اقترحت أنها تقدر تتابع حالتها في البيت، وخرجت من المستشفى على مسؤوليتها وعلى وعد أنها لو حصل اي آلام او الحرارة ارتفعت ولو جزء بسيط لازم تتوجه مباشرة للطوارئ، وتروح الموعد في عيادة الدكتور بعد حوالي 5 أيام.

البيبي سيتر

كنت وقتها اتفقت مع بيبي سيتر من موقع اسمه  SitterCity  .. الموقع كويس كمجتمع تلاقي فيه جليسات، لكن هو فقط يعرفك عليهم والتعامل بيتم بالكامل خارج الموقع، ولأنه كان الحل الوحيد الجاهز قدامنا قررنا نتوكل على الله وأخدنا أوراق البنت واتفقنا معاها تقضي مع البنات كل يوم ساعة او اتنين بالإضافة للثلاثة أيام ولادة

مرت الخمس أيام بحركة قليلة، وكان مع أي حركة كعطسة أو حركة مفاجئة بتبدأ تنزل شوية مية..

 الولاده
 على فجر يوم المتابعة عند الدكتور، جالها مغص بدأ خفيف، واستمر في الزيادة وعليه قررت تروح للطوارئ بعد مكالمة الدكتور.

وراحت الطوارئ وطلع طلق، والرحم فاتح، وكنا في بداية الأسبوع ال 33 وولدت وأخدوا البيبي مباشرة للحضانة، الحمد لله كانت حالته بتتحسن يوم عن يوم، قعد أقل من أسبوعين بشوية وسمحوا انه يخرج.

شهادة الميلاد 
 بتكون متاحة تقريباً في نفس يوم خروج الأم أو ثاني يوم ولادة، واستلامها بيكون سلس وسريع.

جواز السفر

كنت عملت تفويض من موقع usvirtualnotary الطريقة الموجودة على الجروب والموقع، ولما جيت اوقع قدام الموظفة، قالتلي فيه ملحوظة إن احتمال التفويض لا يقبل.. وإن الموضوع دا بالكامل حظ، وسبب عدم قبوله هو إن التوقيع بتاعي هيكون مطبوع؛ مش توقيع حي.

جاء في بالي وقتها حل، إني اوقع، وأبعت الأوراق عليهم وهم يصادقوها ويبعتوها. وبكدا تكون جميع التواقيع حية. وفعلاً بعتها بأرامكس، وصلت في حوالي 5 أيام لان كان في النص يومين تقريباً أجازة.

والحمد لله صدر الجواز بشكل سليم.

 

يوم إصدار جواز السفر، مراتي حسن شوية بآلام زي الشد العضلي في رجلها الشمال، وكملت المشوار عادي وروحت، وكان موعد طيارتها فجر اليوم التالي، ولاحظت ساعتها تورم، طبعاً قلقنا واتصلنا بالدكتور، واستشرنا الحقيقة أكثر من طبيب وقتها وكلهم اجمعوا إن لازم زيارة الطوارئ فوراً.

أجلنا الرحلة، ونزلت الطوارئ، وكلمنا البيبي سيتر تيجي على المستشفى علشان تاخد البنات

عملوا الأشعة وطلعت للأسف جلطة في الفخذ، وقعدت حوالي يوم في الطوارئ وأخدت العلاج وبرضه خرجت على مسؤوليتها، وقررنا أن الحل أنها تسافر وترجع في أسرع وقت، ونكمل العلاج هنا.

لكن للأسف مع طول الرحلة، وبالرغم من تلقي العلاج حصل أن الجلطة تمددت شوية لحد البطن وحالياً في متابعة الحالة مع المختصين.

الفواتير

أخيراً حسابات المستشفى بالنسبة لمستشفى جاكسون نورث في ميامي، طالما الولادة تمت في المستشفى بيكون فيه خصم 

70% على الفواتير اللي بتصدر للأم في الطوارئ

وفلوس الحضانة مفيش فيها أي نقاش لانها أساساً مكتوبة في الـ Flat Rate اللي فيه أسعار الولادة، وهي 1350 دولار لليوم.

 

التجربة – 14

 تجربة الولادة في ميامي   يناير – فبراير 2022
دكتور نبيل مطر – مستشفى جاكسون نورث 

اولا وقبل كل شي حابين نشكر المهندس على تعاونه ومساندته جزاه الله خيرا وبشكر كل اعضاء الجروب . 

 اختارنا ميامي عشان الجو كويس  بميامي في الوقت ده من السنة وكان الحمد لله ربنا موفقنا في الاختيار ده والجو طلع صيف وربيع هناك

 السفر 
 حجزنا الاسرة كلها الزوج و الزوجة و الاولاد على القطرية وبعتنا على الايميل medical certificate  بعدد الاسابيع والوضع الصحى   medaccc@qatarairways.com      ووافقوا عليها قبل السفر ب3 ايام  لان فيه ناس خوفت من الطيران القطري لكن الامور كانت تمام خصوصا ان الاماراتيه قفلت يوم ماحجزنا بسبب الكورونا والطيران البريطانى كان رحلته طويله جدا جدا  ودول اللي كانوا متاحيين وقتها المهم  الرحلة بدأت من الرياض و كان البوردينج سهل و سلس و الرحلة جميلة و مريحة لكن طويلة شوية المباشر من الدوحة لميامي 17 ساعة متواصلة  طاقم الطائرة من المضيفات كانوا متعاونين. 

                                                     

 الوصول  

 وصلنا مطار ميامي  وسالنا الاوفيسر عن سبب الزيارة  وسالنا على   شغلنا والفلوس اللي معانا و السكن واخر مرة كنا في امريكا وخلصنا بسرعة ماكانش فيه مشكلة خالص بالعكس كان مرحب بدخولنا و مرح معانا. 

 السكن 
 كنا حاجزين شقة فى كمبوند olympus عن طريق احد الزملاء بالجروب  استاذ محمد جزاه الله كل خير كان زوجته و اولاده موجودين بالشقة قبلنا و حجزناها من بعدهم و كان السكن مريح و مناسب للاسرة شقة غرفتين و صالة و حمامين و بها كل الخدمات المطلوبة وقريبه من عياده دكتور نبيل 

 الدكتور 
 كنا بعثنا ايميل واخدنا موعد قبل السفر و اول ماوصلنا عملنا كل التحاليل والسونار ودفعنا مبلغ الدكتور على زيارتين   واخذنا  Zero Balance  من الدكتور   وكان الدكتور ممتاز ومتعاون جدا معانا و حدد ميعاد الولادة على الاسبوع ال39.

وهنا عايز اشكر دكتور نبيل شكر خاص بجد لانه شخصيه محترمه واتعامل مع حاله زوجتى بشكل professional   وطمنا للوضع الصحي لانها كان عندها ورم حميد متضخم في الرحم والدكتور في السعوديه كان مخوفنا من السفر ومن الولاده وان احتمال كبير تشيل الرحم وتحتاج نقل دم وده بفضل الله ثم دكتور نبيل محصلش والعمليه كانت سهله ومحتاجتش نقل دم الحمد لله 

 
الولادة 
 الدكتور حدد يوم الولاده  ورحنا المستشفى قبلها بيومين عملنا admission  زي الاتفاق مع الدكتور و المستشفى كانت نظيفة والخدمة ممتازة والممرضات professional و الولادة كانت قيصرية  والحمد لله ربنا رزقنا بمريم ,

 دفعنا يوم الولاده  و قعدنا 3 ايام بالمستشفى الدخول يوم الاثنين و الخروج يوم الخميس لكن ممنوع دخول الاطفال   لكن بيدخل مع الام مرافق واحد الزوج   و الحمد لله الامور كانت كويسة جدا بالمستشفى و اخذنا الزيرو بيل و احنا خارجين من المستشفى, لكن المستشفى رافضه تدينا itemized bill معرفش ليه وانا كنا واخدنها في الولاده اللي قبل دي بس من ولاية تانية.             

 
شهادة الميلاد 
 ثاني يوم عدت علينا المختصه بشهادات الميلاد فى الغرفه وملينا البيانات واستلمناها تاني يوم مباشرة من مكتب التسجيل قبل خروج الزوجة من المستشفى  واخذنا كذا نسخة منها 

                                

 الباسبور 
بعد ما حدد لنا الدكتور موعد الولادة اتصلت قبل الرحلة ب14 يوم واخدت موعد مع الجوازات ورحنا على ميعادنا و معانا البيبي و الام و الاب و ملينا هناك الابليكيشن ( ملحوظه ممكن تملاه اونلاين او بخط اليد قبل ما تروح مش شرط من هناك )

 و كنت مصور البيبي و طابعين الصور جاهزة معانا من CVS   شافوا ميعاد الرحلة و جوازاتنا و اعطونا موعد لاستلام الجواز تاني يوم الساعة 12 ظهرا واستلمناه  قبل الرحلة بيوم  و كانت الامور ميسرة و ممتازة 

الشيئ اللي نسيته للاسف هناك اني كنت اجدد جواز سفر ابني بالمرة و انا هناك مر عليه 3 سنوات ما كنت اعرف ان هناك امكانية تجديد جواز السفر قبل مدة من انتهائه و كان يبقى تجديد الجوازين بعد كده بميعاد واحد

 السوشيال 
 مااستلمتوش ووصل علي  العنوان  بعدها ب3 اسابيع و احضره لي احد اعضاء الجروب من امريكا  استاذ احمد مقيم معانا بالرياض ايضا كنا تعرفنا عليه عن طريق الجروب وكانت معرفه خير الحمد لله.

بالنسبة للولادة الماضية كنا طلبناه و لم يصلنا السوشيال فاول ما روحنا حجزنا موعد بالمكتب السوشيال و روحنا استلمناه منهم و جالنا بخطاب على السكن بعدها باسبوعين و الحمد لله. 

الشوبينج 
اول مرة كنا نروح  ميامي بس تجربتنا كانت مميزة وانبسطتنا الحمد لله .كنا حاجزين الشقة في Olympus resort  قريبه من   Walmart و Ross وberlington و target  وكان جنب برلنجتون مطعم تركي فيه اكل حلال وكان موقعه ممتاز الصراحة وقريب  وكان قريب لينا مول aventura فكنا بنروح هناك واشترينا من apple store   موبايلات ليا ولزوجتى 

وروحنا sawgrass mall  فيه اوت ليت لمركات كتير واسعارها حلوة جدا بس خدوا بالكم من الموظفين الاسبان انهم بيحسبوا الخصم صح على السيستم  

وكمان كنت بطلب اكل من مطاعم حلال زى زعتر وعلاء الدين 

بالنسبه لصلاه الجمعه كانت بالمركز الاسلامي بميامي وده كان جميل جدا ومريح نفسيا 

بالنسبه للسياره كنا  مأجرين سيارة كبيرة هوندا 7 SEATS   و كانت التحركات سهلة جدا و السيارة مريحة

 روحنا يوم orlando  وزورنا Walt Disney world و ركبنا هليكوبتر كفسحه للاولاد فوق Disney باورلاندو 

 كمان الاولاد كانوا مستمتعين بشواطئ ميامي في Hallandale beach  

 الاكل و المطاعم  

بالنسبة للاكل في مطعم علاء الدين وزعتر كان حلال و فيه مطعم جنبنا ايضا كنا بنجيب منه اكل حلال بجوار برلنجتون و كنا ايضا بنعمل اكلات سريعة بالبيت لان كان المطبخ فيه معظم الاحتياجات كنا بنجيب سي فود و اسماك و بيتزا و لحوم حلال من مطعم علاء الدين نعملها بالبيت 

 ومطاعم الاسماك كتير هناك وكويسه وبيتزا هت وماك معقولين 

 العودة 
 يوم العودة و اجهتنا مشكلة بسيطة ان خطوط الموبايلات وقفت لان الشهر كان انتهى ساعتها  و كان اكتر يوم مرهق بصراحة و بنشكر استاذ احمد صديقنا من الجروب بصراحة ساعدني يومها كتير (بعد ما اتفقنا على السيارة اللي توصلنا المطار اعتذر باخر لحظه ) وبمساعده استاذ احمد فتحلي هوت اسبوت حجزت بيه اوبر للمطار و استاذ احمد طلع معانا ايضا بسيارته للمطار 

و كنا مسافرين العودة على القطرية و كنا حاجزين المقعد امام الباسينت من اول ما حجزنا ذهاب و عودة و روحنا المطار متاخر شوية و اتعطلنا شوية لانهم كانوا خايفين ان الزوجة عاملة قيصري من 10 ايام و اتصلوا بالمركز الرئيسي بالدوحة لاخذ الموافقة على سفرها و بلغناهم ان الامور كويسة و مفيش اي اعراض خطيرة و بعدين اتعطلنا لمراجعه الاقامات و نظام مقيم على السيستم ثم  بداوا بحجز تذكرة البيبي و اخذت وقت كتير  على الكاونتر و كنا اخر ناس نطلع الطائرة لكن سهلوا لنا الخروج من ال FAST TRACK علشان الطوابير  فالافضل انك تحجز التذكرة للبيبي بدري قبل  ميعاد الرحلة 

و الحمد لله سافرنا في الرحلة كانت اقصر من الذهاب و الامور كانت ميسره  

برجع بشكر المهندس**** كثير الشكر وكل اعضاء الجروب اللي قمة في الاحترام و الرقي والتعاون الدائم  .

 

التجربة – 15

 تجربتنا في الولاده في فلوريدا 19 فبراير –   2 ابريل 2022
دكتور نبيل مطر  مستشفي جاكسون نورث 

في البداية بشكر بشمهندس ***** جدا جدا جزاه الله كل خير علي تعاونه واستجابته لأي تساؤلات في اي وقت وبشكر اي حد عالجروب ساهم بأي معلومة ولو بسيطة 

قبل السفر تم التواصل مع دكتور نبيل بالايميل وكان سريع جدا ماشاء الله فالرد وبعت مصاريف الولادة بالنسبة له للمستشفي وكل التفاصيل وافضل وقت للسفر 

 

 السفر 

كان في الاسبوع  35

 الطيران 
 الاتحاد من مسقط ل ابو ظبي ل شيكاغوا ل ميامي 25 ساعه وسبب اختيار الاتحاد ان الجوازات امريكا موجوده في ابو ظبي وده كان اختيار غير موفق ما انصحش حد بيه .

 

كنا مجهزين تقارير الحمل وطلبوها مننا في المطار وفي الجوازات وكمان طلبو مننا ايميلات التواصل مع الدكتور ومكان السكن.

 جوازات امريكا في ابو ظبي 

الاوفيسر سال قد ايه هتقعدو وسبب الزياره وقلنالهم الولاده ودخلنا تحقيق وسالونا نفس الاسئله وقلنا هنولد هناك رخمو شويه بس في الاخر لما شاف الوظيفه في الباسبور  ختم 6 شهور وقالي لازم تجيبو zero bill وانتم راجعين 

 الاقامة 
 استوديو غرفه وصاله في North Miami beach من airbnb وكنا بنتمشي للدكتور ول Walmart المكان كان 5 دقايق بالعربيه من المستشفي. 

 الدكتور 
 الميعاد بعد الوصول بيومين والحقيقه الدكتور هايل جدا من ناحيه التعامل والبساطه والنصايح وبيسمع للاسئله وباطمئنان ويشرح الحاله كامله ومستمع جيد جدا جدا .

 الولادة 
 كانت بعد تمام الاسبوع ال 38 لان تحاليل زوجتي كانت نسبه الصفايح الدمويه بتقل كل اسبوع والدكتور قرر انه يولدها بدري اسبوع فروحنا المستشفي وكانت كل حاجه مترتبه.

 المستشفي 
 الحقيقة من اول لحظة لاخر لحظة فالمستشفي لقيت قمة الاهتمام والادب والناس ودودين جدا والتمريض شاطر جدا .

تاني يوم الصبح جت موظفة شهادات الميلاد وخدت كل البيانات مننا واتاكدنا ان كل البيانات صحيحه وطلبت منها ان اطبعها في نفس اليوم وفعلا عملت submit  وكمان اديتنا ايصال social security number 

قعدنا في المستشفي يومين وخدنا zero bill واحنا ماشيين وتقارير البيبي ومراتي وبعدها باسبوع أخدت ال itemize bill.

الدكتور كان يوميا بيعدي علينا يطمن .

 شهادة الميلاد 
 طلعت بعد الولاده بيوم واحد بعد ما اتاكدت ان الموظفه اخدت كل البيانات . 

 

 روحت تاني يوم مكتب شهادات الميلاد وطبعت 5 نسخ في نفس اليوم

الباسبور
 اخدنا معاد قبل رحلتنا ب 12 يوم وكان الموضوع سهل جدا مليت الابلكيشن وخدت صور الجوازات ليا انا ومراتي و اخدنا بنصيحه البشمهندس في صوره البيبي وطبعناها في Walgreens وباقي الورق طبعته في  Fedex Office   

 

 رحلة العودة 
 تذكرة البيبي حجزناها بالتليفون وتمنها بالظبط   220دولار.

فيزا لدخول البيت لسلطنه عمان عملتها في نفس اليوم وكنت اقدر ادخل بالبيبي بفيزا عند الوصول

لما وصلنا كانت كل الشنط موصلتش ودي كانت مشكله كبيره ودي عادة مشكله طيران الاتحاد بس الحمد لله وصلت كلها بعد 6 ايام.

 ملحوظة 
 ماحدش طلب مننا pcr طول الرحلة الحمدلله واكتفوا بس بشهادة التطعيمات ولا انصح حد يروح بطيران الاتحاد الافضل القطريه لو حابب يروح فلوريدا .

 

 التجربة – 16

 

تجربة الولادةفي ميامي من يوليو – سبتمبر 2022

عيادة دكتور نبيل مطر – مستشفى جاكسون نورث

السفر 
 كان من قطر على القطريه، والسفر كان بالاسبوع ال ٣٤ وسالونا عالكاونتر ازا كنت حامل وجاوبت بنعم وشافوا معانا الاوراق و التقارير الي طالبينها بالموقع ومرقونا ما حكولنا شي. 

 

الوصول 
 سألنا الاوفيسر عن سبب زياره قلنالو سياحة وميديكال كير سالني باي اسبوع حاليا وجاوبتو سألتا عن مكان الاقامة وبس. 

 

المواصلات
 كان اغلبو اوبر او ليفت

 

السكن 
 صراحة غيرنا كزا سكن عشان كانت اول تجربه النا وما كنا حابين نحجز مكان واحد بس وبدنا نشوف البلد 

– Residence Inn Hotel by Marriot Sunny Isles Beach (Hotel)

– Iconic Brickel Apartments in Downtown (Apartment) 

– Residence Inb Hotel by Marriot Aventura (Hotel)

– The Lofts at Aventura Village (Apartment)

تقريبا كل سكن بعيد عن العيادة والمستشفى تقريبا 15-20 دقيقة 

الدكتور 
 د. نبيل كان اجازه بالفتره الي كنت فيها فكان البديل دكتور دوميني، وكان صراحة ممتاز وبالو طويل ومتعاون كتير. موعدي كان بعد اسبوع من الوصول باول موعد اخدو عينة من دم للفحص وسمعو نبض البيبي ودفعنا فاول يوم واخدنا الزيرو بيل. كانو بفضلو ندفع بالكردت عشان دكتور نبيل كان اجازه. واحنا كان بدنا كردت اصلا. زي الاسعار فالموقع. واخدنا الزيرو بيل بنفس اليوم. وكلن عندي موعد كل اسبوع لحد موعد الولاده

 

 المستشفي 
 رحنا الاسبوع الي بعدي المستشفى دفعنا كل شي عشان نكون جاهزين في حال اجت الولاده باي وقت

 

الولاده 
 كانت الولاده بالاسبوع ال ٣٩ كنت رايحة الموعد عادي فشافني دكتور وقلي انتي حالة ولاده لازم تروحي المستشفى عطول. والحمدالله رحنا عطول وتمت الولاده بتاريخ ٢٥ شهر ٨ ولاده طبيعية بعد تقريبا يوم كامل. الممرضات والدكتور كانوا في قمة من الروعة والتعاون لابعد حدود. المستشفى نظيفة ومرتبه كتير وكل المنرضات والدكاتره متاعونين وما تركونا بدون مساعده. والدكتور كان يطمن علي بالتلفون او يجي عالغرفه او يبعت حدا .

 

شهادة الميلاد 
 اجت الموظفة تاني يوم ولاده مع الكمبيوتر تبعها وعبت البيانات معنا وتاكدنا منها. قالتنا خلال ١٠ دقايق الشهادة بتكون جاهزة. وبالفعل خلال ساعه كان زوجي رايح مكان الاستلام واخد كذا نسخة من الشهادة. وحطينا عنوان لاستلام السوشيال سيكروتي 

 

 الفواتير 
 طلعنا من مستشفى خلال ويكند فاستنينا يومين، ورجع زوجي للمستشفى ياخد الزيرو بيل، دفعنا ٥٠٠ دولار زياده لانو قعدنا يوم واحد زياده بس واخد الزيرو بيل. ال itemized  bill حكولنا بتستلموها بالبريد. 

وبعد تقريبا يومين وصلتنا فاتوره الفحوصات الزياده الي عملولي ياها بالايميل من مستشفى كانت تقريبا ٥٠ دولار ودفعناهم عطول اونلاين. المستشفى في الهم portal بكون الك اكاونت كل فواتير موجوده وتحاليل وازا في ايا شي بطلع عليه، فكنا كل شوي نشيك عليه ازا طلع شي جديد

 

الباسبور 
 حجزنا موعد يوم ٣١ أغسطس الساعه ٧ صبح واستلمنا الجواز بنفس اليوم الساعه ١٢ 

 

العوده 
 حجزنا الموعد على اساس عمر البيبي يكون ٩ ايام، وضفنا البيبي بحجز التلفون وحجزنا الباسينت كمان.